Тұтынушылардың газ және газбен жабдықтау туралы Қазақстан Республикасының заңнамасында белгіленген тұрмыстық және коммуналдық-тұрмыстық газ тұтыну жүйелерін және газ жабдықтарын пайдалану қауіпсіздігі жөніндегі талаптарды бұзуы, – жеке тұлғаларға – айлық есептiк көрсеткiштiң бестен жетіге дейiнгi, дара кәсiпкерлерге, заңды тұлғаларға он бестен жиырмаға дейiнгi мөлшерiнде айыппұл салуға әкеп соғады. 2. Осы баптың бiрiншi бөлiгiнде көзделген әкiмшiлiк жаза қолданылғаннан кейiн бiр жыл iшiнде қайталап жасалған іс-әрекеттер, – жеке тұлғаларға – айлық есептiк көрсеткiштiң жетіден онға дейiнгi, дара кәсiпкерлерге, заңды тұлғаларға жиырмадан отызға дейiнгi мөлшерiнде айыппұл салуға әкеп соғады. 3. Газ тұтыну жүйесіне тауарлық немесе сұйытылған мұнай газын беруді өз бетінше қайта қосу – жеке тұлғаларға – он, дара кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға – отыз, iрi кәсiпкерлiк субъектiлерi болып табылатын заңды тұлғаларға бір жүз айлық есептік көрсеткіш мөлшерiнде айыппұл салуға әкеп соғады. 4. Тұтынушылардың газ және газбен жабдықтау туралы Қазақстан Республикасының заңнамасында белгіленген тұрмыстық және коммуналдық-тұрмыстық газ тұтыну жүйелерін және газ жабдықтарын пайдалануды қоспағанда, газбен жабдықтау жүйесі объектілерін пайдалану қауіпсіздігі жөніндегі талаптарды бұзуы, – дара кәсіпкерлерге, шағын немесе орта кәсiпкерлiк субъектiлерi болып табылатын заңды тұлғаларға, – елу, iрi кәсiпкерлiк субъектiлерi болып табылатын заңды тұлғаларға екі жүз айлық есептік көрсеткіш мөлшерiнде айыппұл салуға әкеп соғады. 5. Осы баптың төртiншi бөлiгiнде көзделген әкiмшiлiк жаза қолданылғаннан кейiн бiр жыл iшiнде қайталап жасалған іс-әрекеттер, – дара кәсіпкерлерге, шағын немесе орта кәсiпкерлiк субъектiлерi болып табылатын заңды тұлғаларға – жүз, iрi кәсiпкерлiк субъектiлерi болып табылатын заңды тұлғаларға төрт жүз айлық есептік көрсеткіш мөлшерiнде айыппұл салуға әкеп соғады.»;
- 6) 227-бап алып тасталсын;
- 7) 228-баптағы «Газ тұтынушы ұйымдар», «газ пайдалану қондырғыларын» деген сөздер тиісінше «Өнеркәсіптік және (немесе) коммуналдық-тұрмыстық тұтынушылар», «өнеркәсіптік және (немесе) коммуналдық-тұрмыстық тұтынушылардың газ тұтыну жүйелерін» деген сөздермен ауыстырылсын;
- 8) 541-баптың бірінші бөлігі: «147-10 (екінші, төртінші, бесінші, алтыншы, жетінші, оныншы, он бірінші, он екінші, он үшінші, он төртінші бөліктерінде),» деген сөздерден кейін «147-11, 147-12,» деген цифрлармен толықтырылсын; «222-229» деген цифрлар «222-226, 228-229» деген цифрлармен ауыстырылсын;
- 9) 636-баптың бірінші бөлігінің 1) тармақшасында: үшінші абзацта «229» деген цифрлардың алдынан «(225-1 (газбен жабдықтау жүйелері объектілерінің күзет аймақтарындағы бұзушылықтар бойынша), 226 (үшінші-бесінші бөліктер), 228,)» деген сөздермен толықтырылсын; отыз тоғызыншы абзацтағы «(147-1-бабы)» деген сөздер «(147-1, 147-12 (бірінші және үшінші бөліктер (мұнай өнімдерінің бөлшек саудада өткізудің шекті бағасын асырып жіберу бойынша)-баптар)» деген сөздермен ауыстырылсын; қырық екінші абзац «225-1» деген цифрлардан кейін «(электр мен жылу желiлерi жолдарының күзет аймақтарындағы бұзушылықтар бойынша)» деген сөздермен толықтырылсын; қырық алтыншы абзац мынадай редакцияда жазылсын: «мұнай және газ саласындағы уәкілетті органның (147-11, 147-12-баптар (екінші және үшінші бөліктер (тауарлық немесе сұйытылған мұнай газын көтерме саудада өткізудің шекті бағасын асырып жіберу бойынша);»; алпыс бірінші абзацтағы «163-6,» деген цифрлардан кейін «226 (бірінші және екінші бөліктер),» деген сөздермен толықтырылсын;