Ақпараттар алмасу көлемi жөнiндегi Қосымшасымен қоса Хабарламалар және ақпарат алмасу туралы хаттама алынып тасталады және мыналармен ауыстырылады:
Тармақ 1. Әрбiр Қатысушы мемлекет барлық басқа Қатысушы мемлекеттерге қолданыс ауданы шегiндегi өзiнiң құрлықтағы әскерлерiнің және әскери-әуе күштерi мен әуе шабуылынан қорғаныс әскерлерi авиациясының құрылымы туралы мынадай ақпарат бередi: (А) өзiнiң құрлық әскерлерiнiң атауын және қолбасшылықтың әр деңгейiндегi барлық жауынгерлiк құрамалар мен бөлiмдердiң және жауынгерлiк, тылдық және техникалық қамтамасыз ету құрамалары мен бөлiмдердiң бағыныстылығын көрсете отырып, әскери округке немесе төменгi деңгейге, не баламалық деңгейге бағыныстылығын, әуе шабуылынан қорғаныс құрамалары мен бөлiмдерiне қоса, бригада/полк деңгейiне дейiн қолбасшылықты ұйымдастыру. Бригада/полк деңгейiнен жоғары құралымдарға тiкелей бағынысты бригада/полк деңгейiнен төмен қолбасшылықтың келесi кезектегi деңгейiнiң жекелеген бөлiмдерi (яғни жекелеген батальондары), оларға осындай бөлiмдер бағындырылған құралымдарды немесе бөлiмдердi көрсететiн ақпараттармен сәйкестендiрiледi; (В) авиақанат/әуе полкi деңгейiне немесе баламалық деңгейге дейiнгi қолбасшылықтың әр деңгейiндегi құралымдар мен бөлiмдердің атаулары мен бағыныстылығын көрсете отырып, оның әскери-әуе күштерi мен әуе шабуылынан қорғаныс әскерлерi авиациясының қолбасшылығын ұйымдастыру. Авиақанат/әуе полкi (яғни жекелеген эскадрильялары) деңгейiнен жоғары құралымдарға тiкелей бағынысты, авиақанат/әуе полкi деңгейiнен төмен қолбасшылықтың келесi деңгейiндегi жекелеген бөлiмдер, оларға осындай бағынысты құралымдарды немесе бөлiмдердi көрсететiн ақпараттармен сәйкестендiрiледi; және (С) осы Хаттаманың III бөлiмi 3-тармағының (А) және (В) тармақшаларында көрсетiлгенiндей әскери объектiлердiң атаулары мен бағыныстылығы.
Тармақ 1. Әрбiр Қатысушы мемлекет барлық басқа Қатысушы мемлекеттерге: (А) Шартпен шектелетiн және Ұлттық шектi деңгейлер туралы хаттамада белгiленген сандық шектеуге жататын кәдiмгi қару-жарақ пен техниканың әрбiр санатының өзiнде бар жалпы саны мен түрi бойынша саны; (В) Ұлттық шектi деңгейлер туралы хаттамада белгiленген сандық шектеуге жататын Қатысушы мемлекеттердiң аумағын және шектi төменгi деңгейлi аумақты көрсете отырып, өзiнiң жауынгерлiк танктерiнiң, жауынгерлiк броньды машиналары мен артиллериясының жалпы саны мен қолда бар түрi бойынша саны; (С) Ұлттық шектi деңгейлер туралы хаттамада белгiленген сандық шектеуге жататын Қатысушы мемлекеттердiң аумағын көрсете отырып, өзiнiң жауынгерлiк ұшақтары мен соққы берушi тiкұшақтарының жалпы саны мен қолда бар түрi бойынша саны; және (D) Шарттың күшi қолданылатын өзiнiң кәдiмгi қару-жарақтары мен техникаларының жалпы саны мен қолда бар түрi бойынша саны; (1) танктiк көпiр қоюшылар; (2) бейбiт уақытта iшкi қауiпсiздiк функциясын қамтамасыз етудi жүзеге асыру үшiн құрылған және құрылымдық ұйымдастырылған ұйымның қолда бар жаяу әскерлердiң жауынгерлiк машиналары; (3) есептен шығарылған және пайдаға асырылуға тиiстi жауынгерлiк танктер, жауынгерлiк броньды машиналар, артиллериялар, жауынгерлiк ұшақтар және соққы берушi тікұшақтар; және (4) Ми-24p және Ми-24к тiкұшақтары туралы ақпараттар бередi.
Тармақ 1. Осы Хаттаманың 1-бөлiмiнің 1-тармағы (А) және (В) тармақшаларына сәйкес хабарланған өзiнiң әрбiр құралымдары мен бөлiмдерi, сондай-ақ сол құралымдар мен бөлiмдерге бағынысты жеке орналасқан батальондар/эскадрильялар немесе олардың баламалары үшiн әрбiр Қатысушы мемлекет барлық басқа Қатысушы мемлекеттерге мынадай ақпараттар бередi: (А) бейбiт уақытта мынадай санаттағы Шартпен шектелетiн кәдiмгi қару-жарақ пен техника: (1) жауынгерлiк танктер; (2) жауынгерлiк броньды машиналар; (3) артиллерия; (4) жауынгерлiк ұшақтар; (5) соққы берушi тікұшақтар бар құралымдары мен бөлiмдерiнің атауы және орналасқан орындары, соның ішінде географиялық атауы мен координаты көрсетiлген штабтар; (В) осы тармақтың (А) тармақшасына сәйкес хабарламада көрсетiлген өзiнiң құралымдары мен бөлiмдерiндегi осы тармақтың (А) тармақшасында аталған кәдiмгi қару-жарақ пен техниканың (дивизия немесе оның баламасы және төмен деңгейiндегi құралымдар мен бөлiмдерге қатысты түрi бойынша) санын көрсете отырып, және мыналардың бар-жоғы: (1) жауынгерлiк қамтамасыз ету тiкұшақтары; (2) қаруланбаған көлiк тiкұшақтары; (3) танкiлiк көпiр салушылар; (4) ұқсас - жаяу әскерлердің жауынгерлiк машиналары; (5) ұқсас - броньды транспортерлер; (6) оқу-жаттығу ұшақтары; (7) қайта топтастырылған жауынгерлiк-жаттығу ұшақтары; және (8) Ұлттық шектi деңгейлер туралы хаттамада белгiленген сандық шектеуге жатпайтын Ми-24р және Ми-24к тiкұшақтары 1 ; (С) осы тармақтың (А) тармақшасына сәйкес хабарламада көрсетiлгендер болып табылмайтын Қолданыстағы түрлер туралы хаттамада көрсетiлген немесе Ұшақтарды қайта топтастыру туралы хаттамада аталған географиялық атауы мен тұрған орындары көрсетiлген штабтары қоса, Шарттың II бабында айқындалғанындай, қолдарында мынадай санаттағы кәдiмгi қару-жарақ пен техникасы: (1) жауынгерлiк қамтамасыз ету тiкұшақтары; (2) қаруланбаған көлiк тiкұшақтары; (3) танкiлiк көпiр салушылар; (4) ұқсас - жаяу әскерлердің жауынгерлiк машиналары; (5) ұқсас - броньды транспортерлерге; (6) оқу-жаттығу ұшақтары; (7) қайта топтастырылған жауынгерлiк жаттығу ұшақтары; және (8) Ұлттық шектi деңгейлер туралы хаттамада белгiленген, сандық шектеуге жатпайтын Ми-24p және Ми-24к тiкұшақтары 2 бар, өзiнiң құрамалары мен бөлiмдерiнiң атауы және бейбiт уақытта орналасқан орны; (Д) осы тармақтың (С) тармақшасына сәйкес хабарланған өзiнiң құралымдары мен бөлiмдерiндегi жоғарыда аталған әр санаттағы (дивизия немесе оның баламасы және төмен деңгейiндегi құралымдар мен бөлiмдерге қатысты түрi бойынша) сандарды көрсете отырып, ақпарат бередi. 2. Әрбiр Қатысушы мемлекет барлық Қатысушы мемлекеттерге өзiнiң кәдiмгi қарулы күштерi қаруланған, өзiнiң құрлықтағы әскерлерiнiң немесе әскери-әуе күштерiнің не әуе шабуылынан қорғаныс әскерi авиациясының қолданысында жоқ, кәдiмгi қару-жарақ пен техника туралы мыналарды көрсете отырып, ақпарат бередi: (А) географиялық атаулары мен координатын көрсете отырып, штабтарын қоса, бригадалар/полктер, авиақанат/әуе полкi немесе оның баламасы деңгейiне дейiнгi өзiнiң құралымдары мен бөлiмдерiнiң, сондай-ақ қолбасшылықтың келесi деңгейiндегi бөлек орналасқан немесе жеке болып табылатын (яғни батальондар/эскадрильялар немесе олардың баламалары), мынадай санаттағы шартпен шектелетiн кәдiмгi қару-жарақ пен техникасы бар бригадалар/полктер, авиақанат/әуе полкi деңгейiнен төмен бөлiмдердiң атаулары мен бейбiт уақытта орналасқан орны: (1) жауынгерлiк танктер; (2) жауынгерлiк броньды машиналар; ______________________ 1 Тiкұшақтарды қайта топтастыру туралы хаттаманың I бөлiмiнiң 3-тармағына сәйкес. 2 Тiкұшақтарды қайта топтастыру туралы хаттаманың I бөлiмiнiң 3-тармағына сәйкес.
