Жер учаскесін немесе оның бір бөлігін Қазақстан Республикасының заңнамасын бұза отырып пайдалану Қазақстан Республикасының әкімшілік құқық бұзушылық туралы заңнамасына сәйкес жауаптылыққа әкеп соғады. Жер учаскесін немесе оның бір бөлігін Қазақстан Республикасының заңнамасын бұза отырып пайдалану жағдайына: 1) жер учаскесін немесе оның бір бөлігін нысаналы мақсатына сәйкес пайдаланбау; 2) жер учаскесін немесе оның бір бөлігін ауыл шаруашылығы жерінің құнарлылығын анағұрлым азайтуға не экологиялық жағдайды едәуір нашарлатуға әкеп соғатындай пайдалану жатады. 2. Қазақстан Республикасының заңнамасын бұза отырып пайдаланылып жатқан жер учаскесі немесе оның бір бөлігі Қазақстан Республикасының әкімшілік құқық бұзушылық туралы заңнамасында көзделген жазалау шаралары қолданылғаннан кейін, осы Кодекстің 94-бабында көзделген тәртіппен меншік иесінен немесе жер пайдаланушыдан мәжбүрлеп алып қойылуға жатады. 3. Төтенше және ырық бермейтін ахуал кезінде (еңсерілмейтін күш әрекеті) туындаған жағдайларды қоспағанда, осы бапта көзделген жағдайларда жер учаскесінің меншік иесі немесе жер пайдаланушы залалды Қазақстан Республикасының азаматтық заңнамасына сәйкес мемлекетке өтеуге міндетті.»;
- 36) 94-баптың 4-тармағы мынадай редакцияда жазылсын: «4. Осы Кодекстiң 92 және 93-баптарында көрсетілген негiздер бойынша сот шешiмiмен жер учаскесін меншiк иесiнен немесе жер пайдаланушыдан мәжбүрлеп алып қойған жағдайда жер учаскесiне меншiк құқығы немесе жер пайдалану құқығы (мемлекеттен сатып алынған жер учаскесiне жалдау құқықтарына қатысты) Қазақстан Республикасының азаматтық iс жүргiзу және атқарушылық заңнамасында белгiленген тәртiппен сауда-саттықта (конкурстарда, аукциондарда) сатылады. Өтеусіз негізде берілген жер учаскесін осы Кодекстің 92-бабында көрсетілген негіздер бойынша сот шешімімен меншік иесінен мәжбүрлеп алып қойған жағдайда, осы жер учаскесі жер учаскесінің меншік иесіне жер учаскесінің құнын өтеместен одан әрі қайта бөлу үшін арнаулы жер қорының есебіне жатқызылады. Бұл ретте мұндай меншік иесінің (алып қойылған жер учаскесі осы Кодекстің 9-бабының 3-тармағы 2) тармақшасының негізінде берілген жағдайда) осы мақсаттар үшін жер учаскесін қайтадан өтеусіз негізде алу құқығы сақталады. Сатудан түскен сома жер учаскесін мәжбүрлеп алып қою шығыстары шегерiле отырып, жер учаскесінің бұрынғы меншiк иесiне немесе жер пайдаланушыға төленедi. Бiр жыл iшiнде кемiнде үш рет сауда-саттық (конкурстар, аукциондар) жүргізілгеннен кейiн ондай жер учаскесiн немесе оған жер пайдалану құқығын сату мүмкiн болмаған жағдайда жер учаскесi сот шешiмiмен арнаулы жер қорының есебіне жатқызылады.»;
- 37) 97-бапта : 6-тармақтың 3) тармақшасы мынадай редакцияда жазылсын: «3) шетелдіктерге, азаматтығы жоқ адамдарға, шетелдік заңды тұлғаларға, сондай-ақ жарғылық капиталындағы шетелдіктердің, азаматтығы жоқ адамдардың, шетелдік заңды тұлғалардың үлесі елу пайыздан асатын заңды тұлғаларға он жылға дейiнгі мерзімге жалдау шарттарымен уақытша жер пайдалануға беріледі.»; 7-тармақтың екінші бөлігіндегі «жер ресурстарын басқару жөнiндегi» деген сөздер алып тасталсын;
