Үкiмет Банк қызметiне қажет үй-жайлар мен жабдықты iрiктеуде, сондай-ақ Банк өтiнiшi бойынша Банктiң лауазымды тұлғалары мен қызметкерлерi үшiн қолайлы тұрғын үйдi iрiктеп алуда оған көмек көрсетедi. Банк үй-жайлар мен жабдықты пайдаланғаны үшiн Қазақстан Республикасының аумағында халықаралық ұйымдар немесе дипломатиялық өкiлдiктер үшiн белгiленген ставкалар бойынша ақы төлейдi. Үкiмет Банкке үй-жайларды ұстауға қажеттi қызметтердi алуға көмектеседi. Үкiмет Банктiң осындай қызметтердi халықаралық ұйымдар немесе дипломатиялық өкiлдiктер үшiн белгiленген шарттарда ала алатынына кепiлдiк бередi. Осы бапта көзделген қызметтердi Үкiмет немесе уәкiлеттi органдар көрсететiн жағдайда, мұндай қызметтерге Банк Қазақстан Республикасының аумағында халықаралық ұйымдар немесе дипломатиялық өкiлдiктер үшiн белгiленген ставкалар бойынша ақы төлейдi. Үкiмет Банкке материалдық-техникалық ресурстармен қамтамасыз етуде және Банк автокөлiгiн пайдалану үшiн қажет жағдайлар жасауда жәрдемдеседi.