Бап 15 О безопасности пищевой продукции

Тармақ 1. Субъект әзірлейтін нормативтік-техникалық құжаттамаға:

• 1) тамақ өнімдері қауіпсіздігінің көрсеткіштері;
• 2) тамақ өнімдерінің жарамдылық мерзімдері;
• 3) тамақ өнімдерін буып-түюге, таңбалауға, әзірлеу (жасау), өндіру (дайындау), айналымы процестерінің (сатыларының) шарттарына қойылатын талаптар;
• 4) тамақ өнімдерінің қауіпсіздігін өндірістік бақылау бағдарламалары;
• 5) зерттеу әдістері, қатерді бағалау, оларды азайту тәсілдері;
• 6) қауіпті тамақ өнімдерін кәдеге жарату және жою тәсілдері енгізіледі.

Тармақ 2. Тамақ өнімдерінің нормативтік-техникалық құжаттамасының жобалары және тәжірибелік үлгілері уәкілетті органдар белгілейтін тәртіппен санитарлық-эпидемиологиялық және ветеринарлық-санитарлық сараптамалардан өтуге тиіс.

Тармақ 3. Әзірлеу (жасау) кезінде тамақ өнімдерін өндіру (дайындау), айналымы, кәдеге жарату және жою процестеріндегі (сатыларындағы), соның ішінде табиғи және техногендік сипаттағы төтенше жағдайлар, субъектілер персоналының ықтимал қателіктері кезінде барлық мүмкін болатын қатерлер сәйкестендірілуге тиіс.

Тармақ 4. Тамақ өнімдерінің әрбір түрі үшін жүргізілген қатерлерді бағалау ескеріле отырып, әзірлеу (жасау) кезінде тамақ өнімдерін өндірудің (дайындаудың), айналымының, кәдеге жаратудың және жоюдың барлық процестерінде (сатыларында) қатерлерді жоюдың немесе мөлшерлі (рауалы) деңгейге дейін азайтудың (төмендетудің) бүкіл шаралар кешені айқындалуға тиіс.