Тармақ 1. Уағдаласушы Мемлекеттің резиденті болып табылатын компаниялардың басқа Уағдаласушы Мемлекеттің резидентіне төлейтін дивидендтеріне осы басқа Мемлекетте салық салынуы мүмкін. 2. Алайда, осы Мемлекеттің заңдарына сәйкес дивидендтерді төлейтін компания резиденті болып табылатын Уағдаласушы Мемлекетте де мұндай дивидендтерге салық салынуы мүмкін, ал егер аларман дивидендтердің іс жүзіндегі иесі болып табылса, онда осылайша жолмен алынатын салық: а) егер дивидендтерді төлейтін компанияның капиталының ең кемі 10 процентіне тікелей ие іс жүзіндегі иесі болса - дивидендтердің жалпы сомасының 5 процентінен; b) қалған барлық басқа жағдайларда - дивидендтердің жалпы сомасының 15 процентінен аспайтын болады. Бұл тармақтың ережелері компанияның дивидендтер төленетін пайдаға қатысты салық салуын қозғамайды. 3. "Дивидендтер" термині осы Бапта пайдаланылғанда бөлетін компания резиденті болып отырған Уағдаласушы Мемлекеттің салық заңына сәйкес, акциялардан алынатын табыс сияқты, осындай салық реттеуіне жататын борыштық талаптар болмайтын акциялардан, кен өндіру өнеркәсібі акциялардан, құрылтайшылар акцияларының немесе басқа құқықтардан алынатын табысты, пайдаға қатысудағы табысты, сондай-ақ салық реттеуіне жататын басқа да корпорациялық құқықтардан алынатын табысты білдіреді. 4. Егер Уағдаласушы Мемлекеттің резиденті болып табылатын дивидендтердің іс жүзіндегі иесі дивидендтерді төлейтін компания резиденті болып отырған басқа Уағдаласушы Мемлекетте орналасқан тұрақты мекемесі арқылы онда кәсіпкерлік қызметті жүзеге асырса немесе осы басқа Мемлекетте өздеріне қатысты дивидендтер төленетін осындағы тұрақты базамен холдингке тәуелсіз жеке қызметтер көрсетсе, шын мәнінде осындай тұрақты мекемеге немесе тұрақты базаға қатысты болса, 1 және 2-тармақтардың ережелері қолданылмайды. Мұндай кезде мән-жайларға қарай 7-баптың (Кәсіпкерлік қызметтен алынатын пайда) немесе 14-баптың (Тәуелсіз жеке қызметтер) ережелері қолданылады. 5. Егер Уағдаласушы Мемлекеттің резиденті болып табылатын компания басқа Уағдаласушы Мемлекеттен пайда немесе табыс алатын болса, осы басқа Мемлекет, осындай дивидендтер осы басқа Мемлекеттің резидентіне төленетін немесе өзіне қатысты дивидендтер төленетін холдинг осы басқа Мемлекетте орналасқан тұрақты мекемеге немесе тұрақты базаға шын мәнінде қатысты болатын жағдайды қоспағанда, компания төлейтін дивидендтерден қандай да болсын салық ала алмайды, егер төленетін дивидендтер немесе бөлінбеген пайда толық не болмаса ішінара осы басқа Мемлекетте туындайтын пайдадан немесе табыстан алып тұрған күннің өзінде де компанияның бөлінбеген пайдасына салық салуға ұшырай алмайды. 6. Осы Конвенцияда Уағдаласушы Мемлекетке осы Мемлекеттің резиденті болып табылатын компанияның табыстарынан алынуы мүмкін салыққа қосымша, осылайша кез келген қосымша алынатын салықтың сомасы мұның алдындағы салық салынатын жылдары осындай қосымша салық салуға ұшырамаған табыс сомасының 5 процентінен аспауы тиіс жағдайда, осы Мемлекеттегі тұрақты мекемеге қатысты компаниялардың табыстарынан салық алуға еш нәрсе тосқауыл бола алмайды деп пайымдалмайды. Осы тармақтың мақсаттары үшін "табыстар" термині, құн өсімінен алынатын кез келген табыстарды қоса алғанда, осы Мемлекетте осындай пайдадан алынатын, осында аталған қосымша салықтан басқа барлық салықтар шегеріп тасталған жылғы және мұның алдындағы жылдары Уағдаласушы Мемлекеттегі тұрақты мекемеге қатысты пайданы білдіреді.