Шарттың XXI бабының 1 және 2-тармақтары алынып тасталады және мыналармен ауыстырылады: "1. Осы Шарт күшiне енгеннен кейiн қырық алты айдан кейiн және бұдан әрi әрбiр бес жылдан кейiн ұлттық шектi деңгейлердің, аумақтық шектi деңгейлердiң және аумақтық шектi кiшi деңгейлердiң iс-қимылы мен маңыздылығын, inter alia қоса отырып, сондай-ақ бiрде-бiр Қатысушы мемлекеттердің қауiпсiздiгiне залал келтiрмеудi қамтамасыз етудің қажеттiлiгiн ескере отырып, солармен байланысты мiндеттемелермен бiрге басқа да шарттық элементтердi қарауды, осы шарттың iс-қимылын қарауды өткiзу үшiн депозитарий Қатысушы мемлекеттердің конференциясын шақырады. 1-бис. Аумақтық шектi деңгейiн 153 жауынгерлiк танктен, 241 жауынгерлiк броньды машинадан және 140 артиллерия бiрлiгiнен асыра арттыруға байланысты уақытша өрiстету туралы хабарлама алуына кейiн немесе VII баптың 2-тармағына сәйкес Қатысушы мемлекеттiң өтiнiшi бойынша депозитарий Қатысушы мемлекеттердің конференциясын шақырады, онда өрiстетудi қабылдаушы және жүзеге асырушы Қатысушы мемлекет уақытша өрiстетуге әкелiп соқтырған жағдайдың сипатын түсiндiредi. Егер барлық Қатысушы мемлекеттер өзгелер туралы келiспесе, конференция кiдiрiссiз, бiрақ хабарламадан кейiн жетi күннен кешiктiрмей шақырылады және 48 сағатқа дейiн созылады. Бiрлескен консультациялық топтың төрағасы Еуропадағы қауiпсiздiк пен ынтымақтастық жөнiндегi Ұйымның Қауiпсiздiк саласындағы ынтымақтастық жөніндегi Тұрақты кеңесi мен Форумға қалыптасқан жағдай туралы баяндайды. 2. Осы Шартқа қатысты ерекше жағдай туындады деп санайтын кез келген Қатысушы мемлекет тарапынан бұл туралы өтiнiш жасалған жағдайда депозитарий Қатысушы мемлекеттердiң төтенше конференциясын шақырады. Осындай конференцияға дайындалу үшiн басқа Қатысушы мемлекеттерге мүмкiндiк беру мақсатында өтiнiште Қатысушы мемлекет төтенше конференцияны шақыру қажет деп санайтын себептерi баяндалады. Конференция өтiнiште баяндалған жағдайларды және олардың осы Шартқа ықпалын қарастырады. Конференция өтiнiштi алғаннан кейiн 15 күннен кешiктiрмей ашылады және егер конференция өзге шешiм қабылдамаса үш аптаға дейiн созылады".