Бап 15 Об аккредитации в области оценки соответствия

Тармақ 1. Өтініш беруші аккредиттеу жөніндегі органға қағаз жеткізгіште не техникалық реттеудің ақпараттық жүйесі арқылы электрондық нысанда мынадай құжаттарды ұсынады:

• 1) аккредиттеуге өтінім;
• 2) өтініш берушінің заңды мәртебесін анықтайтын құжаттардың нотариат куәландырған көшірмелері;
• 3) мәлімделетін аккредиттеу саласы;
• 3-1) сапа жөніндегі нұсқаулық;
• 4) сәйкестікті бағалау саласындағы қызметтің мәлімделген бағыты жөніндегі паспорт;
• 5) сәйкестікті бағалау жөніндегі жұмыстарды орындайтын персонал туралы мәліметтер (сәйкестікті растау жөніндегі органдар үшін);
• 6) құрылымдық бөлімшелер туралы ереже және олардың құрылымы.
• 8) Өтініш беруші өзі таңдап алған нормативтік құжатқа байланысты тиісті ақпарат ұсынады.
• 9) Аккредиттеуге арналған өтінімді қоспағанда, қағаз жеткізгіштегі құжаттардың барлығы екі данада ұсынылады.

Тармақ 2. Осы баптың 1-тармағы бірінші бөлігінің 1), 3-1) және 4) тармақшаларында көрсетілген құжаттардың нысандарын уәкілетті орган белгілейді.

Тармақ 3. Егер өтінім және (немесе) оған қоса берілетін құжаттар белгіленген нысанға сәйкес келмеген не толық көлемде ұсынылмаған жағдайда, сондай-ақ мәлімделген жабдықты басқа аккредиттелген зертхана пайдаланған жағдайда, аккредиттеу жөніндегі орган құжаттарды келіп түскен күнінен бастап есептелетін бес жұмыс күні ішінде қабылдаудан бас тартады және оларды қайтарудың себептерін көрсете отырып, өтiнiш берушiге пошта арқылы қайтарады не оларды өкіліне қолын қойғызып, қолма-қол табыс етеді не техникалық реттеудің ақпараттық жүйесі арқылы электрондық нысанда жібереді.