Тармақ 1. Осы Шартта ештеңе де Тарапқа (кеден одағына) басқа Тараптан шығарылған тауар импортына қатысты демпингке қарсы немесе өтемақы шараларын қолдануға кедергі келтірмейді. Өнеркәсіп пен ауыл шаруашылығы тауарларына қатысты осындай шаралар ТСБК 1994 VI, XVI баптарына, ТБСК 1994 VI бабын қолдану жөніндегі ДСҰ келісіміне, Субсидиялар және өтемақы шаралары жөніндегі ДСҰ келісіміне және осы Шартқа сәйкес қана қолданылуға тиіс.
Тармақ 2. Тараптың бірінің (кеден одағының) демпингке қарсы немесе өтемақы шараларын қолдану ниеті болған жағдайда, осы Тарап (кеден одағы) шараларды қолданғанға дейін шараларды қолдану үшін негіз болып табылатын негізгі факторлар мен қорытындылар туралы тиісті ақпаратты басқа мүдделі Тарапқа береді. Тараптардың өз мүдделерін қорғай алулары үшін, мұндай ақпаратты беру алдын ала, бірақ тексеру аяқталғанға дейін кемінде 30 күннен кешіктірілмей берілуі тиіс.
Тармақ 3. Демпингке қарсы немесе өтемақы шараларын қолдану немесе ұзарту ниеті бар Тарап (кеден одағы) мүдделі Тараптар тексеруді аяқтағанға дейін алдын ала консультациялар жүргізу үшін барабар мүмкіндік беруге тиіс.
Тармақ 4. Тараптар (кеден одағы) арнайы қорғау шараларының түрін таңдау кезінде осы Шарттың мақсаттарына қол жеткізуге барынша аз залал тигізетін шараларға басымдық береді.