Тармақ 3. Әрбiр Қатысушы мемлекет барлық басқа Қатысушы мемлекеттерге мынадай ақпарат бередi: (А) географиялық атауы мен координатын көрсете отырып, бақылау объектiлерi, жөндеу және қызмет көрсету жөнiндегi жеке бөлiмдер, әскери оқу мекемелерi мен әскери әуеайлақ ретiнде сәйкестендiрiлген құралымдар мен бөлiмдер үшiн штаттық болып табылмайтын, оның қоймалық сақтауының әскери тұрағының жерi мұнда санаттағы кәдiмгi қару-жарақ пен техниканың саны мен түрi; (В) географиялық атауы мен координатын көрсете отырып, бақылау объектiлерi, жөндеу және қызмет көрсету жөнiндегi жеке бөлiмдер, әскери оқу мекемелерi мен әскери әуеайлақ ретiнде сәйкестендiрiлген құралымдар мен бөлiмдер үшiн штаттық болып табылмайтын, оның қоймалық сақтауының әскери тұрағының жерi мұнда санаттағы кәдiмгi қару-жарақ пен техниканың, осы бөлiмнiң 1-тармағының (А) және (В) тармақшаларында аталған қолда немесе кәдiмгi қолданыста бар, осындай жерлерде орналасқан әр санаттағы түрi бойынша бар-жоғы атап көрсетiледi; және (С) Шартпен шектелетiн осындай орналасу орындарында қысқартылуға тиiстi, және бұл қысқарту орны екендiгiн көрсете отырып, кәдiмгi қару-жарақ пен техниканың әрбiр санатының түрi бойынша қолда барын, географиялық атауы мен координаты бойынша орналасқан орнын көрсете отырып, Қысқарту туралы хаттамаға сәйкес, Шартпен шектелетін кәдiмгi қару-жарақ пен техниканы қысқарту жүргiзiлетiн оның орнының орналасуы. ________________________ 1 тікұшақтарды қайта топтастыру туралы хаттаманың I бөлiмiнiң 3-тармағына сәйкес
Тармақ 1. Әрбiр Қатысушы мемлекет, барлық басқа Қатысушы мемлекеттерге өзінің кәдiмгi қарулы күштерінің қаруланған бiрақ әлеуеттiк әскери маңызы бар, қолданыс ауданы шегiнде өзiнiң жауынгерлiк танктерінің, жауынгерлiк броньды машиналарының, артиллериясының, жауынгерлiк ұшақтар мен соққы берушi тiкұшақтардың орналасқан жерi мен саны туралы ақпарат бередi: (А) Тиiсiнше, әрбiр қатысушы мемлекет мынадай ақпарат бередi: (1) бөлек немесе жеке орналасқан батальон деңгейiне немесе бейбiт уақытта iшкi қауіпсiздiктi қамтамасыз ету функциясын жүзеге асыру үшiн құрылған және құрылымдық ұйымдастырылған баламалық деңгейге дейiнгi ұйымда бар өзiнiң Шарттың XII бабында көрсетiлгендей жауынгерлiк танктерiне, артиллериясына, жауынгерлiк ұшақтарына және арнайы жабдықталған соққы берушi тiкұшақтарына, сондай-ақ жаяу әскерлердің жауынгерлiк машиналарына қатысты, - сондай қару-жарақ пен техникасы бар орындардың географиялық атауы мен координатын қоса алғанда орналасқан жерi және әрбiр сондай ұйымның қолында бар сол санаттағы кәдiмгi қару-жарақ пен техниканың түрi; (2) бейбiт уақытта iшкi қауiпсiздiктi қамтамасыз ету функциясын жүзеге асыру үшiн құрылған және құрылымдық ұйымдастырылған ұйымның қолында бар броньды транспортерлерiне, ауыр қару-жарақты жауынгерлiк машиналарына және көп мақсатты соққы берушi тiкұшақтарына қатысты-әрбiр әкiмшiлiк аймақта немесе бөлiк бiрлiктерiнде әр санаттың сондай қару-жарағы мен техникасының жиынтық саны; (3) Шарттың IX бабының ережелерiне сәйкес есептен шығарылғаннан кейiн пайдаға асырылуы тиiс жауынгерлiк танктерiне, жауынгерлiк броньды машиналарына, артиллериясына, жауынгерлiк ұшақтары мен соққы берушi тiкұшақтарына қатысты - сондай қару-жарақ пен техника бар орынның географиялық атауы мен координатын қоса, орналасқан жерi және әр жердегi саны мен түрі; (4) экспортты немесе керi экспортты күтетiн не экспорт немесе керi экспорт үшiн қайта жабдықталған және қолданыс ауданында уақытша сақталатын жауынгерлiк танктерiне, жауынгерлiк броньды машиналарына, артиллериясына, жауынгерлiк ұшақтар мен соққы берушi тiкұшақтарына қатысты әрбiр Қатысушы мемлекет барлық басқа Қатысушы мемлекеттерге Шарт күшiне енгеннен кейiн және бiр мезгiлде әрбiр орынның орналасуымен сәйкестендiрiлген осы Хаттаманың VII бөлiмi 1-тармағына сәйкес онда әдеттегiдей жалпы алғанда 15-тен астам жауынгерлiк танктер, жауынгерлiк броньды машиналар және артиллериялық бiрлiктер немесе Шарттың III бабының 1-тармағындағы (E) тармақшасына сәйкес экспортты немесе керi экспортты күтетiн не экспорт немесе керi экспорт үшiн қайта жабдықталатын және қолданыс ауданында уақытша сақталатын бестен артық жауынгерлiк ұшақтардан немесе оннан аса соққы берушi тiкұшақтардан тұратын әр жыл сайынғы ақпараттар алмасуды ұсынады. Әрбiр Қатысушы мемлекет барлық басқа Қатысушы мемлекеттерге Шарт күшiне енгеннен кейiн және осы Хаттаманың VII бөлiмiнің 1-тармағына сәйкес жыл сайынғы ақпарат алмасумен бiр мезгiлде мыналарды ұсынады: (а) келесi жылғы 1 қаңтардағы жағдай бойынша сондай жауынгерлiк танктердің, жауынгерлiк броньды машиналардың, артиллерияның, жауынгерлiк ұшақтардың және соққы берушi тiкұшақтардың саны; және (в) соңғы 12 айдың iшiнде "Экспортты күту" санатынан шығарылған, белгiленуi бойынша оларды бөле отырып: кәдiмгi қарулы күштерге немесе ішкі қауiпсiздік күштерiне қайта бағындырылған, "Есептен шығарылған және пайдаға асыруды күту" санатына ауыстырылған, пайдаға асыруға тартылған немесе қолданыс ауданының шегiнен шығарылған жауынгерлiк танктердiң, жауынгерлiк броньды машиналардың, артиллерияның, жауынгерлiк ұшақтар мен соққы берушi тiкұшақтардың түрi бойынша жалпы саны. Қатысушы мемлекеттер Бiрлескен кеңес берушi топтың шеңберiнде осы ережелерге сәйкес саны туралы ақпараттар беру түрлерiн келiседi. (5) қысқартылған және Қысқарту туралы хаттаманың VIII бөлiмiне сәйкес қайта жабдықтауды күтетiн жауынгерлiк танктерiне және жауынгерлiк броньды машиналарына қатысты - қолда бар сондай қару-жарақ пен техниканың әрбiр орнының географиялық атауы мен координатын қоса орналасуы және әр орындағы саны мен түрлерi; және (6) Шарттың III бабы 1-тармағының (В) тармақшасына сәйкес тек қана зерттеу және әзiрлеу мақсаттары үшiн пайдаланылатын жауынгерлiк танктерiне, жауынгерлiк броньды машиналарына, артиллериясына, жауынгерлiк ұшақтар мен соққы берушi тiкұшақтарына қатысты - әрбiр Қатысушы мемлекет барлық басқа Қатысушы мемлекеттерге Шарт күшiне енгеннен кейiн және сонымен қатар әр санаттағы осындай кәдiмгi қару-жарақ пен техниканың жиынтық санын осы Хаттаманың VII-бөлiмiнің 1-тармағына сәйкес жыл сайынғы ақпарат алмасумен бiр мезгiлде ұсынады.
Тармақ 1. Әрбiр Қатысушы мемлекет барлық басқа Қатысушы мемлекеттерге өзiнiң бақылау объектiлерiн көрсете отырып, әрбiр бақылау объектiсiнiң жалпы саны мен атауларын қоса, Инспекциялар туралы хаттаманың I бөлiмiнде олар айқындалғанындай жарияланған орындарын атап көрсете отырып, әр орын туралы мынадай ақпараттар ұсынады: (А) географиялық атауы мен координатын қоса, атаулары мен орналасқан жерi; (В) Инспекциялар туралы хаттаманың I бөлiмi 1-тармағының (І) тармақшасында көрсетiлгенiндей барлық бақылау объектiлерiнің атаулары, осы жерде қолбасшылықтың келесi деңгейiндегi бағыныстағы элементтер: бригадалар/полктер немесе авиақанат/әуе полкi деңгейiнен төмен, бiр-бiрiне немесе штабтары жақын орналасқан, осындай элементтерге қарағанда тiкелей жоғары басшылық болып табылатын, егер осындай жеке орналасқан батальондардың/эскадрильялардың немесе олардың баламаларының арасы, не олардың штабына дейiнгi қашықтық 15 шақырымнан аспаса, жеке орналаспаған болып есептеледi. (С) сол жерде және әр бақылау объектiсi бойынша қолда бар, сондай-ақ басқа жарияланған орындарда орналасқан, кез келген бақылау объектiсiне жататын, әрбiр сондай бақылау объектiлерiнiң атауларын атап, осы Хаттаманың III бөлiмiнде көрсетiлген әрбiр санаттағы түрi бойынша кәдiмгi қару-жарақ пен техниканың жалпы саны; (Д) бұдан басқа, әрбiр осындай жарияланған орын үшiн, өзiнiң қарулы күштерінің қару-жарағында жоқ, мынадай: (1) Шарттың IX бабының ережелерiне сәйкес есептен шығарылғаннан кейiн пайдаға асыруды күтетiн немесе Қысқарту туралы хаттамаға сәйкес қысқартылған және қайта жабдықтауды күтетiн жауынгерлiк танктердi, жауынгерлiк броньды машиналардың, артиллерияны, жауынгерлiк ұшақтарды және соққы берушi тiкұшақтарды; және (2) бейбiт уақытта iшкi қауiпсiздiктi қамтамасыз ету функциясын жүзеге асыру үшiн құрылған және құрылымды ұйымдастырылған ұйымның қолында бар жауынгерлiк танктердi, жауынгерлiк броньды машиналарды, артиллерияны, жауынгерлiк ұшақтарды және соққы берушi тікұшақтарды көрсете отырып, кәдiмгi қару-жарақ пен техниканың саны; (Е) экспортты немесе керi экспортты күтетiн не экспорт немесе керi экспорт үшiн қайта жабдықталатын және қолданыс ауданы шегiнде уақытша сақталатын не солар сияқты сәйкестендiрiлген, тек қана зерттеу және әзiрлеу үшiн пайдаланылатын қолда бар жауынгерлiк танктердiң, жауынгерлiк броньды машиналардың, артиллерияның, жауынгерлiк ұшақтардың немесе соққы берушi тiкұшақтардың жарияланған орындары және сол орындағы әр санаттың жиынтық саны берiледi; және (F) географиялық атауы мен координатын көрсете отырып, егер бұл мүмкiн болса, халықаралық рейске қызмет көрсететiн бiр коммерциялық әуежайды қоса әр жарияланған орын(дар)ға байланысты кiру/шығу пунктi(терi). 2. Әрбiр Қатысушы мемлекет барлық басқа Қатысушы мемлекеттерге Инспекциялар туралы хаттаманың II бөлiмiнiң 10-тармағына сәйкес есептелген, жарияланған орындарға өзiнің пассивтi үлесiнің инспекциясы туралы хабарлайды.
