Тармақ 1. Мына тауарлар толығымен Уағдаласушы тараптың мемлекетінде шығарылған болып есептеледі: 1.1. Уағдаласушы тараптың осы мемлекетінің жер қойнауынан, оның аумақтық теңізінде (суларында) немесе теңіздің түбінен өндіріп алынған пайдалы қазбалар. 1.2. Уағдаласушы тарап мемлекетінде өсірілген және(немесе) жиналған өсімдік тектес өнім. 1.3. Уағдаласушы тарап мемлекетінде туған және өсірілген тірі жануарлар. 1.4. Уағдаласушы тарап мемлекетінде өсірілген жануарлардан осы елде алынған өнім. 1.5. Уағдаласушы тарап мемлекетінде аңшылық және балық аулау кәсіпшілігі нәтижесінде алынған өнім. 1.6. Уағдаласушы тарап осы мемлекетте тіркелген немесе есепке қойылған және Уағдаласушы тараптың осы мемлекетінің туын алып жүретін кемелері Уағдаласушы тарап мемлекетінің аумақтық теңізінен тыс жерлерде ауланған балық аулау кәсіпшілігінің өнімі мен теңіз кәсіпшілігінің басқа да өнімі. 1.7. Егер осындай қайта өңдеуші кеме Уағдаласушы тараптың осы мемлекетінде тіркелген немесе есепке қойылған және оның туын алып жүретін болса, Уағдаласушы тарап мемлекетінен шығатын қайта өңдеуші кемесінің бортында осы баптың 1.6-тармақшасында көрсетілген өнімнен ғана алынған өнім. 1.8. Уағдаласушы тараптың осы мемлекетінің осы теңіз түбін немесе осы теңіз қойнауын игеруге айрықша құқығы болған жағдайда, Уағдаласушы тарап мемлекетінің аумақтық теңізінен тыс жерлердегі теңіз түбінен немесе теңіз қойнауынан алынған өнім. 1.9. Өндірістік немесе қайта өңдеу жөніндегі өзге де операциялар нәтижесінде алынған қалдықтар мен сынықтар (қайталама шикізат). 1.10. Уағдаласушы тарап мемлекетіне тиесілі не ол жалға алған (кіреге алған) ғарыш кемелерімен ашық ғарышта алынған жоғары технологиялар өнімі. 1.11. Уағдаласушы тарап мемлекетінде осы баптың 1.1-1.10-тармақшаларында көрсетілген өнімнен дайындалған тауарлар.