Тармақ 1. Техникалық реттеу саласында Кеден одағының нормативтік құқықтық базасын қалыптастыру мақсатында Тараптар оған қатысты Кеден одағы шеңберінде міндетті талаптар белгіленетін бірыңғай өнім тізбесін (бұдан әрі - бірыңғай тізбе) қалыптастырады.
Тармақ 2. Бірыңғай тізбеге енгізілген, оған қатысты Кеден одағының техникалық регламенттері немесе Еуразиялық экономикалық қоғамдастықтың техникалық регламенттері күшіне енбеген өнім үшін техникалық реттеу саласындағы Кеден одағы заңнамасының және Тараптар заңнамаларының нормалары қолданылады.
Тармақ 3. Бірыңғай тізбені және оны жүргізу тәртібін Кеден одағының Комиссиясы (бұдан әрі - Комиссия) бекітеді.
Тармақ 4. Тараптар өз заңнамасында бірыңғай тізбеге енгізілмеген өнімге қатысты міндетті талаптарды белгілеуге жол бермейді.