Бап 16 Об аккредитации в области оценки соответствия

Тармақ 1. Аккредиттеу алдындағы шарт аккредиттеу жөніндегі орган мен өтініш беруші арасында жасалады.

Тармақ 2. Аккредиттеу алдындағы шарттың елеулі талаптары:

• 1) шарттың мәні;
• 2) тараптардың құқықтары мен міндеттері;
• 3) жұмыстардың құны;
• 4) тараптардың жауаптылығы болып табылады.

Тармақ 3. Аккредиттеу алдындағы үлгі шартты уәкілетті орган бекітеді.

Тармақ 4. Аккредиттеу алдындағы шартты тоқтатуға мынадай жағдайлар:

• 1) заңды тұлғаның таратылуы;
• 2) Қазақстан Республикасының азаматтық заңнамасына сәйкес шартты бұзу;
• 3) құжаттарға сараптама жасау кезінде немесе өтініш берушіні орналасқан жері бойынша тексерген кезде анықталған сәйкессіздіктерді аккредиттеу жөніндегі орган белгілеген мерзімде жоймауы;
• 4) аккредиттеу жөніндегі органның құжаттарға қайта сараптама жасаған кезде немесе өтініш берушіні орналасқан жері бойынша қайта тексерген кезде тиісінше сарапшы-аудитордың алғашқы қорытындысындағы немесе тексеру жөніндегі топтың есебінде көрсетілген сәйкессіздіктерді анықтауы;
• 5) аккредиттеу жөніндегі органның аккредиттеуден бас тарту туралы шешім қабылдауы негіз болып табылады.