Тармақ 1. Уағдаласушы Мемлекеттің резидентінің 6-бапта айтылғандағыдай (Жылжымайтын мүліктен алынатын табыстар) және басқа Уағдаласушы Мемлекетте орналасқан жылжымайтын мүлікті шеттетуден алған табыстарға осы басқа Мемлекетте салық салынуы мүмкін. 2. Уағдаласушы Мемлекеттің резидентінің шеттетуден алған табыстарына: а) құнын немесе олардың құнының көп бөлігін тікелей немесе жанама түрде Уағдаласушы Мемлекетте орналасқан жылжымайтын мүліктен алынатын ресми танылған қор биржасында елеулі және тұрақты негізде саудаланатын акциялардан бөлек өзге акциялардан; немесе b) активтері негізінен, басқа Уағдаласушы Мемлекетте орналасқан жылжымайтын мүліктен, немесе жоғарыда а) тармақшасында атап өтілген акциялардан тұратын әріптестікке немесе сенімгерлік қорына (трастқа) қатысудан алынатын табыстарға осы басқа Мемлекетте салық салынуы мүмкін. 3. Бір Уағдаласушы Мемлекеттің кәсіпорыны басқа Уағдаласушы Мемлекетте ие тұрақты мекемесінің кәсіпкерлік мүлкінің бір бөлігін құрайтын жылжымалы мүлікті шеттетуден немесе осындай тұрақты мекемені немесе осындай тұрақты базаны шеттетуден алынатын осындай табыстарды қоса алғанда, тәуелсіз жеке қызметтер көрсету мақсаттары үшін Уағдаласушы Мемлекеттің басқа Уағдаласушы Мемлекеттің резидентіне қарауындағы тұрақты базаға қатысты жылжымалы мүліктен алатын табыстарына осы басқа Мемлекетте салық салынуы мүмкін. 4. Уағдаласушы Мемлекеттің резиденті халықаралық тасымалдауда пайдаланылатын теңіз немесе әуе кемелерін немесе теңіз және әуе кемелерін пайдалануға байланысты жылжымалы мүлікті шеттетуден алынатын табыстарға тек осы Уағдаласушы Мемлекетте ғана салық салынады. 5. Уағдаласушы Мемлекеттің резиденті болып табылатын компанияның акцияларын немесе басқа да корпорациялық құқықтарын шеттетуден алынатын табыстар және осы Мемлекеттің резиденті болған және осындай акцияларды, құқықтарды немесе бағалы қағаздарды алғаннан кейін басқа Уағдаласушы Мемлекеттің резидентіне айналған жеке тұлға алған осындай акцияларды немесе құқықтарды шеттетуден алынатын табыстар сияқты осы Мемлекетте салықтық реттеуге түсетін кез келген бағалы қағаздарды шеттетуден алынған табыстарға, егер жеке тұлға бірінші аталған Мемлекеттің резиденті болуын тоқтатқан күннен кейінгі бес жылдың ішінде кез келген уақытта акцияларды, құқықтарды немесе бағалы қағаздарды шеттету жүргізілсе, бірінші атап өтілген Мемлекетте салық салынуы мүмкін. 6. Мұның алдындағы тармақтарда айтылғандардан өзге кез келген мүлікті шеттетуден алынған табыстарға мүлікті шеттетуші тұлға резиденті болып табылатын Уағдаласушы Мемлекетте ғана салық салынады.