Тармақ 1. Тергеуге қатысушылардың кез келгені жазбаша нысанда ұсынған қолдау хатының және осы Келісімге сәйкес белгіленген мерзімінің негізінде тергеу жүргізетін орган жария тыңдауларды жүргізуді қамтамасыз етеді.
Тармақ 2. Тергеу жүргізетін орган тергеуге қатысушыларға жария тыңдауды өткізу уақыты мен орны туралы хабарламаны, сондай-ақ жария тыңдауды жүргізу барысында қарастырылатын мәселелердің тізбесін жіберуге міндетті.
Тармақ 3. Жария тыңдауларға тергеуге қатысушылар немесе олардың өкілдері, сондай-ақ тергеуге қатысты мәліметтерді беру мақсатында өздері тартқан тұлғалар қатысуға құқылы.
Тармақ 4. Жария тыңдаулар барысында ауызша нысанда берілген мәліметтер, егер оларды тергеуге қатысушылар жария тыңдаулар өткізілгеннен кейін күнтізбелік 15 күн ішінде тергеу жүргізетін органға жазбаша нысанда ұсынылса, тергеу барысында ескеріледі.