Жауынгерлiк оқу-жаттығу ұшақтарының нақтылы үлгiлерi мен түрлерiн қару-жарақсыз оқу-жаттығу ұшақтарына қайта топтастыруды реттейтiн рәсiмдер туралы хаттамада: 1. I бөлiмнің 1 және 2-тармақтары алынып тасталады және мыналармен ауыстырылады: "Әрбiр Қатысушы мемлекет Шарттың IV бабындағы және Ұлттық шектi деңгейлер туралы хаттамада жауынгерлiк ұшақтарға белгiленген сандық шектеуден осы Хаттамада көрсетiлген рәсiмдерге сәйкес осы Хаттаманың II бөлiмiнiң 1-тармағында аталған жауынгерлiк оқу-жаттығу ұшақтарының нақтылы үлгiлерi мен түрлерiн ғана шығаруға құқылы. (А) Әрбiр Қатысушы мемлекет Шарттың IV бабында және Ұлттық шектi деңгейлер туралы хаттамада жауынгерлiк ұшақтарға белгiленген сандық шектеуден осы Хаттаманың II бөлiмiнiң 1-тармағында аталған осы Хаттаманың III бөлiмi 1 және 2-тармақтарында көрсетiлген, оның кез келген құрамдас бөлiгi бар жекелеген ұшақтардың нақтылы үлгiлерi мен түрлерiн тек толық қарусыздандыру және сертификаттау жолымен шығаруға құқылы. (В) Әрбiр Қатысушы мемлекет Шарттың IV бабында және Ұлттық шектi деңгейлер туралы хаттамада жауынгерлiк ұшақтарға белгiленген сандық шектеуден осы Хаттаманың II бөлiмi 1-тармағында аталған, осы Хаттаманың III бөлiмi 1 және 2-тармақтарында көрсетiлген құрамдас бөлiктердiң бiрде-бiрi жоқ, жекелеген ұшақтардың нақтылы үлгiлерi мен түрлерiн тек сертификаттау жолымен шығаруға құқылы. 2. Осы Хаттаманың II тарауының 1-тармағында аталған жауынгерлiк оқу-жаттығу ұшақтарының үлгiлерi мен түрлерi Шарт күшiне енгеннен кейiн 40 айдың iшiнде қарусыздандырылады және сертификатталады немесе тек қана сертификатталады. Әзiрге мұндай ұшақтар осы Хаттаманың IV тарауында көрсетiлген рәсiмдерге сәйкес қарусызданған ретiнде сертификатталмаған болса, Шарттың IV бабында және Ұлттық шектi деңгейлер туралы хаттамада жауынгерлiк, ұшақтарға белгiленген сандық шектеуге есептеледi. Әрбiр Қатысушы мемлекеттiң Шарттың IV бабында және Ұлттық шектi деңгейлер туралы хаттамада жауынгерлiк ұшақтарға белгiленген сандық шектеуден 550 осындай ұшақтан аспайтын, оның iшiнде 130-дан аспайтыны үлгi немесе МИГ-25у нұсқасы болып табылатын ұшақтарды шығаруға құқылы". 2. II бөлiмнiң 1-тармағы алынып тасталады және мыналармен ауыстырылады: "1. Әрбiр Қатысушы мемлекет тек мынадай жауынгерлiк оқу-жаттығу ұшақтарының нақтылы үлгiлерiн немесе нұсқаларын осы Хаттаманың ережелерiне сәйкес Шарттың IV бабында және Ұлттық шектi деңгей туралы хаттамада жауынгерлiк ұшақтарға белгiленген сандық шектеуден шығаруға құқылы: СУ-15у СУ-17у МиГ-15у МиГ-21у МиГ-23у МиГ-25у МиГ-28". 3. IV бөлiм алынып тасталады және мыналармен ауыстырылады:
Тармақ 1. Әрбiр Қатысушы мемлекет жауынгерлiк оқу-жаттығу ұшақтарының үлгілерін немесе түрлерін қарусыздандыруға және сертификаттауға немесе тек сертификаттауға ғана ниет бiлдiрсе, осы Шарттың III бөлiмiнiң 1 және 2-тармақтарында аталған мұндай ұшақтардың ешқандай сыңарының болмауын қамтамасыз ету үшiн осындай сертификаттау рәсiмiн ұстанады. 2. Әрбiр Қатысушы мемлекет әрбiр сертификаттау туралы Инспекциялар туралы хаттаманың X бөлiмiнiң 3-тармағына сәйкес барлық басқа Қатысушы мемлекеттердi хабардар етедi. Сертификаттауды өткiзуге ниет бiлдiрген Қатысушы мемлекет толық қарусыздандыру талап етiлмейтiн ұшақтар үшiн алғаш сертификатталатын жағдайда ұшақтың сол қару-жарақ үлгiлерi мен нұсқалары үшiн осы Шарттың III бөлiмiнің 3-тармағының (А), (В) және (С) тармақшаларында талап етілген ақпараттарды барлық басқа Қатысушы мемлекеттерге бередi. 3. Әрбiр Қатысушы мемлекет Инспекциялар туралы хаттаманың X бөлімiне сәйкес жауынгерлiк оқу-жаттығу ұшақтарын сертификаттауға инспекция өткiзуге құқылы. 4. Мынадай Шарт бойынша, бiрде-бiр Қатысушы мемлекет сертификаттау және қайта сертификаттау процесiне байланысты түсiнбестiк бар деп санаса, ол туралы барлық басқа Қатысушы мемлекеттерге хабарламаса, осы бөлiмнiң 5-тармағына сәйкес көрсетiлген сертификаттаудың және қайта топтастырудың аяқталғандығы туралы хабарлама алған сәттен бастап 30 күн iшiнде, осы бөлiмнің 3-тармағы мен Инспекциялар туралы хаттаманың Х бөлiмiнде баяндалған қандайда бiр Қатысушы мемлекет сертификаттауды инспекциялау жөнiндегi құқығын пайдаланғанына байланысты емес, осы бөлiмде көзделген сертификаттау рәсiмi аяқталғанда ғана толық қарусыздандыру және сертификаттау немесе тек сертификаттау процесi аяқталды деп саналады. Егер осындай түсiнiксiздiк туындаған жағдайда ол түсiнiксiздiкке жататын осындай қайта топтастыру мәселе шешiлгенге дейiн аяқталды деп саналмайды. 5. Сертификаттауды өткiзетiн Қатысушы мемлекет, сертификаттаудың аяқталғандығы туралы Инспекциялар туралы хаттаманың Х бөлiмiне сәйкес барлық басқа Қатысушы мемлекеттердi хабардар етедi. 6. Сертификаттау қолданыс ауданында өткiзiледi. Қатысушы мемлекеттер сертификаттау орындарын бiрлесiп пайдалануға құқылы.