Тармақ 1. тараптар мемлекеттерінің уәкілетті органдары СТ-2 нысанындағы сертификаттар бланкілерінің, сертификаттарды куәландыру құқығына ие тұлғалардың қол қою үлгілерімен, ұлттық заңнамаға сәйкес тауарлардың шыққан жері туралы сертификаттарды беруге және (немесе) куәландыруға уәкілетті органдар мөрлерінің бедері үлгілерімен, осындай уәкілетті органдардың, сондай-ақ СТ-2 нысанындағы тауарлардың шыққан жері сертификаттарын және тауарлардың шыққан жері туралы декларацияны верификациялауға уәкілетті органдардың (мұндай органдар қаралған жағдайда) атаулары мен мекенжайлары туралы ақпаратпен алмасады. Мөрлердің түпнұсқалылығын біркелкі бірдейлендіруді жүзеге асыруға мүмкіндік беретін мөрлердің анық бедері болуы тиіс. Уағдаласушы тараптар мемлекеттерінің уәкілетті органдары жоғарыда көрсетілген ақпараттың кез келген өзгерулері жағдайында бір-бірін шұғыл арада хабардар етеді. 2. Осы баптың 1-тармағында көрсетілген ақпарат ұсынылмаса, әкелінетін тауарларға қатысты еркін сауда режимі берілмейді. 3. Уағдаласушы тараптар мемлекеттерінің уәкілетті органдары кейіннен СТ-2 нысанындағы тауарлардың шыққан жері сертификаттарын және тауарлардың шыққан жері туралы декларацияларды іріктеу негізінде немесе әкелетін елдің кеден органдарының бұл құжаттардың немесе оларда қамтылған мәліметтердің дұрыстығына қатысты дәлелді күмәндары пайда болған жағдайда тексеруді (верификациялауды) жүзеге асырады. 4. Осы баптың 3-тармағында көрсетілген жағдайларда әкелетін елдің кеден органы сертификатты куәландырушы құзыретті органға, немесе сертификаттарды және тауарлардың шыққан жері туралы декларацияларды верификациялауды, сертификаттың (тауардың шыққан жері туралы декларацияның) дұрыстығын және (немесе) оларда қамтылған мәліметтердің дұрыстығын растау немесе тауарлардың шыққан жері туралы өлшемді орындау жөніндегі қосымша не нақтылау мәліметтерін хабарлау туралы уәжді өтінішпен жүзеге асыруға уәкілетті органдарға сұрау жолдауға құқылы. Кейіннен верификациялау туралы сұрауға тексерілетін сертификаттың (тауардың шыққан жері туралы декларацияның) көшірмесі жалғанады. Сұрауда жолдау себептері және (немесе) іріктеу негізінде кейіннен тексеру (верификациялау) жүргізу жағдайларын қоспағанда, сертификатта (тауардың шыққан жері туралы декларацияда) дұрыс болмауы мүмкін мәліметтерді қамтитын басқа да қосымша ақпарат көрсетіледі. 5. Кейіннен тексеруді (верификациялауды) экспорттайтын Уағдаласушы тараптың уәкілетті органдары жүзеге асырады. Бұл мақсатта олар қажетті құжаттарды сұратуға, тауарлардың шыққан жері растау үшін құжаттаманы және өндірушінің (экспорттаушының) есепшоттарын тексеруге құқылы болуы тиіс. 6. Кейіннен тексеру (верификациялау) нәтижелерін алғанға дейін кеден органдары әкелінетін тауарларға қатысты тарифтік преференциялар (еркін сауда режимін) беруден бас тарту туралы шешім қабылдайды. Тарифтік преференцияларды (еркін сауда режимін) беруден бас тарту кеден органдарының әкелінетін тауарды шығарудан, Уағдаласушы тараптардың ұлттық заңнамада көзделген жағдайларын қоспағанда, алаяқтық фактілері анықталмаса және шектеулер мен тыйымдар сақталынған жағдайда, бас тартуына негіз бола алмайды. 7. Осы баптың 4-тармағында көзделген талаптарды орындау жағдайында кейіннен тексеру (верификациялау) мүмкіндігінше қысқа мерзімде жүзеге асырылуы тиіс және сұрау жолдаған кеден органына, сұрау жолданған күннен бастап 6 айдан кешіктірмей, оның нәтижелері туралы ақпарат жіберілуі тиіс. Бұл нәтижелер құжаттардың дұрыс екендігін және нақты тауарлардың Уағдаласушы тарап мемлекетінің аумағынан шыққан тауарлар ретінде қарастырыла алатындығын, сондай-ақ осы Хаттаманың басқа да талаптары орындалуда ма - осыларды айқын көрсетуі тиіс. 8. Кейіннен тексерудің (верификациялау) алынған нәтижелері сертификаттардың (тауарлардың шыққан жері туралы декларациялардың) дұрыстығын немесе тауарлардың нақты шыққан жерін анықтауға мүмкіндік бермесе, тарифтік преференциялар (еркін сауда режимі) берілмейді. 9. Тиісінше ресімделген сертификат немесе сұратылған ақпарат ұсынылмаса, тауар Уағдаласушы тараптар мемлекеттерінен шыққан болып саналмайды. 10. Кейіннен тексеруді (верификациялауды) жүргізу мақсатында сертификаттардың көшірмелері, сондай-ақ оларға қатысы бар кез келген экспорттаушы құжаттар Уағдаласушы тарап мемлекетінің уәкілетті органымен үш жылдан кем емес мерзімге сақталуы тиіс.