Тармақ 1. Тараптар осы Келісім негізінде және өз мемлекеттерінің ұлттық заңнамаларына сәйкес автомобиль қатынасы саласындағы ынтымақтастыққа, Тараптар мемлекеттерінің арасында және олардың аумақтары арқылы транзитпен, сондай-ақ үшінші мемлекеттерге немесе үшінші мемлекеттерден жолаушылар мен жүктердің екі жақты және транзиттік автокөлік тасымалдарын дамытуға ықпал етуге және осы мақсат үшін көрсетілген тасымалдарды жүзеге асыру тәртібін белгілей отырып келісті.
Тармақ 2. Осы баптың 1-тармағында көрсетілген тасымалдар халықаралық автомобиль қатынасы үшін ашылған жолдармен Тараптар мемлекеттерінің бірінің аумағында тіркелген көлік құралдарымен (оның ішінде жеңіл көлік құралдарымен) жүзеге асырылады.
Тармақ 3. Осы Келісім Тараптар мемлекеттерінің басқа да халықаралық келісімдерден туындайтын құқықтары мен міндеттерін қозғамайды.