Тармақ 1. Шарттың XXII бабының 1-тармағы алынып тасталады және мыналармен ауыстырылады: "1. Осы Шартты әрбiр Қатысушы мемлекет өздерiнiң консультациялық рәсiмдерiне сәйкес бекiтуге тиiс; ол ХVIII бапқа сәйкес мемлекеттердiң қосылуы үшiн ашық. Бекiту грамоталары және қосылған жағдайда қосылу туралы құжаты, осы шартпен депозитарий ретiнде тағайындалған Нидерланд Корольдiгiнің үкiметiне сақтауға тапсырылады". 2. XXII баптың 3-тармағы алынып тасталады және мыналармен ауыстырылады: "3. Депозитарий дереу барлық Қатысушы мемлекеттерге: (А) әрбiр бекiту грамотасын немесе қосылу туралы құжатын сақтауға тапсыру; (В) осы Шарттың күшiне енуi; (С) XIX бапқа сәйкес кез келген шығу және оның күшiне енген күні; (D) XX бапқа сәйкес ұсынылған кез келген түзетудiң мәтiнi; (Е) осы Шартқа кез келген түзетудiң күшiне енуi; (F) ХVIII бапқа сәйкес Шартқа қосылу туралы кез келген өтiнiшi; (G) XXI бапқа сәйкес конференция шақыру туралы кез келген өтініші; (Н) XXI бапқа сәйкес конференцияны шақыру; және (І) осы Шартқа сәйкес депозитарийден Қатысушы мемлекеттерге хабарлау талап етiлетiн кез келген басқа мәселе туралы хабарлайды".