Тармақ 1. Тараптар осы Шарттың 14-бабында көзделген жағдайлардан басқа, тауарлармен өзара сауданы жүзеге асыру шеңберінде тауарларды жеткізу үшін халықаралық аударымдар мен төлемдерге қолданыстағы шектеулерді сақтамайды және жаңа шектеулер белгілемейді.
Тармақ 2. Осы Шартта ештеңе де Тараптардың Халықаралық валюта қоры туралы келісімнің баптарына немесе осы баптың 3-тармағына сәйкес Тараптар жасайтын арнайы валюталық келісімнің ережелеріне сәйкес олардың Халықаралық валюта қорындағы мүшелігінен туындайтын құқықтары мен міндеттемелерін қозғамайды.
Тармақ 3. Егер осы Шартқа қосылатын мемлекет Халықаралық валюта қоры туралы келісім баптарының қатысушысы болып табылмайтын болса, онда Тараптар осындай мемлекетпен тауарлармен өзара сауданы жүзеге асыруға байланысты төлемдерді жүзеге асыру тәртібін белгілейтін арнайы валюталық келісім жасайды.