Тармақ 1. Әрбiр Қатысушы мемлекет осы Хаттаманың I-V бөлiмдерiне сәйкес барлық басқа Қатысушы мемлекеттерге төменде көрсетiлгенiндей ақпараттар: (А) Еуропадағы кәдiмгi қарулы күштер туралы шартты бейiмдеу туралы келiсiм қолданысқа енгеннен кейiн 30 күн iшiнде, егер қолданысқа енуi 60 күннің iшiнде 15 желтоқсанға дейiн немесе кейiн болса қолданысқа ену күнiнiң жағдайы бойынша нақты ақпарат; мұндай жағдайда: (1) егер қолданысқа енгiзу 15 желтоқсаннан кейiн болса, онда 1-тармақтың (А) тармақшасына сәйкес ақпараттар алмасу, жоғары, 15 желтоқсанда орын алған жыл сайынғы алмасу есепке алынады және ол осы Хаттаманың ережелерiне сәйкес Қатысушы мемлекеттердiң келiскенiндей толықтырылатын болады. (2) егер қолданысқа енгiзу 15 желтоқсанға дейiн болса, онда 15 желтоқсанда жоспарланған ақпарат алмасу, егер Қатысушы мемлекеттер осы Хаттаманың ережелерiне сәйкес басқаша келiспесе ғана Бейiмделу туралы келiсiм қолданысқа енгеннен кейiн 30 күн iшiнде болады; және (В) одан кейiнгi әр жылдың 15 желтоқсанында - алдағы жылдың 1 қаңтарының жағдайы бойынша нақты ақпарат бередi. 2. Әр жылдың 1 шiлдесiнен кешiктiрмей Ресей Федерациясы жыл сайынғы ақпарат алмасу шеңберiнде 1999 жылғы 1 шiлдедегi жағдай бойынша Ресей Федерациясы берген қосымша ақпаратпен қамтылған географиялық аудандағы оның күштерi туралы хабарлайды, ақпараттар бередi.
Тармақ 1. Әрбiр Қатысушы мемлекет барлық басқа Қатысушы мемлекеттерге: (А) осы Хаттаманың 1-бөлiмiне сәйкес хабарланғанындай, бақылау объектiлерi ретiнде сәйкестендiрiлген жеке орналасқан бөлiмдердi қоса, қолданыс ауданы шегiндегi оның кәдiмгi қарулы күштерінің ұйымдық құрылымындағы кез келген тұрақты өзгерiстер; осы Хаттаманың I және III бөлiмдерiне сәйкес хабарланғанындай, құралымдар мен бөлiмдердің кез келген атауының өзгеруi немесе орналасқан жерiнің кез келген өзгеруi; кез келген бақылау объектiсінің немесе жарияланған орындардың құрылуы; сондай-ақ осы Хаттаманың V бөлiмiне сәйкес бұл туралы хабарланған кез келген атауды қайта өзгерту немесе бақылау объектiлерiн басқа орынға қайта ауыстыру туралы хабарлайды. Мұндай хабарлама 42 күннен кешiктiрмей берiледi; және (В) жыл сайынғы ақпарат алмасу барысында берiлген ең соңғы жаңартылған мәлiметтер негiзiнде есептелген 10 немесе одан көп пайыз қолда бар санды өзгерту жөнiндегi ең соңғы тиiстi хабарламаны қоса, 1-тармақтың (А) және (В) тармақшаларында және осы Хаттаманың III бөлiмi 2-тармағының (А) және (В) тармақшаларында хабарланғанындай, бригадалар/полктер, авиақанат/әуе полкi, бөлек немесе жеке орналасқан батальондар/эскадрильялар немесе баламалық деңгейiне дейiн түгел, кез келген оның жауынгерлiк құралымдары мен бөлiмдерiне және жауынгерлiк, тылдық және техникалық қамтамасыз ету құралымдары мен бөлімдерiне қосып жазылған, не тұрақты қоныс тапқан немесе бақылау объектiлерi ретiнде сәйкестендiрiлген, III бөлiмнiң 3-тармағының (А) және (В) тармақшаларына сәйкес хабарланған кез келген объектiлерiне қоса жазылған, Шартпен шектелетiн санаттағы кез келген кәдiмгi қару-жарақ пен техниканың 10 немесе одан да көп пайызы өзгергенi туралы хабарлайды. Мұндай хабарлама бес жұмыс күнiнен кешiктiрмей, хабарланған өзгерiстен кейiн нақтылы қолда барлары көрсетiле отырып, сондай өзгерiстiң болуына орай берiледi. Бақылау объектiсiнiң жабылу фактiсi атап көрсетiледi. Хабарламаға қосылған қару-жарақ пен техниканың пайда болуы туралы ақпарат енгiзiледi, оған кәдiмгi қарулы күштер болып табылмайтын жаңа өндiрiс, импорт, кәдiмгi қарулы күштерден ауыстыру, күштерден ауыстыру, немесе қолданыс ауданы шегiнен тыс, бiрақ онымен шектелмейтiн қайта ауыстыру қосылады. Егер қару-жарақ пен техника қолданыс ауданы шегiнде бақылау объектiсi ретiнде сәйкестендiрiлiп басқа бөлiмнен немесе басқа объектiден көшiрiлсе, хабарламада бақылау объектiсi ретiнде сәйкестендiрiлген, егер бақылау объектiсi ретiнде сәйкестендiрiлген осы бөлiмде немесе осы объектiде қайтадан олардың алынатыны он немесе одан көп процентке өзгеруi орын алған жағдайда бөлiмнің атауы, тiркелген нөмiрi және бөлiмнің немесе объектiнiң орналасқан жерi көрсетiледi. Хабарламаға сонымен бiрге, есептен шығаруды, пайдаға асыруды, қолдану ауданынан шығаруды, кәдiмгi қарулы күштерге көшiрудi, кәдiмгi қарулы күштер болып саналмайтын күштерге көшiрудi немесе экспорттық күтудi қоса алғанда, алынатын қару-жарақ пен техниканың тағайындалуы туралы, бiрақ мұнымен шектелмейтiн ақпараттар енедi. Егер қару-жарақ пен техника қолданыс ауданы шегiнде бақылау объектiсi ретiнде сәйкестендiрiлген басқа бөлiмге немесе басқа объектiге көшiрiлсе, хабарламаға бақылау объектiсi ретiнде сәйкестендiрiлген, олардың қай жерге түсетiнi, егер бақылау объектiсi ретiнде сәйкестендiрiлген осы бөлiмге немесе осы объектiге олардың қай жерден түсетiнi он немесе одан көп пайызға өзгеруi орын алған жағдайда бөлiмнiң атауы, тiркелу нөмiрi және бөлiмнiң немесе объектiнiң орналасқан жерi жазылады. Қолданыс ауданы шегiнен тыс бастапқы жерге немесе бағдарлы жерiне қатысты фактінің өзi белгiленедi. 2. Украина кез келген санаттағы Шартпен шектелетiн кәдiмгi қару-жарақ пен техниканың, I-тармақтың (А) және (В) тармақшаларында және осы Хаттаманың III бөлiмiнiң (А) және (В) тармақшаларында хабарланғанындай бригадалар/полктер, авиақанат/әуе полкi, бөлек немесе жеке орналасқан батальондар/эскадрильялар деңгейiне немесе баламалы деңгейiне дейiнгi оның кез келген жауынгерлiк құрамасы мен бөлiмдерiне немесе жауынгерлiк, тылдық және техникалық қамтамасыз ету құрамалары мен бөлiмдерiне қоса жазылған жыл сайынғы ақпараттар алмасу кезiнде хабарланған, Одесса облысындағы қолда барын қосып жазылғанына қатысты 5 немесе одан да көп пайызына өзгерiстер туралы ақпараттар бередi. Мұндай хабарлама сондай өзгерiс болғаннан кейiн және хабарламада айтылғандай, өзгерiстен кейiн нақтылы өзгерiс көрсетiле отырып бес жұмыс күнiнен кешiктiрiлмей берiледi.
