Тармақ 1. Уағдаласушы Мемлекетте туындайтын және басқа Уағдаласушы Мемлекеттің резидентіне төленетін проценттерге осы басқа Мемлекетте салық салынуы мүмкін. 2. Алайда, мұндай проценттерге сол сияқты олар туындайтын Уағдаласушы Мемлекетте, және де осы Мемлекеттің заңдарына сәйкес салық салынуы мүмкін, бірақ егер, алушы проценттердің іс жүзіндегі иесі болса, онда осылайша алынатын салық проценттердің жалпы сомасының 10 процентінен аспайтын болады. 3. "Проценттер" термині осы Бапта пайдаланылған кезде осы бағалы қағаздар, облигациялар немесе борыштық міндеттемелер бойынша сыйлық пен ұтыстарды қосқанда, кепілдікпен қамтамасыз етілген немесе қамтамасыз етілмеген борыштық талаптардың кез келгенінен алынған табысты, ішінара үкіметтің бағалы қағаздарынан алынатын табысты және облигациялардан немесе борыштық міндеттемелерден алынатын табысты білдіреді. Осы Баптың мақсаттары үшін төлемдердің уақытында жасалмағаны үшін салынатын айыппұлдар проценттер ретінде қарастырылмайды. 4. 2-тармақтың ережелеріне қарамастан, Уағдаласушы Мемлекетте пайда болатын проценттер, егер: а) проценттердің іс жүзіндегі иесі басқа Уағдаласушы Мемлекеттің резиденті болып табылған жағдайда, осы Уағдаласушы Мемлекет Үкіметінің немесе оның аймақтық немесе жергілікті өкімет органының облигацияларына, борыштық міндеттемелеріне немесе басқа да міндеттемелеріне байланысты, проценттер төленетін болса; b) проценттер Уағдаласушы Мемлекеттердің құзіретті органдарының арасында келісіліп отырылуы мүмкін Норвегияның Орталық Банкінің, Норвегияның Экспорттық кредиттерге кепілдік беру институтының немесе А/S Экспортфинанстың немесе кез келген басқа мекемесінің берілген, кепілдік берілген немесе сақтандырған заемға немесе берілген, кепілдік берілген, сақтандырылған кредитке қатысты Қазақстан резидентінің Норвегияның резидентіне берешегі бойынша проценттер төленетін болса; с) Уағдаласушы Мемлекеттердің құзіретті органдарының арасында келісіліп отырылуы мүмкін, Қазақстан Республикасының Ұлттық Банкінің немесе Эксимбанктің немесе басқа мекеме берілген, кепілдік берілген немесе сақтандырған заемға, берілген немесе кепілдік берілген немесе сақтандырған кредитке қатысты Норвегия резидентінің Қазақстанның резидентіне берешегі бойынша проценттер төленетін болса, осы Мемлекетте салықтан босатылады. 5. Егер Уағдаласушы Мемлекеттің резиденті бола отырып, проценттердің нақты иесі проценттер пайда болатын екінші Уағдаласушы Мемлекетте орналасқан тұрақты мекеме арқылы кәсіпкерлік қызметін жүзеге асырса немесе осы екінші Мемлекетте орналасқан тұрақты базадан тәуелсіз жеке қызметтер көрсетсе, ал өзіне қатысты проценттер төленетін борыштық талабы шын мәнінде осы тұрақты мекемеге немесе тұрақты базаға қатысты болса 1, 2-тармақтардың ережелері қолданылмайды. Мұндай жағдайда, ретіне қарай 7-баптың (Кәсіпкерлік қызметтен алынатын пайда) немесе 14-баптың (Тәуелсіз жеке қызметтер) ережелері қолданылады. 6. Егер, осы Мемлекеттің өзі, оның аймақтық немесе жергілікті өкімет органдары немесе осы Мемлекеттің резиденті төлеуші болса проценттер Уағдаласушы Мемлекетте пайда болған болып саналады. Алайда, егер проценттер төлеуші тұлға Уағдаласушы Мемлекеттің резиденті ме, жоқ па осыған қарамастан, Уағдаласушы Мемлекетте проценттер төленетін берешек пайда болған тұрақты мекемесі немесе тұрақты базасы болса және осындай проценттерді осындай тұрақты мекеме немесе тұрақты база төлейтін болса, онда мұндай проценттер осындай тұрақты мекеме немесе тұрақты база орналасқан Мемлекетте пайда болады деп есептеледі. 7. Егер проценттер төлеуші мен оның іс жүзіндегі иесі арасында немесе сол екеуі мен қандай да болсын басқа бір тұлғаның арасында арнаулы қатынастардың салдарынан, борыштық талаптардың негізінде төленетін проценттердің сомасы осындай қатынастар болмаған кезде проценттерді төлеуші мен оның іс жүзіндегі иесі арасында келісілген сомадан асып кетсе, онда осы Баптың ережелері тек соңғы аталған сомаға ғана қолданылады. Мұндай жағдайда осы Конвенцияның басқа да ережелерін ескере отырып, әрбір Уағдаласушы Мемлекеттің заңдарына сәйкес төлемнің артық бөлігіне салық салынуға тиіс. 8. Егер проценттер төленетін борыштық талапты жасаумен немесе тапсырумен байланысты кез келген тұлғаның негізгі мақсаты немесе негізгі мақсаттарының бірі осындай борыштық талаптарды жасау немесе тапсыру жолымен осы Баптан пайда табу болса, осы Баптың ережелері қолданылмайды.