Шарттың 1-бабы алынып тасталады және мыналармен ауыстырылады:
Тармақ 1. Әрбір Қатысушы мемлекеттер осы Шарттың ережелеріне сәйкес кәдімгі қарулы күштердің мынадай бес санатына: жауынгерлік танктерге, жауынгерлік броньды машиналарға, артиллерияға, жауынгерлiк ұшақтарға және жауынгерлiк тiкұшақтарға қатысты мiндеттемелердi қоса онда белгiленген мiндеттемелердi орындайды. 2. Әрбір Қатысушы мемлекеттер, сондай-ақ осы Шартта белгiленген, қауiпсiздiктi және тұрақтылықты қамтамасыз етуге бағытталған басқа шараларды жүзеге асырады. 3. Қатысушы мемлекеттiң Шартпен шектейтін санаттағы кәдімгі қару-жарағы мен техникасы басқа Қатысушы мемлекеттiң аумағында тек халықаралық құқыққа, қабылдайтын Қатысушы мемлекеттiң айқын көрсетiлген келiсiмiне немесе Бiрiккен Ұлттар Ұйымы Қауiпсiздiк Кеңесiнiң тиiстi қарарына сәйкес қана бола болады. Айқын көрсетiлген келiсiм алдын ала берiлуi тиiс және ол ХIII-баптың 1-бис тармағында көрсетiлгенiндей қолданылуын жалғастыруы қажет. 4. Осы Шартқа төмендегі қосымшасымен, Қолда бар тұрпаттар туралы хаттама деп аталатын Кәдімгі қару-жарақ пен техниканың қолда бар типтері туралы хаттама; төменде Ұлттық шектi деңгейлер туралы хаттама деп аталатын Еуропадағы кәдімгі қарулы күштер туралы шартпен шектелетiн Кәдімгі қару-жарақ пен техниканың ұлттық шектi деңгейлерi туралы хаттама; төменде аумақтық шектi деңгейлер туралы хаттама деп аталатын Еуропадағы әдеттегi қарулы күштер туралы шартпен шектелетiн Кәдімгі қару-жарақ пен техниканың аумақтық шектi деңгейлерi туралы хаттама; төменде Ұшақтарды қайта топтастыру туралы хаттама деп аталатын Жауынгерлiк оқу-жаттығу ұшақтардың нақтылы модельдерiн немесе түрлерiн қарусыз оқу-жаттығу ұшақтарына қайта топтастыруды реттейтiн рәсiмдер туралы хаттама; төменде Қысқартулар туралы хаттама деп аталатын Еуропадағы кәдімгі қарулы күштер туралы шартпен шектелетiн Кәдімгі қару-жарақ пен техниканы қысқартуды реттейтiн рәсiмдер туралы хаттама; төменде Тiкұшақтарды қайта топтастыру туралы хаттама деп аталатын Жауынгерлiк тiкұшақтарды топтастырудың және көп мақсатты беруші тікұшақтардың қайта топтастырылуын реттейтiн рәсiмдер туралы хаттама; төменде Ақпарат алмасу туралы хаттама деп аталатын Хабарламалар мен ақпарат алмасу туралы хаттама, төменде Көлем туралы қосымша деп аталатын Ақпарат алмасу үшін көлем туралы қосымшасымен қоса; Инспекциялар туралы хаттама; және Бiрлескен консультациялық топ туралы хаттама қосылады. Бұл құжаттардың әрқайсысы осы Шарттың ажырамас бөлiгi болып табылады".