Бап 6 О документах, удостоверяющих личность

Тармақ 1. Мыналар:

• 1) Қазақстан Республикасы азаматының паспорты;
• 2) Қазақстан Республикасы азаматының жеке куәлігі;
• 3) шетелдіктің Қазақстан Республикасында тұруына ықтиярхат;
• 4) азаматтығы жоқ адамның куәлігі;
• 5) Қазақстан Республикасының дипломатиялық паспорты;
• 6) Қазақстан Республикасының қызметтік паспорты;
• 7) босқын куәлігі;
• 8) Қазақстан Республикасы теңізшісінің жеке куәлігі;
• 9) шетелдік паспорт;
• 10) қайтып оралуға арналған куәлік;
• 11) туу туралы куәлік;
• 12) жол жүру құжаты жеке басты куәландыратын құжаттар болып табылады.
• 13) Қазақстан Республикасының Қылмыстық-процестік кодексінде көзделген жағдайларда, жүргізушінің куәлігі, әскери билет және туу туралы акті жазбасы жеке басты куәландыратын құжаттар болып танылуы мүмкін.

Тармақ 2. Қазақстан Республикасының уәкілетті мемлекеттік органдары беретін жеке басты куәландыратын құжаттар мемлекет меншігі болып табылады.

Тармақ 3. Азаматтық-құқықтық мәмілелер осы баптың 1-тармағының 1), 2), 3), 4), 9) және 11) тармақшаларында көзделген жеке басты куәландыратын құжаттар бойынша жасалады.

Тармақ 4. Қазақстан Республикасының жеке басты куәландыратын құжаттар саласындағы заңнамасында айқындалған жағдайлардан басқа, жеке және заңды тұлғаларға цифрлық құжаттар сервисі арқылы пайдаланылатын және берілетін жеке басты куәландыратын құжаттардың қағаз жеткізгіштегі құжаттармен мәні бірдей.