Тармақ 1. Әрбiр Қатысушы мемлекет әр жылдың 21 қаңтарында барлық басқа Қатысушы мемлекеттерге хабарламада 1 қаңтардағы жағдай бойынша олардың бейбiт уақытта орналасатын жерi ретiнде мәлiмденген, аталған Қатысушы мемлекеттің аумағында немесе шектi төменгi деңгейлi аумақта тұрмайтын өзінің жауынгерлiк танктерi, жауынгерлiк броньды машиналары мен артиллериясы туралы 1 қаңтардағы жағдай бойынша, жыл сайынғы ақпарат алмасу шеңберiнде хабарланған мынадай нақты ақпараттар хабарлайды: (А) Қатысушы мемлекет және шектi төменгi деңгейлi аумақ атап көрсетілiп, хабарланған бейбiт уақытта орналасқан жерi, құралымның немесе бөлiмнiң атауы, бөлiмнің тiркелген нөмiрi, егер бұл қолданылса және түрлерi бойынша оның қолда жоқ жауынгерлiк танктерiнiң, жауынгерлiк броньды машиналарының және артиллериясының саны; және (В) 1 қаңтардағы жағдай бойынша сондай қару-жарақ пен техниканың нақтылы орналасқан жерi, егер олар тек тiркелген бөлiмнiң құрамына орналаспаса, соңғы жағдайда Қатысушы мемлекеттi және шектi төменгi деңгейлi аумақты атап көрсетiп, географиялық тұрған жерi белгiленген, тиiстi бөлiмнің нақтылы орналасқан жерi хабарланады немесе егер тек нақтылы орналасқан жерi жарияланған орын болып табылмаса, соңғы жағдайда жарияланған орынның тұрағы, оның тiркелген нөмiрi мен атауы хабарланады. 2. Әрбiр Қатысушы мемлекет әр жылдың 21 қаңтарында барлық басқа Қатысушы мемлекеттерге хабарламада қолданыс ауданы шегiнен тыс қолданыс ауданындағы Қатысушы мемлекеттің аумағына немесе шектеулi төменгi деңгейлi аумаққа көшiрiлген өзiнің жауынгерлiк танктерi, жауынгерлiк броньды машиналары және артиллериясы туралы және жыл сайынғы ақпараттар алмасу шеңберiнде хабарланған нақтылы орналасқан жерi туралы 1 қаңтардағы жағдай бойынша нақты ақпараттарды хабарлайды. Хабарламаға түрi бойынша оның жауынгерлiк танктерi, жауынгерлiк броньды машиналары және артиллериясы енедi; сондай-ақ 1 қаңтардағы жағдай бойынша сондай қару-жарақ пен техниканың, егер олар тек тiркелген бөлiмнiң құрамында орналаспаса, нақтылы орналасқан жерi, соңғы жағдайда Қатысушы мемлекеттi және шектi төменгi деңгейлi аумақты көрсете отырып, географиялық тұрған жерi белгiленген бөлiмнің нақтылы орналасқан жерi, немесе, егер нақтылы орналасқан жерi жарияланған орын болып табылмаса, соңғы жағдайда жарияланған орынның орналасқан жерi, оның тiркелген нөмiрi және атауы хабарланады.
Тармақ 1. Әрбiр Қатысушы мемлекет барлық басқа Қатысушы мемлекеттерге Шарт қолданысқа енгеннен кейiн және осы Хаттаманың VII бөлiмінің 1-тармағының (В) тармақшасына сәйкес берiлетiн жыл сайынғы ақпарат алмасумен бiр мезгілдe мыналарды ұсынады: (А) өткен 12 ай iшiнде қолданыс ауданы шегiндегi оның кәдiмгi қарулы күштерiнің қару-жарағына келіп түскен, Шартпен шектелетiн кәдiмгi қару-жарақ пен техниканың саны мен түрi, оларды шығу тегi бойынша бөлшектеп, қолданыс ауданы шегiнен тыс жаңа өндiрiстi, импортты немесе көшiрудi қоса, iшкi қауiпсiздiк күштерiнен қайта бағынысқа алу туралы, бiрақ мұнымен шектелмейтiн жиынтық ақпарат; және (В) Шартпен шектелетiн, кәдiмгi қару-жарақ пен техниканың саны мен түрi туралы жиынтық ақпарат, мұнда: (1) өткен 12 ай iшiнде қолданыс ауданы шегiнде, олардың соңғы хабарланған орналасқан жерi мен тағайындалуы бойынша бөлiнгенiн атап көрсетiп, есептен шығаруды, iшкi қауiпсiздiк күштерiнің қайта бағынысын, экспортты күтудi, жою/қайта жабдықтау жолымен пайдаға асыруды, қолданыс ауданынан шығаруды қоса, бiрақ мұнымен шектелмей оның кәдiмгi қарулы күштерінің қару-жарағынан алынған; және (2) Соңғы 12 айда "Есептен шығаруды және кәдеге жаратуды күтушi" санаттан шығарылған болатын, бiрақ мұнымен шектелмей оларды тағайындалуы бойынша бөлектеп, iшкi қауiпсiздiк күштерiнiң қайта бағынысын қоса, "Экспортты күтушi" санатына тiркеу, қайта қару-жарағына қабылдау, жою/қайта жабдықтау жолымен пайдаға асыру, қолданыс ауданынан шығару.
Тармақ 1. Әрбiр Қатысушы мемлекет барлық басқа Қатысушы мемлекеттерге Шарт қолданысқа енгеннен кейiн және осы Хаттаманың VII бөлiмiнің 1-тармағындағы (В) тармақшасына сәйкес ұсынылатын, жыл сайынғы ақпараттар алмасумен бiр мезгiлде мыналарды бередi: (А) соңғы 12 ай iшiнде қолданыс ауданына енгiзiлген кәдiмгi қарулы күштерiнің қару-жарағындағы Шартпен шектелетiн, кәдімгi қару-жарақ пен техниканың әрбiр санатының саны мен түрi туралы және осы қару-жарақ пен техниканың кез келгенi құралымға немесе бөлімдерге жеткiзiлгендігi туралы жиынтық ақпарат; (В) соңғы 12 ай iшiнде қолданыс ауданынан шығарылған және оның шегiнен тыс қалдырылған, оның кәдiмгi қарулы күштерiнің қару-жарағындағы Шартпен шектелетiн, кәдiмгi қару-жарақ пен техниканың әрбiр санатының саны мен түрi және соңғы хабарланған қолданыс ауданының шегiнде сондай кәдiмгi қару-жарақ пен техниканың орналасқан жерi туралы жиынтық ақпарат; және (С) қолданыс ауданы шегiндегi оның кәдiмгi қарулы күштерiнің қару-жарағындағы Шартпен шектелетiн кәдiмгi қару-жарақ пен техника жетi күн мерзiмi iшiнде қолданыс ауданынан шығарылады және оған қайта енгiзiледi, соның iшiнде жаттығу немесе әскери қызмет peтіндегi мақсаттар үшiн осы бөлiмдегi есеп беру туралы ереженің ықпалына түспейдi.
Тармақ 1. Транзитпен келе жатқанда қолданыс ауданына енгiзiлген, осы Хаттаманың III бөлiмiнде көрсетiлген санаттағы кәдiмгi қару-жарақ пен техника туралы eгep олар қолданыс ауданы шегiнде жеті күннен астам мерзiмге қалатын болса ғана осы Хаттамаға сәйкес хабарланады. 2. Шарттың V-бабына сәйкес жауынгерлiк танктердiң, жауынгерлiк броньды машиналар мен артиллерияның транзитiне қатысты осындай транзиттi жүзеге асыратын әрбiр Қатысушы мемлекет транзитпен келе жатқан кәдiмгi қару-жарақ пен техника бiрiншi Қатысушы мемлекеттiң аумағына немесе транзит жүзеге асырылатын шектi төменгi деңгейлi аумаққа енгiзілетін күннен кешіктiрмей барлық басқа Қатысушы мемлекеттерге мынадай ақпараттар бередi: (А) транзиттiң басталған күнi; (В) тасымалдау әдiсi; (С) транзит жүзеге асырылатын бiрiншi Қатысушы мемлекет; (Д) транзитпен келе жатқан қару-жарақ пен техниканың санаттары; және (Е) транзитпен келе жатқан кәдiмгi қару-жарақ пен техника қолданыс ауданы арқылы енгiзiлген Қатысушы мемлекет немесе қолданыс ауданындағы шектi төменгі деңгейлi аумақ, немесе (F) транзитпен келе жатқан қару-жарақ пен техника қай жерде қолдануға болатындығына қарай, бастапқыда келiп түскен Қатысушы мемлекет немесе шектеулi төменгi деңгейлi аумақ. 3. Осындай транзиттi жүзеге асыратын әрбiр Қатысушы мемлекет барлық басқа Қатысушы мемлекеттерге мүмкiндiгiнше қысқа мерзiмде, бiрақ транзитпен келе жатқан кәдiмгi қару-жарақ мен техниканы, транзит жүзеге асырылатын бiрiншi мемлекеттiң аумағы немесе шектi төменгi деңгейлi аумақ арқылы енгiзгеннен кейiн бес күннен кешiктiрмей мынадай ақпараттар бередi: (А) транзиттің басталған күнi; (В) тасымалдау әдiсi; (С) транзит жүзеге асырылатын Қатысушы мемлекеттер немесе шектi төменгi деңгейлi аймақтар; (Д) егер қолдануға болатын болса, соңғы тағайындалған Қатысушы мемлекет; (Е) аумағы арқылы транзиттi жүзеге асыратын әрбiр Қатысушы мемлекеттiң аумағындағы немесе шектi төменгi деңгейлi аумақтағы транзиттiң күтiлетiн ұзақтығы; (F) транзитпен өтетiн жауынгерлiк танктердің, жауынгерлiк броньды машиналардың және артиллериялық бiрлiктердiң жалпы саны; және (D) қосымша ақпараттар, соған байланысты хабарламаларды қоса. 4. Транзиттi жүзеге асыратын әрбiр Қатысушы мемлекет транзитпен келе жатқан жауынгерлiк танктер, жауынгерлiк броньды машиналар және артиллерия оның аумағына енгеннен кейiн бес күннен кешiктiрмей барлық басқа Қатысушы мемлекеттерге мынадай ақпараттар бередi: (А) iске тартылған жауынгерлiк танктердiң, жауынгерлiк броньды машиналардың немесе артиллериялық бiрлiктердiң жалпы саны; (В) оның аумағы арқылы өтетiн транзиттiң күтiлетiн ұзақтығы; және (С) қосымша ақпараттар, соған байланысты хабарламаларды қоса. 5. Егер соңғы пункт қолданыс ауданы шегiнде болса, соңғы тағайындалған Қатысушы мемлекет оның аумағына тиiстi кәдiмгi қару-жарақ пен техника келгеннен кейiн бес күннен кешiктiрмей транзиттiң аяқталғандығы туралы барлық басқа Қатысушы мемлекеттерге хабарлайды. 6. Жауынгерлiк танктердi, жауынгерлiк броньды машиналар мен артиллерияны транзитпен өткiзудi жүзеге асыратын әрбiр Қатысушы мемлекет барлық басқа Қатысушы мемлекеттердiң хабарламасында транзитпен өтетiн кәдiмгi қару-жарақ пен техника ретiнде соңғы пункт тұрған жерден немесе қолданыс ауданынан Қатысушы мемлекеттiң аумағына немесе шектi төменгi деңгейлi аумаққа енгiзiлгеннен кейiн бес күннен кешіктiрмей мынадай ақпараттарды бередi: (А) осы бөлiмнiң 2 және 3-тармақшаларына сәйкес жолданған хабарламаларға сiлтеме; (В) транзиттiң басталу және аяқталу күнi; (С) транзит басталған Қатысушы мемлекет немесе шектi төменгi деңгейлi аумақ; (Д) iске тартылған жауынгерлiк танктердің, жауынгерлiк броньды машиналардың және артиллерияның жалпы саны; (Е) транзит жүзеге асырылған Қатысушы мемлекеттер немесе шектi төменгi деңгейлi аумақтар; (F) соңғы пункт тұрған Қатысушы мемлекеттiң аумағы немесе шектi төменгi деңгейлi аумақ не қолданыс ауданынан шығарар алдында транзит жүзеге асырылған Қатысушы мемлекеттiң аумағы немесе төменгi деңгейлi шектi аумақ, егер бұл қолданылатын болса; және (G) кәдiмгi қару-жарақ пен техниканың егер ол қолданыс ауданының шегiнде тұрса, келесi транзитпен соңғы пунктке келуi нәтижесiнде берiлетiн хабарламаны қоса алғандағы қосымша ақпарат.
