Осы Келісімге қатысты «зияткерлік меншікті қорғау» ұғымы авторлық және сабақтас құқықтарды қорғауды, оның ішінде компьютерлік бағдарламалар мен дерекқорларды, өнертабыстарды, өндірістік үлгілерді, тауар белгілері мен қызмет көрсету белгілерін, тауарлар шығарылған жерлердің атаулары мен интегралды сызбалар топологияларын қорғауды білдіреді. Осы құқықтарды алу рәсімі мен кез келген бұзушылықтардан қорғау шараларын қоса алғанда, Уағдаласушы тараптар зияткерлік меншік құқығын қорғауды қамтамасыз етеді. Зияткерлік меншік құқықтарын қорғау Уағдаласушы тараптар мемлекеттерінің әрқайсысының заңнамасына және екі Уағдаласушы тараптың мемлекеттері қатысушылары болып табылатын зияткерлік меншік мәселелерін реттейтін халықаралық келісімдерге сәйкес және ДСҰ-ның зияткерлік меншік құқықтарының сауда аспектісі туралы келісіміне сәйкес қамтамасыз етіледі. Егер бір немесе екі Уағдаласушы тараптың мемлекеттері көрсетілген шарттардың қатысушылары болып табылмаса, өзара және кемсітпеу қағидаты қолданылатын болады.