Тармақ 1. Шығаруға рұқсат етiлген бастапқы акционерлiк капитал он миллиард (10 000 000 000) ЭКЮ мөлшерiнде белгіленедi. Ол әрқайсысы номиналы он мың (10 000) ЭКЮ болатын бiр миллион (1 000 000) акцияға бөлiнедi, оларға осы Келiсiмнің 5-бабының талаптарына сәйкес мүшелер ғана қол қоя алады.
Тармақ 2. Бастапқы акционерлiк капитал төленетiн акцияларға және талап бойынша төленуге тиiс акцияларға бөлiнедi. Төленетiн акциялардың бастапқы жалпы атаулы (номиналды) сомасы үш миллиард (3 000 000 000) ЭКЮ құрайды.
Тармақ 3. Банктiң шығаруға рұқсат етiлген акционерлiк капиталы тиiмдi деп танылған мерзiмде және шарттарда, егер дауыс беруге құқығы бар мүшелердің жалпы дауыс санының кемiнде төрттен үшінің мүддесiн бiлдiретiн басқарушылардың кемiнде үштен екiсi дауыс беретiн болса, ұлғайтылады.