Тармақ 1. Уағдаласушы Мемлекеттің резиденті болып табылатын жеке тұлғаның кәсіби қызмет көрсетуге немесе тәуелсіз сипаттағы басқа да қызметке қатысты алатын табысына осы Мемлекетте ғана салық салынады. Алайда мұндай табысқа егер: а) жеке тұлға басқа Мемлекетте кез келген 12 айлық кезеңнің жалпы алғанда 183 күннен асатын кезең немесе кезеңдер ішінде болатын болса; немесе б) жеке тұлғаның өз қызметтерін жүзеге асыру үшін осы басқа Мемлекетте ол ұдайы қатыса алатын тұрақты базасы болса; бірақ тек оның осы басқа Мемлекетте жүзеге асырылатын қызметтерге қатысты бөлігінде ғана басқа Уағдаласушы Мемлекетте салық салынуы мүмкін. 2. "Кәсіби қызметтер" термині, атап айтқанда, тәуелсіз ғылыми, әдеби, әртістік, білім беру немесе оқытушылық қызметтерді, сондай-ақ дәрігерлердің, заңгерлердің, инженерлердің, сәулетшілердің, тіс дәрігерлерінің және бухгалтерлердің тәуелсіз қызметтерін қамтиды.