Тармақ 1. Әрбiр Қатысушы мемлекет барлық басқа Қатысушы мемлекеттерге Қатысушы мемлекеттің аумағын және төменгi деңгейлi шектi аумақты көрсете отырып қолданыс ауданында нақтылы тұрған, және Аумақтық шектi деңгей туралы хаттамада белгiленген сандық шектеу есебiнен алынған оның жауынгерлiк танктерiнiң, жауынгерлiк броньды машиналарының және артиллериялық бiрлiктерiнiң жалпы саны туралы хабарлайды. 2. Қолданыс ауданы шегiнде аумағы бар әрбiр Қатысушы мемлекет барлық басқа Қатысушы мемлекеттерге хабарламада жауынгерлiк танктердiң, жауынгерлiк броньды машиналары мен артиллериясының жалпы санын және кез келген Қатысушы мемлекеттiң оның аумағы мен төменгi деңгейлi шектi аумағында нақты тұрған және Аумақтық шектi деңгейлер туралы хаттамада сол үшiн белгiленген сандық шектеу есебiне алынған жауынгерлiк танктердiң, жауынгерлiк броньды машиналар мен артиллерияның жалпы санын хабарлайды. 3. Ақпараттар осы бөлiмнiң 1 және 2-тармақтарына сәйкес: әр жылдың 31 қаңтарында берiледi және 1 қаңтардағы жағдай бойынша жарамды деп табылады; әр жылдың 30 сәуiрінде берiледi және 1 сәуiрдегi жағдай бойынша жарамды деп табылады; әр жылдың 31 шiлдесiнде берiледi және 1 шiлдедегi жағдай бойынша жарамды деп табылады; және әр жылдың 31 қазанында берiледi және 1 қазандағы жағдай бойынша жарамды деп табылады.
Тармақ 1. Әрбiр Қатысушы мемлекет барлық басқа Қатысушы мемлекеттерге қолданыс ауданында нақты тұрған және Ұлттық шектi деңгейлер туралы хаттамада сол үшiн белгiленген сандық шектеудiң есебiне алынған Қатысушы мемлекеттің тiркелген аумағын көрсете отырып, санын қоса алғанда, оның жауынгерлiк ұшақтары мен соққы берушi тiкұшақтарының жалпы саны туралы хабарлайды. Бұл ақпарат әр жылдың 31 қаңтарында берiледi және 1 қаңтардағы жағдай бойынша жарамды деп табылады; әр жылдың 30 сәуiрiнде берiледi және 1 сәуiрдегi жағдай бойынша жарамды деп табылады; әр жылдың 31 шiлдесiнде берiледi және 1 шiлдедегi жағдай бойынша жарамды деп табылады; әр жылдың 31 қазанында берiледi және 1 қазандағы жағдай бойынша жарамды деп табылады.
Тармақ 1. Осы Хаттаманың XI бөлiмiнiң 1-тармағының (С) тармақшасының ережелерiн сақтай отырып және осы Хаттаманың XII бөлiмiне, XVIII бөлiмiне және XX бөлiмiне сәйкес хабарлама берiлген қару-жарақ пен техниканы қоспағанда әрбiр Қатысушы мемлекет осы Хаттаманың XIII бөлiмiне сәйкес берiлген ең соңғы хабарламада, осы тармаққа сәйкес берiлген бұдан кейiнгi хабарламаларда, өзгерiс аумағы 30 жауынгерлiк танкке немесе 30 жауынгерлiк броньды машинаға не 10 артиллериялық бiрлiкке тең немесе асатын әрбiр жағдайда көрсетiлген деңгейлермен салыстырғанда кез-келген аумақта немесе төменгi деңгейлi шектi аумақта болған өзгерiстер туралы барлық басқа Қатысушы мемлекеттердi хабардар етедi. Хабарлама мынадай ақпараттардан тұрады: (А) Қатысушы мемлекеттiң аумағын немесе төменгi деңгейлi шектi аумағын көрсете отырып хабарламада бұдан бұрын хабарланғаны туралы қолда бар деңгейлер; (В) бұдан бұрын хабарланған деңгейлердiң сандық өзгеруi; (С) Қатысушы мемлекеттің аумағын немесе төменгi деңгейлi шектi аумағын көрсете отырып қолда бар жаңа деңгейлер; және (Д) өзгерiс жарамды деп танылған күн. 2. Хабарлама осы бөлiмге сәйкес бұдан бұрынғы хабарламада көрсетiлген, деңгейлер жоғарылатылғаннан кейiн бec жұмыс күнiнен кешiктiрiлмей берiледi.
Тармақ 1. Қолданыс ауданында аумағы бар әрбiр Қатысушы мемлекет осы Хаттаманың XI бөлiмi 1-тармағының (С) тармақшасының ережелерiн сақтай отырып, Ұлттық шектi деңгейлер туралы хаттамада белгiленген сандық шектеуде есепке алынған, өзгеру мөлшерi: (А) осы Хаттаманың II бөлiмi 1-тармағының (А) тармақшасына, және осы тармаққа сәйкес бұдан кейiнгi хабарламаға; немесе (В) осы Хаттаманың ХIV бөлiмiне және егер бұл деңгейлер жоғарыдағы (А) тармақшасына сәйкес хабарламада хабарланған деңгейден аспаса, осы тармаққа сәйкес берiлген бұдан кейiнгi хабарламаларға сәйкес ең соңғы хабарламада көрсетiлген деңгейлерден тыс 18 жауынгерлiк ұшақтан немесе 18 соққы берушi тiкұшаққа тең немесе асатын, әр жағдайда оның жауынгерлiк ұшақтарының және оның соққы берушi тiкұшақтарының жалпы санының өзгеруi туралы барлық басқа Қатысушы мемлекеттерге хабарлама бередi. 2. Қолданыс ауданында аумағы жоқ әрбiр Қатысушы мемлекет осы Хаттаманың XI бөлiмi 1-тармағының (С) тармақшасының ережелерiн сақтай отырып Ұлттық шектi деңгейлер туралы хаттамада белгiленген сандық шектеуде есепке алынған, өзгеру мөлшерi 18 жауынгерлiк ұшақтан немесе 18 соққы берушi тiкұшаққа тең немесе аспайтын, берiлуiне сәйкес ең соңғы хабарламада көрсетiлген деңгейлерден жоғары немесе төмен әр жағдайда оның жауынгерлiк ұшақтарының және оның соққы берушi тiкұшақтарының жалпы санының өзгеруi туралы барлық басқа Қатысушы мемлекеттерге мыналарға: (А) осы Хаттаманың II бөлiмiнің 1-тармағының (А) тармақшасына және осы тармаққа сәйкес берiлген бұдан кейiнгi хабарламаларға; немесе (В) осы Хаттаманың ХIV бөлiмiне және осы тармаққа сәйкес берiлген бұдан кейiнгi хабарламаға сәйкес хабарлама бередi. 3. Осы бөлiмге сәйкес хабарлама әрбiр осындай өзгерiстен кейiн бес жұмыс күнiнен кешiктiрiлмей берiледi және оған мыналар: (А) бұдан бұрын хабарланған қолда бар деңгейлер; (В) бұдан бұрын хабарланған деңгейлердiң сандық өзгеруi; (С) қолда бар жаңа деңгейлер; және (Д) өзгерiс жарамды деп танылған күн туралы ақпараттар кiредi.
Тармақ 1. Қолданыс ауданында аумағы бар әрбiр Қатысушы мемлекет оның аумағындағы және сол санаттардағы оның аумақтық шектi деңгейлерiндегi ұлттық қолда бар жауынгерлiк танктерiнің, жауынгерлiк броньды машиналары мен артиллериясының арасындағы айырма есебiнен басқа Қатысушы мемлекеттің пайдалануы үшiн рұқсат етiлген саны туралы барлық басқа Қатысушы мемлекеттерге хабарлайды. Мұндай хабарлама рұқсат етудiң қолданысқа енетiн күнiнен кешiктiрмей берiледi және Қатысушы мемлекетке пайдалануға рұқсат берiлген саңылау есебiнен барынша жоғары санды нұсқауы, рұқсат етудiң басталған күнi мен қолданыс мерзiмi көрсетiледi. Егер хабарлаған Қатысушы мемлекет рұқсаттамаға өзгерiс енгiзсе, ол өзiнiң хабарламасын жаңартады. 2. Рұқсаттамада белгiленген жауынгерлiк танктердiң, жауынгерлiк машиналардың немесе артиллерияның жалпы саны барлық қолданыстағы рұқсат етудi ескере отырып толтырылмай қалған бiрде бiр осындай санатта еш уақытта саңылаудың сол бөлiгiнен арттырылмайды.
