Тармақ 1. Тараптар 2008 жылғы 25 қаңтардағы Техникалық реттеу, санитарлық және фитосанитарлық шаралар саласында келісілген саясат жүргізу туралы келісімнің 2-бабының ережелерін басшылыққа ала отырып, техникалық реттеу саласында келісілген саясат жүргізеді.
Тармақ 2. Кеден одағының техникалық регламенттері Кеден одағының кедендік аумағында тікелей қолданылады.
Тармақ 3. Айналымға шығарылатын өнімнің Кеден одағы техникалық регламенттерінің талаптарына сәйкестігін бағалау (растау) оны айналымға шығарғанға дейін жүзеге асырылады.
Тармақ 4. Тараптар Кеден одағының техникалық регламенттерінің талаптарына сәйкес келетін өнімнің айналымын өз аумағында Кеден одағының техникалық регламентінде қамтылған талаптарға қатысты осындай өнімге қосымша талаптар қоймай және қосымша сәйкестікті бағалау (растау) рәсімдерін өткізбей қамтамасыз етеді.
Тармақ 5. Өнімнің Кеден одағы техникалық регламенттерінің талаптарына сәйкестігін бағалау (растау) нәтижелерінің салыстырымдылығын болуын қамтамасыз ету мақсатында Тараптар өлшем бірлігін қамтамасыз етуге бағытталған келісілген саясат жүргізеді.