Тармақ 1. Шарттың II-бабы 1-тармағының (А) және (G) тармақшалары алынып тасталады. 2. Шарттың II-бабы 1-тармағының (В) тармақшасы алынып тасталады және мыналармен ауыстырылады: "(В) "Қолданыс ауданы" деген термин Дания Корольдiгiнiң Фарер, Свальбард (Шпицберген) аралдарын, Аюлы аралын, Норвегия Корольдiгiн, Португалия Республикасының Азор және Мадейра аралдарын, Испания Корольдiгiнiң Канар аралдарын және Ресей Федерациясының Франц-Иосиф жерi мен Жаңа жерiн қоса, Қатысушы мемлекеттердiң барлық еуропалық аралдық аумақтарын қамтитын Атлант мұхитынан Орал тауына дейiнгi барлық құрылықтық аумақты бiлдiредi. Қазақстан Республикасы мен Ресей Федерациясының жағдайында қолданыс ауданына Жайық өзені мен Каспий теңiзiнің батысындағы барлық аумақ қосылады. Түрiк Республикасының жағдайында қолданыс ауданына түрiк шекарасының 39-параллельмен қиылысар нүктесiнен өтетiн сызық бойымен солтүстiкке және батысқа қарай Мурадиеге, Патносқа, Қараязиге, Текманға, Кемалиеге, Фекеге, Жейханға, Доғанкентке, Гезнеге және одан әрi теңiзге дейiнгi Түрiк Республикасының аумағы қосылады". 3. Шарттың II-бабы 1-тармағының (Н) тармақшасы алынып тасталады және мыналармен ауыстырылады: "(Н) "Тұрақты қоймалық сақтаудың белгiленген орыны" деген термин табиғи шекарасы анық айқындалған, Шартпен шектелетiн, ұлттық шектi деңгейдiң есебiне кiретiн, әдеттегi қару-жарағы мен техникасы бар, бiрақ тұрақты бөлiмдерде Шартпен шектелетiн кәдімгi қару-жарағы мен техникасы бар, бірақ тұрақты бөлімдерде Шартпен шектелетін кәдімгі қару-жарағы мен техникасы шектелудің аясына кiрмейтiн жердi бiлдiреді". 4. Шарттың II-бабы 1-тармағының (J) тармақшасы алынып тасталады және мыналармен ауыстырылады: "(J) "Шартпен шектелетiн кәдімгі қару-жарақ пен техника" деген термин IV, V, VII баптарда, Ұлттық шектi деңгейлер туралы хаттама мен Аумақтық шектi деңгейлер туралы хаттамада белгіленген сандық шектелуге жататын жауынгерлiк танктердi, жауынгерлiк броньды машиналарды, артиллерияны, жауынгерлiк ұшақтар мен соққы беруші тiкұшақтарды бiлдiреді". 5. Шарттың II-бабы 1-тармағының (U) тармақшасы алынып тасталады және мыналармен ауыстырылады: "(U) "қысқарту нормасы" деген термин IV бапты сақтауды қамтамасыз ету мақсатында Шарттың ережелерiне сәйкес қысқартуға мiндеттенген Қатысушы мемлекеттiң Шартпен шектелетiн кәдімгі қару-жарағы мен техникасының әр санатының санын бiлдiредi".