2008 жылғы 4 желтоқсандағы Қазақстан Республикасының Бюджет кодексіне (Қазақстан Республикасы Парламентінің Жаршысы, 2008 ж., № 21, 93-құжат; 2009 ж., № 23, 112-құжат; № 24, 129-құжат; 2010 ж., № 5, 23-құжат; № 7, 29, 32-құжаттар; № 15, 71-құжат; № 24, 146, 149, 150-құжаттар; 2011 ж., № 2, 21, 25-құжаттар; № 4, 37-құжат; № 6, 50-құжат; № 7, 54-құжат):
- 1) 53-баптың 1-тармағы мынадай мазмұндағы 11-1) тармақшамен толықтырылсын: «11-1) тұрғын үй-коммуналдық шаруашылық: нормативтік-техникалық құжаттамаларды иелену, әзірлеу және жетілдіру; елді мекендердің шегінде орналасқан жылумен жабдықтау, электрмен жабдықтау, газбен жабдықтау, сумен жабдықтау және су бұру объектілерін жаңғырту және дамыту, сондай-ақ елді мекендерді абаттандыру; коммуналдық қалдықтармен жұмыс істеу саласын реттеу; қолданбалы ғылыми-зерттеу және тәжірибелік-конструкторлық жұмыстарды жүргізу; кадрлық және ақпараттық-талдамалық қамтамасыз ету; коммуналдық шаруашылық саласындағы уәкілетті органның елді мекендердегі инженерлік-коммуникациялық инфрақұрылымының техникалық-экономикалық негіздемелерін, жаңғырту және дамыту инвестицияларының негіздемесін орталықтандырып әзірлеуі; тұрғын үй-коммуналдық шаруашылық саласындағы объектілерді тексеруді және техникалық жай-күйін бағалауды жүргізу; тұрғын үй-коммуналдық шаруашылығының мониторингі және оны бақылау үшін ақпараттық жүйе құру; энергия және ресурс үнемдеу жөнінде іс-шаралар жүргізу;»;
- 2) 55-баптың 1-тармағы 6) тармақшасының он төртінші абзацындағы және 56-баптың 1-тармағы 5) тармақшасының жетінші абзацындағы «және ескі» деген сөздер алып тасталсын.