Бап 10 О государственных гарантиях равных прав и равных возможностей мужчин и женщин

Тармақ 1. Ерлер мен әйелдерге еңбек қатынастары саласында, оның ішінде:

• 1) еңбек шартын жасасу кезінде;
• 2) бос жұмыс орындарына теңдей қол жеткізуде;
• 3) біліктілікті арттыру, қайта даярлау және қызметте жоғарылау мәселелерінде тең құқықтарға және тең мүмкіндіктерге кепілдік беріледі.

Тармақ 2. Жұмыс беруші Қазақстан Республикасының еңбек заңнамасында көзделмеген құжаттардың ұсынылуын талап етуге құқылы емес.

Тармақ 3. Бас келісімдерге, салалық (тарифтік), өңірлік келісімдерге және ұжымдық шарттарға мыналарды:

• 1) ерлер мен әйелдердің еңбек нарығындағы тең құқықтарын және тең мүмкіндіктерін;
• 2) ерлер мен әйелдердің жалақы бойынша тең құқықтарын және тең мүмкіндіктерін;
• 3) отбасылық міндеттері бар адамдардың жағдайын жақсартуға бағытталған шараларды;
• 4) ұйымда және оның құрылымдық бөлімшелерінде кадрларды жасақтау кезінде теңдей жағдайды қамтамасыз ететін ережелер енгізілуі мүмкін.

Тармақ 4. Еңбек нарығында кемсітушілікке ұшырадым деп есептейтін адамдар ерлер мен әйелдердің тең құқықтарын және тең мүмкіндіктерін қамтамасыз ету саласындағы қызметті жүзеге асыратын органдар мен ұйымдарға жүгінуге құқылы.

Тармақ 5. Жұмыс беруші жыныстық белгісі бойынша кемсітушілік жағдайлары туралы құзыретті органдарға шағым жолдаған қызметкерге кедергі жасауға құқылы емес.