Тармақ 1. Қолданыс ауданында аумағы бар әрбiр Қатысушы мемлекет осы Шарттың VII бабына сәйкес оның аумақтық шектi деңгейi немесе аумақтық шектi төменгi деңгейi уақытша арттырылған барлық жағдайлар туралы барлық басқа Қатысушы мемлекеттерге хабарлайды. 2. Өзiнің жауынгерлiк танктерімен, жауынгерлiк броньды машиналарымен немесе артиллериясымен басқа Қатысушы мемлекеттiң аумақтық шектi деңгейiн немесе аумақтық шектi төменгi деңгейiнiң, не оның меншiктi аумақтық шектi төменгi деңгейiнiң арттырылуын туғызатын iс-қимылға қатысатын әрбiр Қатысушы мемлекет ол туралы барлық басқа Қатысушы мемлекеттерге хабарлайды. 3. Әскери жаттығулар нәтижесiнде аумақтық шектi деңгейi немесе аумақтық шектi төменгi деңгейi арттырылған жағдайда: (А) аумағында әскери жаттығулар өткiзiлетiн Қатысушы мемлекет хабарламада аумақтық шектi деңгейi немесе аумақтық шектi төменгi деңгейi арттырылатын күнге дейiнгi 42 күннен кешiктiрмей барлық басқа Қатысушы мемлекеттерге мыналарды хабарлайды: жаттығулардың атаулары мен жалпы мақсаты; қатысатын Қатысушы мемлекеттер; жаттығулардың басталатын күнi және олардың есептелген ұзақтығы; жаттығуларға тартылатын жауынгерлiк танктердiң, жауынгерлiк броньды машиналар мен артиллерияның жалпы саны, және аумақтық шектi деңгейден немесе аумақтық шектi төменгi деңгейден тыс жауынгерлiк танктердiң, жауынгерлік броньды машиналардың немесе артиллерияның жалпы саны; жаттығулардың аумақтық шектi деңгейдiң немесе аумақтық шектi төменгi деңгейдiң арттырылуы жалғасатын кезеңiнiң басталатын және аяқталатын күнi; сондай-ақ географиялық координаттары белгiленген, жаттығу өткiзiлетiн аудан; (В) өзiнiң жауынгерлiк танктерiмен, жауынгерлiк броньды машиналарымен немесе артиллериясымен жаттығуларға қатысатын әрбiр Қатысушы мемлекет хабарламада аумақтық шектi деңгейi немесе аумақтық шектi төменгi деңгейi арттырылатын күнге дейiнгi 42 күннен кешiктiрмей барлық басқа Қатысушы мемлекеттерге осы әскери жаттығуларға қатыстырылатын өзiнiң жауынгерлiк танктерiнiң, жауынгерлiк броньды машиналарының және артиллериясының жалпы санын, оларды қай жерлерде қолдануға болатынын, бастапқы бақылау объектiлерінің орналасқан жерiн, бастапқы командалық элементi, құралымдар мен бөлiмдердiң атауларын және бөлiмдердiң тiркелген нөмiрлерiн; географиялық координаты белгiленген өрiстету ауданын және өзiнiң жауынгерлiк танктерiнiң, жауынгерлiк броньды машиналарының немесе артиллериясының келуi мен кетуiнің есептi күндерiн; сондай-ақ қосымша түсiндiрме ақпараттарды хабарлайды; (С) осы күнге дейiнгi 42 күн iшiнде хабарламада көрсетiлген деректерде қандай да бiр өзгерiстер болған жағдайда осы тармақтың (А) және (В) тармақшаларына сәйкес берiлген хабарламадағы аумақтық шектi деңгей немесе аумақтық шектi төменгi деңгей арттырылатын күннен кешiктiрмей жаңартылады; (Д) Қатысушы мемлекет өзінің меншiктi аумақтық шектi төменгi деңгейiн арттырған жағдайда осы тармаққа сәйкес барлық хабарламалар сол Қатысушы мемлекеттерге берiледi; (Е) егер аумақтық шектi деңгейiнiң немесе аумақтық шектi төменгi деңгейiнiң арттырылуы 42 күннен артық жалғасса, мүмкіндігінше оның жедел, бiрақ аумақтың шектi деңгейi немесе аумақтық шектi төменгi деңгейi арттырылғаннан кейiнгi 43 күннен кешiктiрмей: (1) аумақтық шектi деңгейi немесе аумақтық шектi төменгi деңгейi арттырылатын Қатысушы мемлекет хабарламада арттырудың мақсатын және есептi ұзақтығын, арттыруға Қатысушы мемлекеттi, аумақтық шектi деңгейден немесе аумақтық шектi төменгi деңгейден тыс жауынгерлiк танктердің, жауынгерлiк броньды машиналардың немесе артиллерияның жалпы санын, сондай-ақ географиялық координаты белгiленген өрiстету ауданын хабарлайды; және (2) өзiнің жауынгерлiк танктерiмен, жауынгерлiк броньды машиналарымен немесе артиллериясымен уақытша өрiстетуге қатысатын әрбiр Қатысушы мемлекет хабарламада өздерiнiң жауынгерлiк танктерiнiң, жауынгерлiк броньды машиналарының және артиллериясының жалпы санын, сондай-ақ географиялық координаты белгiленген өрiстету ауданын хабарлайды. (Е) әрбiр Қатысушы мемлекет осы тармақтың (А) немесе (В) тармақшасына сәйкес бұдан бұрынғы хабарламада көрсетiлген сандардың жиынтығы 30 жауынгерлiк танкке, 30 жауынгерлiк броньды машинаға немесе 10 артиллериялық бiрлiкке арттырылған әр жағдайда хабарлама жасайды. Ондай хабарлама осындай арттыру болғаннан кейiн бес күннен кешiктiрмей берiледi. 4. Уақытша өрiстету нәтижесiнде аумақтық шектi деңгей немесе аумақтық шектi төменгi деңгей арттырылған жағдайда: (А) аумақтық шектi деңгейi немесе аумақтық шектi төменгi деңгейi арттырылатын Қатысушы мемлекет барлық басқа Қатысушы мемлекеттерге мыналарды хабарлайды: (1) аумақтық шектi деңгейi немесе аумақтық шектi төменгi деңгейi арттырылатын күннен кешiктiрмей - арттыру күнiн; операцияның атауын, оның мақсаттары мен есептi ұзақтығын; қатысатын Қатысушы мемлекеттердi, аумақтық шектi деңгейден немесе аумақтық шектi төменгi деңгейден тыс жауынгерлiк танктердiң, жауынгерлiк броньды машиналардың немесе артиллерияның жалпы санын, сондай-ақ өрiстету ауданын; (2) аумақтық шектi деңгейi немесе аумақтық шектi төменгi деңгейi арттырылғаннан кейiнгi 21 күннен кешiктiрмей географиялық координаты белгiленген өрiстету ауданын қоса, осы тармақтың (1) тармақшасына сәйкес жаңартылған ақпаратымен хабарлама жасайды; және (3) тиiстi аумақтық шектi деңгейден тыс уақытша өрiстетілген жауынгерлiк танктердiң, жауынгерлiк броньды машиналардың немесе артиллерияның саны 153 жауынгерлiк танк немесе 241 жауынгерлiк броньды машина немесе 140 артиллериялық бiрлiк деңгейiнен асқан әрбiр жағдайда; (В) аумақтық шектi деңгейден немесе аумақтық шектi төменгi деңгейден тыс жауынгерлiк танктерiн, жауынгерлiк броньды машиналарын немесе артиллериясын өрiстетушi Қатысушы мемлекет барлық басқа Қатысушы мемлекеттерге хабарламасында мыналарды хабарлайды: (1) аумақтық шектi деңгейi немесе аумақтық шектi төменгi деңгейi арттырылатын күннен кешiктiрмей - аумақтық шектi деңгейден немесе аумақтық шектi төменгi деңгейден тыс өздерінің жауынгерлiк танктерiнің, жауынгерлiк броньды машиналарының және артиллериясының жалпы саны және өрiстету ауданы; және (2) аумақтық шектi деңгейi немесе аумақтық шектi төменгi деңгейi арттырылғаннан кейiнгi 21 күннен кешiктiрмей уақытша өрiстетудің мақсаты мен болжамды ұзақтығы, өздерiнің iске тартылған жауынгерлiк танктерiнiң, жауынгерлiк броньды машиналарының және артиллериясының жалпы саны, географиялық координаты белгiленген өрiстету ауданы және оның қай жерде қолданылатыны, бақылау объектiлерi, олардың бастапқы орналасқан жерi және командалық элементi, сондай-ақ құралымдар мен бөлiмдердiң атауы және бөлiмнiң тiркелген нөмiрi. (С) бұдан кейiнгi жаңартылған ақпараттар аумақтық шектi деңгейдiң немесе аумақтың шектi төменгi деңгейдiң арттырылуы жүрiп жатқанда, әр 90 күнде беріліп тұрады; (Д) әрбiр Қатысушы мемлекет осы тармақтың (А), (В) немесе (С) тармақшаларына сәйкес сол Қатысушы мемлекеттің бұдан бұрынғы хабарламасында көрсетiлген жиынтық саны 30 жауынгерлiк танкке, 30 жауынгерлiк броньды машинаға немесе 10 артиллериялық бiрлiкке арттырылатын әрбiр жағдайда хабарлама бередi. Мұндай хабарлама осындай арттыру болғаннан кейiнгi бес күннен кешіктiрмей берiледi; (E) Қатысушы мемлекет өзiнiң меншiктi аумақтық шектi төменгi деңгейi арттырылған жағдайларда осы тармаққа сәйкес барлық хабарламалар сол Қатысушы мемлекеттерге берiледi. 5. Әскери жаттығулардың нәтижесiнде немесе уақытша өрiстетудiң нәтижесiнде аумақтық шектi деңгейi немесе аумақтық шектi төменгi деңгейi арттырылған Қатысушы мемлекет оның аумағында тұрған, жауынгерлiк танктердiң, жауынгерлiк броньды машиналардың және артиллерияның саны бұдан былай оның аумақтың шектi деңгейiнен немесе аумақтық шектi төменгi деңгейiнен аспайтын әрбiр жағдайда барлық басқа Қатысушы мемлекеттердi хабарландырады. 6. Егер аумақтық шектi деңгей 153 жауынгерлiк танктен, 241 жауынгерлiк броньды машинадан немесе 145 артиллериялық бiрлiктен аспайтын санға арттырылса, онда мұндай қару-жарақ пен техника осы бөлiмнiң 4-тармағы (2) тармақшасының (А) тармақшасына және 4-тармақтың (С) тармақшасына сәйкес, егер барлық осы қару-жарақ пен техника осы Хаттаманың VII бөлiмi 1-тармағының (А) тармақшасына сәйкес ақпараттар алмасу кезiнде және бұдан кейiнгi әр жыл сайынғы ақпараттар алмасу кезiнде басқа Қатысушы мемлекеттiң аумағында нақтылы уақытша тұрған жерi хабарланса, онда ақпарат алмасуға енгiзуге жатпайды.
