Тармақ 1. Комиссия өз өкілеттіктері шегінде Тараптар үшін міндетті сипаттағы шешімдерді және міндетті емес сипаттағы ұсынымдарды қабылдайды.
Тармақ 2. Комиссия шешімдері мен ұсынымдарын осы Шартта бекітілген өкілеттіктер шегінде және осы Шарт пен Регламентте көзделген тәртіппен Комиссия Кеңесі және Комиссия Алқасы қабылдайды.
Тармақ 3. Егер халықаралық шарттарда өзгеше көзделмесе, Комиссия шешімдері ресми жарияланған күнінен бастап кемінде күнтізбелік 30 күн өткен соң күшіне енеді.
Тармақ 4. Жеке және (немесе) заңды тұлғалардың жағдайын нашарлататын Комиссия шешімдерінің кері күші болмайды.
Тармақ 5. Жеке және (немесе) заңды тұлғалардың жағдайын жақсартатын Комиссия шешімдері, егер олар осыны тікелей көздесе, кері күшке ие бола алады.
Тармақ 6. Комиссияның Регламентте көзделген шешімдерін қоспағанда, Комиссия шешімдері Комиссияның ресми интернет сайтында жариялануға жатады және шешім қабылданғаннан бастап күнтізбелік 3 күннен кешіктірілмей Тараптарға жолданады. Комиссия шешімінің Интернет желісіндегі Комиссияның ресми сайтында жарияланған күні осы шешімнің ресми жарияланған күні деп танылады.