Тармақ 1. Осы Шартта ештеңе де Тараптың (кеден одағының) 1 арнайы қорғау шараларын қолдану құқығын шектемейді. Өнеркәсіп пен ауыл шаруашылығы тауарларына қатысты осындай шаралар ТСБК 1994 XIX бабына, Қорғау шаралары жөніндегі ДСҰ-ның келісіміне және осы Шартқа сәйкес қана қолданылуы тиіс.
Тармақ 2. Тарап (кеден одағы) арнайы қорғау шараларын қолдану кезінде осы тауардың импорты осы Тараптың (кеден одағының) ұлттық өнеркәсібіне залал келтірілмесе және/немесе залал келтіру қаупін төндірмейтіндей ауқымда және жағдайларда жүзеге асырылған болса, басқа Тараптың аумағынан шығарылған тауарды осы шаралардың ықпалынан алып тастайды.
Тармақ 3. Тараптың (кеден одағының) бірінің арнайы қорғау шараларын қолдану ниеті болған жағдайда, осы Тарап (кеден одағы) тексерулердің аяқталуына дейін 30 күннен кешіктірмей шараны қолдану басқа Тарапқа қатысты болуы мүмкін оларға осындай ниеті туралы хабарлайды. Мүдделі Тараптар өзара қолайлы шешім табу мақсатында консультациялар жүргізеді.
Тармақ 4. Тараптар (кеден одағы) арнайы қорғау шараларының түрін таңдау кезінде осы Шарттың мақсаттарына қол жеткізуге барынша аз залал тигізетін шараларға басымдық береді.
Тармақ 1. Осы Шарттың 8-бабының және 9-бабының мақсаттары үшін кеден одағы деп Тараптардың бірлестігі аясында бірыңғай арнайы қорғау, демпингке қарсы және өтемақы шараларын қолдану көзделген бірлестік түсініледі.