2007 жылғы 9 қаңтардағы Қазақстан Республикасының Экологиялық кодексіне (Қазақстан Республикасы Парламентiнiң Жаршысы, 2007 ж., № 1, 1-құжат; № 20, 152-құжат; 2008 ж., № 21, 97-құжат; № 23, 114-құжат; 2009 ж., № 11-12, 55-құжат; № 18, 84-құжат; № 23, 100-құжат; 2010 ж., № 1-2, 5-құжат; № 5, 23-құжат; № 24, 146-құжат; 2011 ж., № 1, 2, 3, 7-құжаттар; № 5, 43-құжат):
- 1) мазмұнында: мынадай мазмұндағы жиырма үшінші абзацпен толықтырылсын: «17-1-бап. Коммуналдық шаруашылық саласындағы уәкілетті органның құзыреті»; жиырма төртінші және жиырма бесінші абзацтары мынадай редакцияда жазылсын: «19-бап. Облыстардың, республикалық маңызы бар қалалардың, астананың жергiлiктi өкiлдi органдарының қоршаған ортаны қорғау саласындағы құзыретi 19-1-бап. Аудандардың, облыстық маңызы бар қалалардың жергiлiктi өкiлдi органдарының коммуналдық шаруашылық саласындағы құзыретi 20-бап. Облыстардың, республикалық маңызы бар қалалардың, астананың жергiлiктi атқарушы органдарының қоршаған ортаны қopғaу саласындағы құзыретi 20-1-бап. Аудандардың, облыстық маңызы бар қалалардың жергiлiктi атқарушы органдарының коммуналдық шаруашылық саласындағы құзыретi»; үш жүз елу алтыншы абзацындағы «Тұрмыстық қатты қалдықтарды» деген сөздер «Коммуналдық қалдықтарды» деген сөздермен ауыстырылсын;
- 2) 1-баптың 1-тармағы мынадай мазмұндағы 7-1) тармақшамен толықтырылсын: «7-1) коммуналдық шаруашылық саласындағы уәкілетті орган – коммуналдық қалдықтармен жұмыс істеу саласындағы мемлекеттік саясатты әзірлеу және іске асыру мәселелері бойынша басшылықты және салааралық үйлестіруді жүзеге асыратын орталық атқарушы орган;»;
- 3) 16-баптың 7) тармақшасының сегізінші абзацындағы «ережелерiн бекiтедi;» деген сөздер «қағидаларын;» деген сөзбен ауыстырылып, мынадай мазмұндағы тоғызыншы абзацпен толықтырылсын: «коммуналдық қалдықтардың пайда болу және жинақталу нормаларын есептеудің үлгілік қағидаларын бекiтедi;»;
- 4) мынадай мазмұндағы 17-1-баппен толықтырылсын:
- 5) Коммуналдық шаруашылық саласындағы уәкілетті орган: 1) коммуналдық қалдықтармен жұмыс істеу саласындағы мемлекеттік саясатты әзірлеуге және іске асыруға қатысады; 2) өз құзыреті шегінде коммуналдық қалдықтармен жұмыс істеу саласындағы нормативтік-техникалық құжаттаманы әзірлейді және бекітеді; 3) коммуналдық қалдықтармен жұмыс істеу саласында әдістемелік қамтамасыз етуді ұйымдастырады; 4) коммуналдық қалдықтармен жұмыс істеу саласында қолданбалы ғылыми-зерттеу және тәжірибелік-конструкторлық жұмыстар жүргізуді ұйымдастырады; 5) коммуналдық қалдықтардың пайда болу және жинақталу нормаларын есептеудің үлгілік қағидаларын әзірлейді; 6) Қазақстан Республикасының заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.»;
- 5) 19-бапта : тақырыбындағы және бірінші абзацындағы «Облыстардың (республикалық маңызы бар қаланың, астананың)» деген сөздер «Облыстардың, республикалық маңызы бар қалалардың, астананың» деген сөздермен ауыстырылсын; мынадай мазмұндағы 6-1) тармақшамен толықтырылсын: «6-1) коммуналдық қалдықтардың пайда болу және жинақталу нормаларын бекітеді;»;
- 6) мынадай мазмұндағы 19-1-баппен толықтырылсын:
- 8) Аудандардың, облыстық маңызы бар қалалардың жергілікті өкілді органдары коммуналдық шаруашылық саласында: 1) коммуналдық қалдықтардың пайда болу және жинақталу нормаларын бекітеді; 2) коммуналдық қалдықтарды жинау, әкету, көму және кәдеге жарату тарифтерін бекітеді; 3) Қазақстан Республикасының заңнамасына сәйкес азаматтардың құқықтары мен заңды мүдделерін қамтамасыз ету жөніндегі өзге де өкілеттіктерді жүзеге асырады.»;
- 7) 20-бапта : тақырыбындағы және бірінші абзацындағы «Облыстардың (республикалық маңызы бар қаланың, астананың)» деген сөздер «Облыстардың, республикалық маңызы бар қалалардың, астананың» деген сөздермен ауыстырылсын; мынадай мазмұндағы 8-1) тармақшамен толықтырылсын: «8-1) коммуналдық қалдықтардың пайда болуы мен жинақталуы нормаларын әзірлейді және жергiлiктi өкілді органдарға бекітуге ұсынады;»;
- 8) 3-тарау мынадай мазмұндағы 20-1-баппен толықтырылсын:
- 11) Аудандардың, облыстық маңызы бар қалалардың жергiлiктi атқарушы органдары коммуналдық шаруашылық саласында: 1) коммуналдық қалдықтардың пайда болуы мен жинақталуы нормаларын әзірлейді және аудандардың, облыстық маңызы бар қалалардың жергiлiктi өкілді органдарына бекітуге ұсынады; 2) коммуналдық қалдықтарды жинау, әкету, көму және кәдеге жарату тарифтерін әзірлейді және аудандардың, облыстық маңызы бар қалалардың жергiлiктi өкілді органдарына бекітуге ұсынады; 3) жергілікті мемлекеттік басқару мүддесінде Қазақстан Республикасының заңнамасымен жергiлiктi атқарушы органдарға жүктелген өзге де өкілеттіктерді жүзеге асырады.»;
- 9) 302-баптың тақырыбы мен бірінші абзацындағы «Тұрмыстық қатты қалдықтарды», «Тұрмыстық қатты қалдықтар» деген сөздер тиісінше «Коммуналдық қалдықтарды», «Коммуналдық қалдықтар» деген сөздермен ауыстырылсын.