Осы Келісім бойынша барлық төлемдер Уағдаласушы тараптар мемлекеттерінің ұлттық заңнамаларына сәйкес еркін айырбасталатын валюталарда жүзеге асырылады. Осы Келісім шеңберіндегі есеп айырысулар тиісті жеке және заңды тұлғалар арасындағы өзара келісім бойынша банктік практикада қабылданған кез келген халықаралық есептілік түрі негізінде және Уағдаласушы тараптар мемлекеттерінің ұлттық заңнамаларына сәйкес жүргізілуі мүмкін. Уағдаласушы тараптар мемлекеттерінің шаруашылық жүргізуші субъектілері арасындағы тауарлар саудасына қатысты төлемдер және осындай төлемдерді кредит берушінің тұрған жері бойынша осы мемлекеттердің біреуінің аумағына аудару шектеуге жатқызылмайды. Уағдаласушы тараптар өз мемлекеттерінің шаруашылық жүргізуші субъектілерінің сауда операцияларын қамтамасыз ететін қысқа мерзімді немесе ұзақ мерзімді кредиттерді беру немесе өтеу кезінде шектеулерден қалыс болады.