Тармақ 1. Тексеру жүргiзу үшiн монополияға қарсы орган оның басшысы қол қойған, мөрiмен куәландырылған және заңнамада белгiленген тәртiппен құқықтық статистика және арнайы есепке алу органдарында тiркелген қатаң есептiлiк бланкiсiндегi нұсқама және тексерудi тағайындау туралы бұйрық қабылдайды, сондай-ақ тексеру жүргiзу жоспарын бекiтедi.
Тармақ 2. Тексеру жүргiзу туралы нұсқама екi дана етiп жасалып, олар тiркеу үшiн құқықтық статистика және арнайы есепке алу органына берiледi. Тiркелгенi туралы белгiсi бар бiр данасы iс материалдарына қоса тiркеледi.
Тармақ 3. Құқықтық статистика және арнайы есепке алу органында тiркелгенi туралы белгiсi бар нұсқама көшiрмесi, сондай-ақ тексеру жоспары тексеру жүргiзiлетiн күнi тексерiлетiн субъектiнiң басшысына тапсырылады. Тексерiлетiн субъектiге тапсырылатын құқықтық статистика және арнайы есепке алу органында тiркелгенi туралы белгiсi жоқ тексеру жүргiзу туралы нұсқаманың көшiрмесi жарамсыз болып табылады.
Тармақ 4. Тексеру жүргiзу үшiн монополияға қарсы орган басшысының бұйрығымен жұмыс тобы құрылып, оның құрамы бекiтiлуi, жұмыс тобының басшысы мен басшысының орынбасары айқындалуы мүмкiн.
Тармақ 5. Тексерiлетiн субъектi тексеру жүргiзу туралы нұсқаманы қабылдаудан бас тартқан немесе тексерудi жүзеге асыратын монополияға қарсы органның лауазымды адамдарының тексеру жүргiзу үшiн қажеттi материалдарға қол жеткiзуiне кедергi келтiрген жағдайда хаттама жасалады. Хаттамаға монополияға қарсы органның тексерудi жүзеге асыратын лауазымды адамы және тексерiлетiн субъектiнiң уәкiлеттi адамы қол қояды. Тексерiлетiн субъектiнiң уәкiлеттi адамы бас тартудың жазбаша негiздемесiн бере отырып, хаттамаға қол қоюдан бас тарта алады. Тексеру жүргiзу туралы нұсқаманы алудан бас тарту тексерудi болдырмау үшiн негiз болып табылмайды. Тексерудi монополияға қарсы органның тексерудi тағайындау туралы нұсқамада көрсетiлген лауазымды адамы (адамдары) ғана жүргiзе алады.