- 38) 98-баптың 10-тармағындағы «Жер ресурстарын басқару жөнiндегi орталық» деген сөздер «Орталық» деген сөзбен ауыстырылсын;
- 39) 101-баптың 3-тармағының бірінші бөлігінде: «шыққан кезде» деген сөздерден кейін «қатысушылардың (мүшелердің) жалпы жиналысының шешімі бойынша» деген сөздермен толықтырылсын; «өз қалауы бойынша» деген сөздер алып тасталсын;
- 40) 107-баптың 3-тармағының 8) тармақшасындағы «инженерлiк жүйелер)» деген сөздер «инженерлiк жүйелер, сондай-ақ жылу желілерінің күзет аймақтары мен ортақ пайдаланудағы инженерлік жүйелер)» деген сөздермен ауыстырылсын;
- 41) 109-бапта : 1-тармақтың екінші бөлігіндегі «мыңнан асатын» деген сөздер «мыңға дейінгі» деген сөздермен ауыстырылсын; 2-тармақтың бірінші бөлігіндегі «Қазақстан Республикасы астанасының мәртебесі туралы заңнамалық актіге сәйкес Қазақстан Республикасының астанасы» деген сөздер «Алматы қаласының ерекше мәртебесі және Қазақстан Республикасы астанасының мәртебесі туралы заңнамалық актілерге сәйкес республикалық маңызы бар қала, астана» деген сөздермен ауыстырылсын;
- 42) 110-баптың 3-тармағының екінші бөлігіндегі «Республикалық маңызы бар қаланың», «республикалық маңызы бар қаланың», деген сөздер тиісінше «Республикалық маңызы бар қалалардың», «республикалық маңызы бар қалалардың» деген сөздермен ауыстырылсын;
- 43) 113-баптың 2-тармағындағы «Қазақстан Республикасының көлiк туралы заңдарында» деген сөздер «осы Кодексте» деген сөздермен ауыстырылсын;
- 44) 122-баптың 2-тармағының төртінші бөлігі мынадай редакцияда жазылсын: «Мемлекеттік экологиялық сараптаманың оң қорытындысы болған кезде шаруашылық қызметтің шектеулі режимі белгіленген учаскелерді ғана, мемлекеттік бағдарламаларда көзделген туризм объектілерінің, ерекше стратегиялық маңызы бар су шаруашылығы ғимараттарының құрылысы және жұмыс істеуі, сондай-ақ Қазақстан Республикасының Мемлекеттік шекарасының объектілерін салу, оларды жайластыру және күтіп-ұстау үшін ықтимал орналастырудың басқа жолдары болмаған кезде Қазақстан Республикасының Үкіметі белгілеген тәртіппен босалқы жерге ауыстыру жағдайларын қоспағанда, ерекше қорғалатын табиғи аумақтардың жерін ауыстыруға жол берілмейді.»;
- 45) 123-баптың 2-тармағының бірінші бөлігіндегі «облыстардың (республикалық маңызы бар қала, астана) атқарушы органдарының» деген сөздер «облыстардың, республикалық маңызы бар қалалардың, астананың жергілікті атқарушы органдарының» деген сөздермен ауыстырылсын;
- 46) 124-бапта : тақырыптағы «және оны резервте қалдыру» деген сөздер алып тасталсын; мәтіндегі «және жердi ерекше қорғалатын табиғи аумақтар үшiн резервте қалдыру Қазақстан Республикасының ерекше қорғалатын табиғи аумақтар туралы заңдарына» деген сөздер «Қазақстан Республикасының ерекше қорғалатын табиғи аумақтар саласындағы заңнамасына» деген сөздермен ауыстырылсын;
