Бап 2 О ратификации Соглашения между Правительством РК и Правительством Грузии о международном автомобильном сообщении

Тармақ 1. "Тасымалдаушы" Тараптардың бірінің мемлекеті аумағында тіркелген, өз мемлекетінің ұлттық заңнамасына сәйкес жолаушы немесе жүк тасымалдарын сыйақы үшін немесе жалға алу бойынша жүзеге асыратын кез келген жеке немесе заңды тұлғаны білдіреді.

Тармақ 2. "Құрылтайшы мемлекет" тасымалдаушы құрылған Тараптың мемлекеттік аумағын білдіреді.

Тармақ 3. "Каботаж" Тараптардың бірінің мемлекеті аумағында орналасқан пункттердің арасында екінші Тарап мемлекетінің аумағында құрылған тасымалдаушы жүзеге асыратын тасымалдарды білдіреді.

Тармақ 4. "Құзыретті орган":

• 1) Қазақстан тарапы үшін - Қазақстан Республикасының Индустрия және инфрақұрылымдық даму министрлігін;
• 2) Грузия тарапы үшін - Грузияның Экономика және тұрақты даму министрлігін және/немесе Жер көлігі агенттігін немесе автомобиль көлігі үшін жауапты басқа де органдарды білдіреді.
• 3) Жоғарыда аталған құзыретті органдардың атаулары немесе функциялары өзгерген кезде Тараптар дипломатиялық арналар бойынша уақтылы хабардар етілетін болады.

Тармақ 5. "Тіркеме" қозғалтқышпен жабдықталмаған және механикалық көлік құралының құрамында қозғалуға арналған көлік құралын білдіреді.

Тармақ 6. "Жартылай тіркеме" көлік құралына оның алдыңғы бөлігі оған сүйенетін және оның үстіндегі жүктің белгілі бір бөлігі көлік құралына келетіндей болып қосылған тіркемені білдіреді.

Тармақ 7. "Рұқсат" Тараптардың құзыретті органдары беретін, басқа Тарап мемлекетінің аумағында тіркелген көлік құралдарына осы рұқсатты берген Тарап мемлекетінің аумағына немесе аумағы арқылы жолаушылар мен жүктердің тасымалдарын жүзеге асыруға құқық беретін құжатты білдіреді.

Тармақ 8. "Тіркеу" Тараптар мемлекеттерінің қолданыстағы ұлттық заңнамаларына сәйкес белгілі бір тиісті құзыретті органдардың көлік құралына бірегейлендіру нөмірін беруін білдіреді. Автокөлік құралдарын құрастырған жағдайда көлік құралы рұқсат беру немесе одан босату үшін басым факторды білдіреді.

Тармақ 9. "Тұрақты жолаушылар мен багаж тасымалдары" жолаушыларды отырғызу және түсіру үшін аялдама пункттерін, бағыт және тариф бойынша автобустардың қозғалыс кестесін көрсете отырып, белгілі бір тұрақтылықпен және алдын ала белгіленген бағыт бойынша жүзеге асырылатын жолаушы тасымалдарын білдіреді.

Тармақ 10. "Тұрақты емес жолаушылар мен багаж тасымалдары" оларды жүзеге асыру шарттары әрбір жеке жағдайда тапсырыс беруші мен тасымалдаушы арасындағы келісім бойынша айқындалатын жолаушы тасымалдарын білдіреді.

Тармақ 11. "Көлік құралы" автокөлік құралын:

• 1) а) жеке алынған немесе көлік құралдарының құрастырылымын;
• 2) b) меншік, жалға алу түрінде немесе лизинг келісім-шарты бойынша тасымалдаушының иелігіндегі жолаушылар (жүргізушіні қоса алғанда 9-дан астам жолаушыны тасымалдау үшін құрастырылған және арналған автобус) және жүк тасымалына арналған;
• 3) с) жеңіл автомобильдерді білдіреді.

Тармақ 12. "Транзит" Тараптардың бірінің мемлекеті аумағында құрылған тасымалдаушы жүзеге асыратын, екінші Тарап мемлекетінің аумағы арқылы үшінші елге немесе кері жүріп өтетін жүк (тиеусіз және түсірусіз) және жолаушылар (отырғызбай және түсірмей) тасымалын білдіреді.

Тармақ 13. "Қауіпті жүк" халықаралық нормаларға сәйкес қауіптілік типі бойынша 9 сыныпқа жіктелетін және олардың халықаралық автомобиль тасымалы Қауіпті жүктердің халықаралық жол тасымалы туралы еуропалық келісімге (ADR) сәйкес тыйым салынған немесе белгілі бір шарттарды сақтай отырып жол берілетін заттарды және/немесе бұйымдарды білдіреді.

Тармақ 14. "арнайы рұқсат" - тасымалдаушыға аумағы бойынша тасымалдау жүзеге асырылатын Тарап мемлекетінің ұлттық заңнамасына сәйкес автокөлік құралымен ірі габаритті, ауыр салмақты және қауіпті жүктерді тасымалдауды орындау құқығын беретін құжат.