Тармақ 1. Шарттың V бабының 2-тармағына сәйкес бiтiмгершiлiк операциясын өткiзу үшiн басқа Қатысушы мемлекеттiң аумағында жауынгерлiк танктердің, жауынгерлiк броньды машиналардың немесе артиллерияның өрiстетiлуiн жүзеге асырушы әрбiр Қатысушы мемлекет өзінің жауынгерлiк танктерінің, жауынгерлiк броньды машиналарының немесе артиллериясының өрiстетілуi басталғаннан кейiнгi бес күннен кешiктiрмей мандаты, операцияның болжамды ұзақтығы мен атауы туралы мұндай операцияға тартылған өзінің жауынгерлiк танктерінің, жауынгерлiк броньды машиналарының және артиллериясының жалпы саны және өздерi бағынысында тұратын командалық сатысы, бастапқы бақылау объектiлерi мен командалық құрамдары туралы, олардың қай жерде қолданылатыны және қолданыс ауданының шегiнде аталған қару-жарақ пен техниканың болжамдық бағдарлы аумағы туралы ақпараттар бередi. 2. Осы бөлiмнiң I тармағына сәйкес хабарлама жiберетiн әрбiр Қатысушы мемлекет бұдан кейiн операция аяқталғанша және iске тартылған қару-жарақ пен техника толық шығарылғанша, әр 90 күнде жаңартылған мәлiметтер берiп тұрады.
Тармақ 1. Әрбiр Қатысушы мемлекет төмендегi Хаттамада аталатын Ақпарат алмасу туралы хаттамаға сәйкес, осы Қосымшада көрсетiлген көлемдерге сәйкес барлық басқа Қатысушы мемлекеттерге ақпарат бередi. Ақпараттың әр деректер тiзбесi келiсiлген көлемде жазбаша түрде және қосымша электронды үлгiде дискетпен берiледi. Еуропадағы қауiпсiздiк пен ынтымақтастық жөнiндегi Ұйымның алты ресми тiлiнiң бiрiндегi жазбаша мәтiн ресми болып табылады. Әрбiр деректер жазбасының әр кестесiне (бағанына) жолма-жол сызбалы реттiк нөмiр берiледi. 2. Әрбiр тiзбе жиынтығы, тiзбенi ұсынатын Қатысушы мемлекеттің атауы, ұсынылатын тiзбе тiлi, тiзбе алмасу жүргiзiлетiн күнi және жағдай бойынша тiзбеде баяндалған нақты ақпарат күнi көрсетiлген мұқабалық парақпен басталады. Мұқабалық парақтан кейiн мазмұны, пайдаланылатын қысқартулардың тiзiмнiң, бөлiмнiң тiркелiм нөмiрiнің ара қатынасын белгiлеуге мүмкіндік беретiн көрсеткiшi осы Қосымшада көрсетiлген тиiстi кестелер мен беттер, I-VI дейiнгi кестелер, жыл сайынғы хабарламалардың тiзбесi, дипломатиялық шешiмдердің тұрақты нөмiрлерінің тiзiмi, инспекторлардың және көлiк құралдары экипаждары мүшелерiнiң толық жаңартылған тiзiмi және ресми мерекелiк күндер тiзiмiн қоса, осыған байланысты қосымша ақпараттар жалғасады.
Тармақ 1. Хаттаманың I бөлiмiне сәйкес әрбiр Қатысушы мемлекет әскери округ деңгейiне немесе төмен не баламалық деңгейге бағынысты, әуе шабуылынан қорғаныс құралымдары мен бөлiмдерiн қоса, оның құрлық әскерлерінің және 1-кестеде баяндалғанындай, жасалған деректер тiзбесiнің төменнен жоғарыға бағындырылған екi жекелеген түрiнде әскери әуе күштерінің және әуе шабуылынан қорғаныс әскерлерi авиациясының қолбасшылығын ұйымдастыру туралы ақпараттар бередi. 2. Деректер тiзбесi ең жоғарғы деңгейден бастап, одан әрi қолбасшылықтың әр эшелоны бойынша бригадалар/полктер, жекелеген батальон және авиақанат/әуе полкi, жекелеген эскадрильялар немесе олардың баламалары деңгейiне дейiн берiледi. Тұрақты қоймалық сақталудың барлық белгiленген орындары, қоймалық сақталудың әскери орындары, жөндеу және қызмет көрсету жөнiндегi жекелеген бөлiмдер, әскери оқу мекемелерi, әскери әуе айлақтар көрсетiледi. Мысалы, әскери округтен/армиядан/корпустан кейiн кез келген бағынысты жекелеген полктер, жекелеген батальондар, қоймалар, оқу мекемелерi, ал одан кейiн әр бағынысты дивизия өзiнің полктарымен/жекелеген батальондарымен жалғасатын болады. Барлық бағынысты ұйымдарды атағаннан кейiн келесi әскери округтiң/армияның/корпустың тiзiмi жазылады. Әскери-әуе күштерi және әуе шабуылынан қорғаныс әскерлерi авиациясы үшiн осы тектес рәсiм қолданылады. (А) Әрбiр ұйым, осы ұйым үшiн бұдан кейiнгi тiзбелерде және бұдан кейiнгi барлық ақпараттар алмасуда пайдаланылатын жеке белгiмен (яғни құралымның немесе бөлiмнің тiркелу нөмiрiмен) (в бағаны), оның ұлттық (яғни атауы - с бағаны) белгiленуiмен және дивизияларға, бригадаларға/полктарға, жекелеген батальондар мен авиақанаттар/әуе полктерiне, жекелеген эскадрильяларға немесе баламалық ұйымдарға, ол қай жерде ыңғайлы болса - құралымдарға немесе бөлiмдерге (мәселен жаяу әскерлер, танктер, артиллерия, жойғыш және бомбалаушы ұшақтар, жабдықтау) қатысты сәйкестендiрiледi; және (В) әрбiр ұйым үшiн қолданыс ауданы шегiндегi осы ұйымға қатысы бойынша тiкелей жоғары сатылы қолбасшылықтың екi деңгейi белгiленедi (d және e бағандары).
Тармақ 1. Хаттаманың II бөлiмi 1-тармағының (А) және (В) тармақшаларына сәйкес Ұлттық шектi деңгейлер туралы хаттамада кез келген, сандық шектелуге жатпайтын, оның түрлерi бойынша жауынгерлiк танктерiнің, жауынгерлiк броньды машиналарының және артиллериясының (II А кестесi) жалпы саны туралы, Аумақтық шектi деңгейлер туралы (d бағаны) хаттамада көзделген кез келген шектеулерде есепке алынатын, осы жалпы санның iшiнен түрi бойынша саны туралы, Ұлттық шектi деңгейлер туралы (d бағаны) хаттамада көзделген, сандық шектеуге жататын, оның түрлерi бойынша жауынгерлiк ұшақтары мен соққы берушi тiкұшақтарының (II В кестесi) жалпы саны туралы, сондай-ақ, II тармақтың 1-бөлiмiнің (С) тармақшасына сәйкес, осы сандардың қандай мөлшерi әрбiр Қатысушы мемлекеттің аумағында тұрғандығы туралы деректер бередi. 2. Жауынгерлiк броньды машиналар бойынша деректерге ауыр қару-жарағы бар жауынгерлiк машиналардың, жаяу әскерлердiң жауынгерлiк машиналары мен броньды транспортерлердің жалпы саны, және әрбiр осы төменгi санаттағы (d/c бағаны) олардың сандары (f/c бағаны) мен түрi (e/d бағаны) қосылады. 3. Шарттың Х бабына сәйкес қоймаға қойылатын жауынгерлiк танктерге, жауынгерлiк броньды машиналарға және артиллерияға сәйкес тұрақты қоймалық сақтаудың (g бағаны) белгiленген орындарындағы осындай қару-жарақ пен техниканың жалпы саны көрсетiледi. 4. Осы Хаттаманың II бөлiмi 1-тармағының (D) тармақшасына сәйкес әрбiр Қатысушы мемлекет мынадай түрлер бойынша оның жалпы саны туралы деректер (II С кестесi) бередi: (А) танкiлiк көпiр салушылар (а-дан d дейiнгi бағандар); (В) бейбiт уақытта iшкi қауiпсiздiк қызметiн қамтамасыз етудi жүзеге асыру үшiн құрылған және құрылымдық ұйымдастырылған (а-дан d-ға дейiнгi бағандар) ұйымның қолда бар жаяу әскерлерi, жауынгерлiк машиналары; (С) есептен шығарылған және пайдаға асыруды күтетiн жауынгерлiк танктер, жауынгерлiк броньды машиналар, артиллерия, жауынгерлiк ұшақтар мен соққы берушi тiкұшақтар (а-дан d-ға дейiнгi бағандар); және (D) Ми-24p және Ми-24к тiкұшақтары (а-дан d-ға дейiнгi бағандар).
