Тармақ 1. Әрбiр мүше өз заңдарының талаптарын орындаған жағдайда Банктің акционерлiк капиталының акцияларына жазылады. Шығаруға рұқсат етiлген бастапқы акционерлiк капиталға қандай да болмасын жазылу төленетiн және талап бойынша төленуге жататын акцияларға үштiң (3) жетiге (7) қатынасында жүзеге асырылады. Осы Келiсiмге қол қойған және осы Келiсiмнің 61-бабына сәйкес мүше болған тараптар қол қоятын акциялардың бастапқы саны А қосымшасында белгiленген. Әрбiр мүше бастапқыда кемiнде жүз (100) акцияға қол қоюы керек.
Тармақ 2. Еуропа экономикалық қауымдастығымен және Еуропа инвестициялық банкiмен бiрге Еуропа Экономикалық Қауымдастығына мүше-елдерге тиесiлi акционерлiк капиталдың проценттiк үлесiнің жазылу жүргiзiлетiн акционерлiк капитал жалпы сомасының көпшiлiгіне сәйкес келетiн деңгейден төмендеуiне әкеп соғатын (алып келетiн) акцияларға жазылу жүргізiлмеген жағдайда осы Келiсiмнiң 3-бабының 2-тармағына сәйкес мүшелiкке қабылданған елдер қол қоюы тиiс акциялардың бастапқы санын Басқарушылар кеңесi белгілейдi.
Тармақ 3. Басқарушылар кеңесi Банктің акционерлiк капиталын кемiнде бес (5) жылда бiр рет қайта қарайды. Шығаруға рұқсат етiлген акционерлiк капиталдың мөлшерi ұлғайтылған жағдайда әрбiр мүше аталған ұлғайту алдында тiкелей жазылу жүргізiлген Банктің акционерлiк капиталының жалпы мөлшерiне қатысты жазылу жүргiзiлген акциялардың үлесiне бара-бар акционерлiк капиталдың ұлғаюынан белгiлi бiр тепе-тең үлеске Басқарушылар кеңесi белгiлейтiн бiрыңғай шарттарда жазылу мүмкiндігін алады. Мүшенің ешқайсысы акционерлiк капитал мөлшерi ұлғаюының қандай да бiр бөлiгiне жазылуға мiндеттi емес.
Тармақ 4. Осы баптың 3-тармағының талаптары сақталған жағдайда Басқарушылар кеңесi кез келген мүшенің өтiнiшi бойынша осы мүшенің жазылу сомасын ұлғайта алады немесе осындай ұлғайту Еуропа экономикалық қауымдастығымен және Еуропа инвестициялық банкiмен бiрге Еуропа Экономикалық Қауымдастығына мүше-елдерге тиесiлi акционерлiк капиталдың проценттiк үлесi жазылу жүзеге асатын акционерлiк қоғамның жалпы сомасының көбiне сәйкес келетiн төмен деңгейiнен төмендеуiне әкелiп соқтырмайтын болса, осы мүшеге шығаруға рұқсат етiлген акциялар шегiнде басқа мүшелер алмаған акциялар бөлiнiп берiледi.
Тармақ 5. Мүшелер акцияларды бастапқыда қол қоятын акциялар номиналы бойынша шығарады. Басқа акциялар, егер Басқарушылар кеңесi дауыс беруге құқығы бар мүшелердің жалпы дауыс санының кемінде үштен екiсінің мүддесiн бiлдiретiн басқарушылардың кемiнде үштен екiсін құрайтын көпшiлiк дауыспен акцияларды ерекше жағдайларда басқа шарттармен шығару туралы шешiм қабылдамаса, номинал бойынша шығарылады.
Тармақ 6. Акциялар кепiлдiкке салынбауы немесе оларға кез келген басқа тәсiлдермен мiндеттемелер жүктелмеуi керек, олар осы Келiсiмнің VII тарауына сәйкес Банктен басқа, ешкiмге берiлуi мүмкiн емес.
Тармақ 7. Мүшелердің акциялар бойынша жауапкершілігi акцияларды шығару сәтiнде белгiленген бағасының төленбеген бөлiгiмен шектеледi. Өзiнің мүшелiкте тұруына байланысты мүшелер Банктің мiндеттемелерi бойынша жауап бермейдi.