Шарттың ХVI бабының 2-тармағы алынып тасталады және мыналармен ауыстырылады: "2. Қатысушы мемлекеттер Бiрлескен консультациялық топтың шеңберiнде: (А) осы Шарт ережелерінің сақталуына немесе оларды айналып өту мүмкіндігiне байланысты мәселелердi қарайды; (В) осы Шарттың орындалуымен байланысты туындауы мүмкiн түсiнiксiз жайлар мен келiспеушiлiктердi реттеуге тырысады; (С) осы Шарттың тiршiлiк әрекетi мен тиiмдiлiгiн арттыру жөнiндегi шараларды қарайды және мүмкіндiгiнше келiседi; (D) кез келген Қатысушы мемлекеттің өтiнiшi бойынша IV баптың 4-тармағына сәйкес өзiнiң ұлттық шектi деңгейiн немесе V баптың 5-тармағына сәйкес өзiнiң аумақтық шектi деңгейiн арттыру жағына әрбiр Қатысушы мемлекеттің тiлегiн қайта қарауға қатысты мәселелердi қарайды; (Е) VII баптың 2-тармағына сәйкес ұсынылатын түсiндiрме баяндаманы және бұдан әрi сол бойынша кез келген жаңартылған ақпаратты қабылдайды және қарайды; (F) II баптың 2-тармағының талаптарына сәйкес Қолда бар түрлерi туралы хаттамадағы тiзбелердi жаңартады; (G) Шарттың сақталуын бақылау режимiн нығайту мақсатындағы ынтымақтастық шараларын, соның iшiнде әуе инспекцияларының нәтижелерiн оңтайлы пайдалану жолын қарастырады; (Н) Осы Шартты орындаудың Қатысушы мемлекеттер үшiн ортақ практикалық әдiстерiн табу мақсатында техникалық мәселелердi шешедi; (I) Қажеттiлiгiне қарай осы Шарт бойынша шақырылатын, Бiрлескен консультациялық топтар мен конференциялардың рәсімдік ережелерiн, жұмыс әдiстерiн, шығындарды бөлу шкаласын жасайды немесе қайта қарайды және Қатысушы мемлекеттер арасында инспекция шығындарын бөледi. (J) Қатысушы мемлекеттер арасында ақпараттар алмасу арқылы немесе осы Шартқа сәйкес өткiзiлетiн инспекцияның нәтижесiнде алынған ақпаратты, сондай Қатысушы мемлекеттiң елеулi болып табылатындығына сiлтеген ақпараттарды қорғауға қатысты әрбiр Қатысушы мемлекеттiң нақтылы талаптарын ескере отырып, тек қана осы Шарттың мақсаттары үшiн пайдалануды қамтамасыз етудегi тиiстi шараларды қарайды және жасайды; (К) кез келген Қатысушы мемлекеттің сұрау салуы бойынша XXI бапқа сәйкес шақырылатын кез келген конференцияның қарауына ұсынуға тiлек бiлдiрген Қатысушы мемлекеттiң кез келген мәселесiн қарайды; мұндай қарау кез келген Қатысушы мемлекеттің XXI бапта баяндалған рәсiмдерге жүгiну құқығына залал келтiрмейдi; (L) Тиiсiнше өтiнiш жасаған мемлекеттің Шартқа қосылу жағдайларын анықтай алатын Қатысушы мемлекеттер шеңберiнде орган ретiнде әрекет ететiн, ХVIII бапқа сәйкес осы Шартқа қосылу туралы кез келген мүмкiн болатын өтiнiштерiн қарайды және олардың қабылдануына кепiлдiк бередi; (М) Қатысушы мемлекеттердiң шешiмi бойынша мүмкін болатын кез келген келiссөздердi бұдан әрi өткiзедi; және (N) Осы Шарттың орындалуына байланысты туындаған даулы мәселелердi қарайды".