Бап 21 О конкуренции и ограничении монополистической деятельности

Тармақ 1. Монополияға қарсы органның жұмыс жоспарында көзделмеген тексеру жоспардан тыс тексеру болып саналады және Қазақстан Республикасының монополияға қарсы заңнамасының бұзылғаны туралы монополияға қарсы органға келiп түскен не өзi дербес анықтаған ақпаратты растау үшiн жүргiзiледi.

Тармақ 2. Жоспардан тыс тексерудi жүргiзуге:

• 1) жеке және заңды тұлғалардың монополистiк қызмет нәтижесiнде өздерiнiң құқықтары мен заңды мүдделерiнiң бұзылғаны туралы өтiнiшi;
• 2) Қазақстан Республикасының монополияға қарсы заңнамасының бұзылғаны туралы мемлекеттiк органдардан келiп түскен материалдар;
• 3) монополияға қарсы органның тауар нарықтарын зерделеуi, бұқаралық ақпарат құралдарының хабарламалары және өзге де мәлiметтер негiзiндегi бастамасы негiз болады.