- 47) 135-баптағы «су ресурстарын басқарудың уәкiлеттi органымен» деген сөздер «су қорын пайдалану және қорғау, сумен жабдықтау, су бұру саласындағы уәкілетті мемлекеттік органмен» деген сөздермен ауыстырылсын;
- 48) 145-баптың 1-тармағындағы «жер ресурстарын пайдалану жөнiндегi» деген сөздер алып тасталсын;
- 49) 146-баптың 2-тармағында: екінші бөліктегі «Жер ресурстарын басқару жөнiндегi орталық» деген сөздер «Орталық» деген сөзбен ауыстырылсын; үшінші бөліктегі «Облыстардың (республикалық маңызы бар қаланың, астананың) жер ресурстарын басқару жөніндегі аумақтық органдарының басшылары» деген сөздер «Жер ресурстарын басқару жөніндегі аумақтық органдардың басшылары және олардың орынбасарлары» деген сөздермен ауыстырылсын; мынадай мазмұндағы алтыншы бөлікпен толықтырылсын: «Жердің пайдаланылуы мен қорғалуына мемлекеттік бақылауды тікелей жүзеге асыратын орталық уәкілетті органның және оның аумақтық органдарының өзге де лауазымды адамдары жер пайдалану және оны қорғау жөніндегі мемлекеттік инспекторлар болып табылады.»;
- 50) 148-баптың 1-тармағының 4) тармақшасында: «өтеу туралы iстер бойынша» деген сөздер «өтеу туралы, өз мақсатында пайдаланылмай не Қазақстан Республикасының заңнамасын бұза отырып пайдаланылып жатқан жер учаскелерiн мәжбүрлеп алып қою туралы,» деген сөздермен ауыстырылсын; «күшiн жою мәселелерi бойынша» деген сөздер «күшін жою туралы» деген сөздермен ауыстырылсын; «орындау туралы iстер бойынша» деген сөздер «орындау туралы» деген сөздермен ауыстырылсын; «сотқа жүгінуге» деген сөздер «сотқа талап-арыз дайындауға және беруге» деген сөздермен ауыстырылсын;
- 51) 149-баптың 3-тармағының 5) тармақшасы мынадай редакцияда жазылсын: «5) аумақтың жер-шаруашылық орналастыру, бүлiнген жердi жаңғырту мен жаңа жердi игеру жобаларын, сондай-ақ жердi пайдалану мен қорғауға байланысты басқа да жобаларды әзiрлеудi, келісуді, бекітуді және беруді;»;
- 52) 150-баптың 3-тармағындағы, 156-баптың 3-тармағындағы және 161-баптың 1-тармағындағы «жер ресурстарын басқару жөнiндегi» деген сөздер алып тасталсын;
- 53) 164-1-баптың 2-тармағының бесінші бөлігі мынадай редакцияда жазылсын: «Жер учаскесiн заңсыз иеленушiнiң жеке басын (деректерiн) анықтау мүмкiн болмаған жағдайда, аумағында осындай жер учаскесі анықталған республикалық маңызы бар қаланың, астананың, ауданның, облыстық маңызы бар қаланың уәкілетті органы иесі жоқ жылжымайтын зат ретінде есепке қою үшін жылжымайтын мүлікке құқықты мемлекеттік тіркеуді жүзеге асыратын органға өтініш жібереді. Иесі жоқ жылжымайтын зат есепке қойылған күннен бастап бір жыл өткен соң аумағында жер учаскесі анықталған республикалық маңызы бар қаланың, астананың, ауданның, облыстық маңызы бар қаланың атқарушы органы осы затты мемлекет меншігіне түскен деп тану туралы талаппен сотқа жүгінеді.»;
- 54) 21-тараудың тақырыбындағы «және өтпелі» деген сөздер алып тасталсын;
- 55) 170-бап алып тасталсын.