Еуропадағы кәдiмгi қарулы күштер туралы шартпен шектелетiн кәдiмгi қару-жарақ пен техниканың қысқартылуын реттейтiн Рәсiмдер туралы хаттамада: 1. VIII бөлiмнiң 2 және 10-тармақтары алынып тасталады және мыналармен ауыстырылады: "2. Әрбiр Қатысушы мемлекет қайта жабдықталатын жауынгерлiк танктер мен жауынгерлiк броньды машиналардың санын анықтайды. Бұл сан: (А) жауынгерлiк танктер үшiн - Ұлттық шектi деңгейлер туралы хаттамада осы Қатысушы мемлекет үшiн белгiленген Ұлттық шектi деңгейден 5,7 пайыздан (750 жауынгерлiк танктен артық емес) немесе несi көп, Соған байланысты 150 бiрлiктен; және (В) жауынгерлiк броньды машиналар үшiн - Ұлттық шектi деңгейлер туралы хаттамада осы Қатысушы мемлекет үшiн белгiленген Ұлттық шектi деңгейден 15 пайыздан (3000 жауынгерлiк броньды машиналардан артық емес) немесе несi көп соған байланысты 150 бiрлiктен аспайды". "10. Егер белгілi бiр машинаға осы бөлiмнің 6-тармағында көрсетiлген рәсiмнiң аяқталуы бойынша түпкiлiктi қайта жабдықтауды жүзеге асырмауға шешiм қабылданса, осы Хаттаманың басқа тұстарында баяндалған тиiстi рәсiмдерге сәйкес бұл машиналар жойылады". 2. IX тараудың 1-тармағы алынып тасталады және мыналармен ауыстырылады: "1. Әрбiр Қатысушы мемлекет Шартпен шектелетiн кәдiмгi қару-жарақ пен техниканың әр санаты үшiн өзiнiң қысқарту нормасын, апат нәтижесiнде жойылған жағдайда, Ұлттық шектi деңгейлер туралы хаттамада осы Қатысушы мемлекет үшiн белгiленген Шартпен шектелетiн кәдiмгi қару-жарақ пен техниканың осы санатындағы Ұлттық шектi деңгейдiң 1,5 пайызынан аспайтын мөлшерде қысқартуға құқылы". 3. Х тараудың 2-тармағы алынып тасталады және мыналармен ауыстырылады: "2. Бiрде-бiр Қатысушы мемлекет Шартпен шектелетiн, әр санаттағы кәдiмгi қару-жарақ пен техниканың Ұлттық шектi деңгейлерi туралы хаттамада сол Қатысушы мемлекет үшiн белгiленген Ұлттық шектi деңгейдің бiр пайызынан артық емес немесе қай саны көп, соған байланысты сегiз бiрлiктi қысқарту үшiн тұрақты экспозицияны пайдалана алмайды". 4. XI бөлiмнiң 2-тармағы алынып тасталады және мыналармен ауыстырылады: "2. Бiрде-бiр Қатысушы мемлекет Шартпен шектелетiн, осы екi санаттағы әдеттегi қару-жарақ пен техниканың Ұлттық шектi деңгейлерi туралы хаттамада осы Қатысушы мемлекет үшiн көзделген Ұлттық шектi деңгейдiң 2,5 пайызынан асатын жауынгерлiк танктер мен жауынгерлiк броньды машиналар санын жер үстiндегi мақсаттар үшiн пайдалану жолымен қысқартпайды. Бұдан басқа, бiрде-бiр Қатысушы мемлекет өздiгiнен жүретiн артиллерияны жер үстiндегi нысана ретiнде пайдалану жолымен 50 бiрлiктен артық қысқартуға құқығы жоқ". 5. XII бөлiмнің 2-тармағы алынып тасталады және мыналармен ауыстырылады: "2. Қатысушы мемлекет Шартпен шектелетiн, әр осы екi санаттағы кәдiмгi қару-жарақ пен техниканың Ұлттық шектi деңгейлер туралы хаттамада осы Қатысушы мемлекет үшiн белгiленген Ұлттық шектi деңгейiнiң бес пайызынан асатын жауынгерлiк ұшақтар мен соққы берушi тiкұшақтардың санын жер үстiндегi оқу-жаттығудың материалдық бөлiгi ретiнде пайдалану жолымен қысқартпайды.