Тармақ 1. Әрбiр Қатысушы мемлекет Хаттаманың III бөлiмiнiң 1-тармағына сәйкес хабарланған оның барлық құрлық әскерлерi мен әскери әуе күштерiнiң және әуе шабуылынан қорғаныс әскерлерi авиациясының ұйымдары, Хаттаманың III бөлiмiнiң 2-тармағына сәйкес хабарланған құралымдары мен бөлiмдерi және Хаттаманың III бөлiмiнiң 3-тармағында көрсетiлгенiндей, қолдарында кәдiмгi қару-жарақ пен техника бар объектiлер туралы төменнен жоғарыға бағындырылып жасалған деректер тiзбесiн ұсынады. 2. Әрбiр ұйым мен объект үшiн ақпаратта мыналар көрсетiледi: (А) I кестеде хабарланатын құралымның немесе бөлiмнiң тiркелiм нөмiрi (в бағаны) және ұйымның атауы. Осы бөлiмнiң 1-тармағына сәйкес көрсетiлген, жеке орналасқан батальондарға/эскадрильяларға, Хаттаманың III бөлiмiнiң 2-тармағына сәйкес хабарланатын құралымдар мен бөлiмдерге, және Хаттаманың III бөлiмнің 3-тармағына сәйкес аталған объектiлерге, сонымен бiрге құралымдарға немесе бөлiмдерге (в бағаны) жеке тiркелiм нөмiрi берiледi және олардың ұлттық атауы (яғни аты - с бағаны) ұсынылады. Тiзбенiң соңында бiрлесiп көрсетiлген, Хаттаманың III бөлiмi 2-тармағына сәйкес хабарланатын тiзбеде олардың орны, олардың бағыныстылығы көрсетiледi. Тiзбенiң соңында бiрлесiп мыналар көрсетiледi: (1) тұрақты қоймалық сақтаудың белгiленген орны ұлттық атаудан кейiн "ТҚСБО" белгiсiмен айқындалады; және (2) қысқарту орыны Ұлттық атаудан кейiн "Қысқарту" белгiсiмен көрсетіледi. (В) Қатысушы мемлекеттiң нұсқамасы мен шектi төменгi деңгейiнің аумағы, географиялық атауы мен 10 ceкунд жақындыққа дейiнгi дәлдiкпен тұрған жерiн қоса орналасқан орны (d бағаны); (С) жоғарыдан бастап дивизия/авиадивизия деңгейiне дейiнгi қолбасшылықтың әр деңгейi үшiн - әр санаттағы кәдiмгi қару-жарақ пен техниканың жалпы саны (f-тeн m/i дейiнгi бағандары). Мәселен, дивизияның қолда бар жалпы саны оған бағынысты барлық ұйымдардың қолда бар қаражат сомасына тең болса; және (Д) осы бөлiмнің 1-тармағында көрсетiлгенiндей, дивизия деңгейiндегi және төменгi қолбасшылықтың әр деңгейi үшiн, - III А және III В (f-тен m/n бағандарына дейiнгi) кестелерiнде көзделген, түрi бойынша тақырып қойылған кәдiмгi қару-жарақ пен техниканың саны. III А кестесiндегi (д бағаны) жауынгерлiк броньды машиналары үшiн баған төменгi санаттарға (яғни броньды транспортерлерге, жаяу әскерлердiң жауынгерлiк машиналарына, ауыр қаруланған жауынгерлiк машиналарға) жеке берiледi. Соққы берушi тiкұшақтар үшiн төменгi баған (k/i бағаны) төменгi санаттарға (яғни мамандандырылған соққы берушi, көп мақсатты соққы берушi) жеке берiледi. "Қалғандары" аталатын III в кестесiнiң 1-бағанына егер әскери әуе күштерiнің және әуе шабуылынан қорғаныс әскерлерi авиациясының қару-жарағында мұндайлар бар болса жауынгерлiк танктер, жауынгерлiк броньды машиналар, артиллерия, броньды транспортерлер тәрiздi, жаяу әскерлердің жауынгерлiк машиналары тәрiздi және танкiлiк көпiр салушылар енедi.
Тармақ 1. Хаттаманың IV бөлiмiне сәйкес әрбiр Қатысушы мемлекет қолданыс ауданы шегiнде, бiрақ оның кәдiмгi қарулы күштерінің қару-жарағында жоқ, оның жауынгерлiк танктерiнің, жауынгерлiк броньды машиналарының, артиллериясының, жауынгерлiк ұшақтары мен соққы берушi тiкұшақтардың орналасқан жерi, саны және түрi туралы ақпарат бередi. 2. Әрбiр орналасқан жер үшiн ақпарат мыналарды қамтиды: (А) Хаттаманың IV бөлiмiндегi ережеге сәйкес берiлетiн ақпараттар (в бағаны); (В) орналасқан жерi (с бағаны): (1) Хаттаманың IV бөлiмi 1-тармағының (А) тармақшасы (1), (3) және (5) төменгi тармақшаларына сәйкес хабарланатын кәдiмгi қару-жарақ пен техникаға қатысты - географиялық атауы және тұрған жерi, 10 ceкунд жақындыққа дейiн дәлдiкпен, сондай қару-жарақ мен техника ұсталатын орны; және (2) Хаттаманың IV бөлiмiнің 1-тармағы (А) тармақшасының (2) төменгi тармақшасына сәйкес хабарланған кәдiмгi қару-жарақ пен техникаға қатысты, сондай қару-жарақ пен техниканы ұстаған әкiмшiлік аймақтың ұлттық атауы немесе өлшем бiрлiгi. (С) Хаттаманың IV бөлiмi 1-тармағының (А) тармақшасына (1) және (2) төменгi тармақшасына сәйкес хабарланған кәдiмгi қару-жарақ пен техникаға қатысты аталған қару-жарақ пен техникасы қолда бар ұйымның ұлттық деңгейдегi атауы (с бағаны); және (С) әрбiр орналасқан жерi үшiн - IV кестесiнде көрсетiлген (d-дан i бағанына дейiнгi), түрi бойынша тақырып қойылған мөлшерi, тек мыналардан басқасы: Хаттаманың IV бөлiмiнiң 1-тармағы (А) тармақшасының (2) төменгi тармақшасына сәйкес хабарланған кәдiмгi қару-жарақ пен техникаға қатысты тек аталған әкiмшiлiк аймақ немесе өлшем бiрлiгi үшiн әр санаттағы сандар ғана берiледi (с бағаны).
Тармақ 1. Хаттаманың V бөлiмiне сәйкес әрбiр Қатысушы мемлекет Инспекция туралы хаттаманың I бөлiмiнде белгiленгенiндей, өздерiнiң бақылау объектiлерi мен жарияланған орындары туралы тiзбе ұсынады. Жарияланған орындар алфавиттiк ретпен және Қатысушы мемлекеттiң нұсқамасымен және қашан қолданылатыны шектi төменгi деңгейiнiң аумағымен аталады. 2. Әрбiр жарияланған орын туралы ақпаратқа мыналар енедi: (А) осы орын үшiн бұдан кейiнгi барлық ақпарат алмасуда пайдаланылатын жеке белгi (яғни жарияланған орынның тiркелген нөмiрi - в бағаны); (В) географиялық атауы көрсетiлген атауы мен орналасқан жерi және 10 секундтық жақындыққа дейiнгi дәлдiкпен тұрған жерi (с бағаны); (С) жарияланған орынға байланысты кiру/шығу пунктi(-терi) (d бағаны); (D) осы Қосымшаның III бөлiмiнде көрсетiлгенiндей, жарияланған жерде орналасқан барлық бақылау объектiлерi құралымдарының немесе бөлiмдерiнiң жеке реттiк нөмiрi, атауы және тiркелiм нөмiрi, (e бағаны) жеке нөмiр былайша тағайындалады: тiзбеде жазылған, соңғы бақылау объектiсiнде берiлген нөмiр Қатысушы мемлекеттің бақылау объектiлерiнiң жалпы санына тең болуы керек; (Е) жарияланған орында және әрбiр бақылау объектiсi бойынша қолдарында бар, Хаттаманың III бөлiмiнде көрсетiлген әр санаттағы кәдiмгi қару-жарақ пен техниканың жалпы саны (f-тен р бағанына дейiнгi) мыналарды қосымша көрсете отырып; (1) жарияланған орынның әр санатындағы, бақылау объектiсiне жататын әрбiр осындай бақылау объектiсi құралымдардың немесе бөлiмдердiң атаулары мен тiркелiм нөмiрлерiн көрсете отырып (e бағаны), кәдiмгi қару-жарақ пен техника; және (2) бақылау объектiсiне жатпайтын кәдiмгi қару-жарақ пен техника (f-тан р бағандарына дейiнгi) әр жазбаның жоғары/төменiмен тiкелей жалғасатын мынадай белгілермен келтiрiледi: (а) бейбiт уақытта iшкi қауіпсiздiктi қамтамасыз ету қызметiн жүзеге асыру үшiн құрылған және құрылымдық ұйымдастырылған ұйымның қолда бар қару-жарағы мен техникасы - "Қауiпсiздiк" белгiсiмен; (в) есептен шығарылған қару-жарақ пен техника - "Есептен шығарылды" белгiсiмен; (с) экспортты немесе керi экспортты не экспорт немесе керi экспорт үшiн қайта жабдықтауды күткен қару-жарақ пен техника - "Экспорт" белгiсiмен; (d) қайта жабдықтауды күткен, қысқартылған қару-жарақ пен техника - "Қысқартылған" белгiсiмен; және (с) тек зерттеу және әзiрлеу мақсаттары үшiн пайдаланылатын қару-жарақ пен техника - "Зерттеу" белгiсiмен. 3. V кестенің соңғы жазбасында Қатысушы мемлекеттiң келесi шартты жылға жарияланған орны инспекциясының пассивтi үлесi көрсетiледi.
Тармақ 4. Әрбiр Қатысушы мемлекет пунктке кiру/шығу тiзбесiн (VI кесте) ұсынады. Тiзбеде осы бөлімнiң 2-тармағының (с) тармақшасына сәйкес хабарланған, әрбiр орынның кiру/шығу пунктiн(-терiн) көрсету үшiн пайдаланылатын, жеке реттiк нөмiр белгiсi (в бағаны) тағайындалады. Орналасқан жерге географиялық атауы (с бағаны) және 10 ceкундтық жақындыққа дейiнгi (d бағаны) тұрған орны қосылады. Сонымен бiрге, әрбiр кiру/шығу (e бағаны) пунктi үшiн - "Әуе", "Теңiз", "Құрлық" сияқты көлiк құралдарының оңтайлы түрлерi көрсетiледi.