Егер Уағдаласушы тараптардың бірі осы Келісімде көзделген сауда қатынастарында ТСБК 1994 VI бабын қолдану туралы ДСҰ келісімінің және субсидиялар мен өтем шаралары туралы ДСҰ келісімінің түсінігінде демпинг және (немесе) субсидиялар орын алып отыр деп санайтын болса, онда мұндай Уағдаласушы тарап осы Келісімнің 18-бабында көзделген рәсімдерді сақтау шартымен ДСҰ-ның көрсетілген келісімдеріне сәйкес мұндай практикаға қарсы шаралар қабылдауға құқылы. Осы Келісімнің ережелері Уағдаласушы тараптардың тиісті рәсімдер жүргізгеннен кейін өз мемлекеттерінің ұлттық заңнамасына сәйкес осы Келісімнің 18-бабында белгіленген шарттарда және (немесе) рәсімге сәйкес демпингке қарсы немесе өтем шараларын қолдану туралы шешім қабылдау құқығын ешқандай түрде шектемейді.