Жауынгерлік тiкұшақтарды топтастыруды және көп мақсатты соққы берушi тiкұшақтарды қайта топтастыруды реттейтiн рәсiмдер туралы хаттамада: 1. І бөлiмнің 3-тармағы алынып тасталады және мыналармен ауыстырылады: "3. Осы бөлiмнiң 2-тармағының ережелерiнен тәуелсiз және осы тармаққа ерекше өзгешелiк ретiнде Әзербайжан Республикасы, Армения Республикасы, Беларусь Республикасы, Грузия, Қазақстан Республикасы, Молдова Республикасы, Ресей Федерациясы және Украина Шарттың IV бабында және Ұлттық шектi деңгейлер туралы хаттамада шектеуге жатпайтын тiкұшақтар, барлауды, бағыттауды немесе химиялық биологиялық радиологиялық сынақ алуды iрiктеу үшiн қайта жабдықталған Ми-24p және Ми-24к тiкұшақтарының 100 бiрлiгiнен аспайтын жалпы сандық жиынтығын ұстауға құқылы. Мұндай тiкұшақтар Ақпараттар алмасу туралы хаттамаға сәйкес ақпарат алмасуға және Ақпараттар алмасу туралы хаттамадағы VI бөлiмiнiң 33-тармағына сәйкес іштей инспекциялауға жатады". Ми-24p және Ми-24к тiкұшақтары мынадай шектен тыс: Әзербайжан Республикасы - 4; Армения Республикасы - 4; Беларусь Республикасы - 16; Грузия - 4; Қазақстан Республикасы - 0; Молдова Республикасы - 4; Ресей Федерациясы - 50; Украина - 18 олардың қалай жабдықталғанына қарамастан арнайы жабдықталған соққы берушi тiкұшақтар ретiнде топтастырылады және Шарттың IV бабында және Ұлттық шектi деңгейлер туралы хаттамада соққы берушi тiкұшақтарға арналған шектелуге жатқызылады. Жоғарыда келтiрiлген шектеулердің кез келген өзгерiстерiне қатысты Шарттың IV бабының 3-тармағы мен IV бабының 5-тармағындағы mutatis mutanolis ережелерi қолданылады. 2. IV бөлiм алынып тасталады және мыналармен ауыстырылады:
Тармақ 1. Көп мақсатты соққы берушi тiкұшақтарды қайта топтастыратын әрбiр Қатысушы мемлекет мұндай тiкұшақтарды осы Хаттаманың III тарауының 1-тармағында аталған ешбiр айрықша белгiлер жоқ екендiгiн қамтамасыз ету үшiн сертификаттаудың мынадай рәсiмдерiн ұстанады. 2. Әрбiр Қатысушы мемлекет әрбiр сертификаттау туралы Инспекциялар туралы хаттаманың X тарауының 3-тармағына сәйкес барлық басқа Қатысушы мемлекеттердi хабардар етедi. 3. Әрбiр Қатысушы мемлекет Инспекциялар туралы хаттаманың Х бөлiмiне сәйкес тiкұшақтарды сертификаттауға инспекция өткiзуге құқылы. 4. Осы бөлiмнің 5-тармағына сәйкес берiлген сертификаттаудың және қайта топтастырудың аяқталғандығы туралы хабарламаны алған сәттен бастап 30 күн iшiнде бiрде-бiр Қатысушы мемлекет сертификаттау және қайта топтастыру процесiне байланысты түсiнбестiк бар деп есептейтiнi туралы барлық басқа Қатысушы мемлекеттердi хабардар етпесе, қандайда бiр Қатысушы мемлекет осы бөлiмнiң 3-тармағында және Инспекциялар туралы хаттаманың X бөлiмiнде баяндалған сертификаттауды инспекциялау бойынша құқығын пайдаланғанына қарамастан, осы бөлiмде көзделген сертификаттау рәсiмi аяқталғанда ғана қайта топтастыру рәсiмi аяқталды деп саналады. 5. Сертификаттауды өткiзетiн Қатысушы мемлекет сертификаттаудың және қайта топтастырудың аяқталғандығы туралы Инспекциялар туралы хаттаманың X бөлiмiне сәйкес барлық басқа Қатысушы мемлекеттерге хабарлайды. 6. Сертификаттау қолданыс ауданында өткiзiледi. Қатысушы мемлекеттер сертификаттау орындарын бiрлесiп пайдалануға құқылы.