Бап 15 О ратификации Соглашения о торговле услугами и инвестициях в государствах-участниках Единого экономического пространства
Егер Тарап құруға және (немесе) қызметке қатысты лицензиялауды қолданса, онда мұндай Тарап:
1) і. биліктің қызметті жүзеге асыруға лицензиялар беруге жауапты құзыретті органдары атауларының жариялануын немесе өзгеше түрде жалпының назарына жеткізілуін;
2) іі. лицензиялық рәсімдердің өздері құруға немесе қызметке шектеу болып табылмауын және қызметті жүзеге асыру құқығына тікелей байланысты лицензиялық талаптардың өздері қызмет үшін негізсіз кедергі болып табылмауын;
3) ііі. барлық лицензиялық рәсімдер мен талаптардың нормативтік құқықтық актілерде белгіленуін және лицензиялық рәсімдерді немесе талаптарды белгілейтін немесе қолданатын кез келген нормативтік құқықтық акт осы Келісімнің 14-бабының ережелеріне сәйкес күшіне енген күнге дейін жариялануын;
4) іv. лицензиялаушы органдар лицензия беру (беруден бас) тарту туралы шешімді тиісті нормативтік құқықтық актіде айқындалған уақыт кезеңі ішінде, бірақ кез келген жағдайда лицензия беруге өтініш алған күннен бастап 30 күннен кешіктірмей қабылдауын. Қаржылық қызметтер секторына қатысты лицензия беру (беруден бас) тарту туралы шешім қабылдау мерзімдері осы Келісімге V қосымшада белгіленеді;
5) v. лицензия беруге арналған өтінішті ұсынуға және қарауға байланысты алынатын кез келген алымдардың өздері құру және қызмет үшін шектеу болып табылмауын және лицензиялаушы органның өтінішті қарауға және лицензия (рұқсат) беруге байланысты шығындарына негізделуін;
6) vі. осы баптың "іv" тармағында аталған уақыт кезеңі өткен соң және өтініш берушінің талабы бойынша Тараптың тиісті лицензиялаушы органы өтініш берушіге оның өтінішін қараудың жай-күйі туралы, сондай-ақ бұл өтініш тиісінше толтырылған деп саналатыны-саналмайтыны туралы хабарлауын. Кез келген жағдайда өтініш берушіге өтінішке техникалық түзетулер енгізуге мүмкіндік беріледі. Тараптардың тиісті заңдарында және өзге де нормативтік құқықтық актілерінде аталған ақпарат пен құжаттардың барлығы алынбайынша, өтініш тиісінше толтырылған болып саналмайды;
7) vіі. өтінішін қабылдаудан бас тартылған өтініш берушінің жазбаша талабы бойынша өтінішті қабылдаудан бас тартқан лицензиялаушы органның өтініш берушіге мұндай бас тартудың себептері туралы жазбаша хабарлауын. Алайда бұл ереже лицензиялаушы органнан ашылуы заңды орындауға кедергі келтіретін немесе өзгеше түрде қоғамдық мүдделерге немесе қауіпсіздіктің елеулі мүдделеріне қайшы келетін ақпаратты ашуды талап ететіндей ретінде түсіндірілмеуге тиіс;
8) vііі. өтініш қабылдаудан бас тартылған жағдайда өтініш берушінің лицензия (рұқсат) беру үшін орын алған кез келген проблемаларды жоюға талпыныс жасай алатын жаңа өтініш беруін;
9) іx. берілетін лицензияның Тараптың бүкіл аумағында қолданылуын қамтамасыз етеді. Осы Келісімге I қосымшада осы тармақтың ережелерінен ерекшеліктер белгіленуі мүмкін.