Бап 7 О документах, удостоверяющих личность

Тармақ 1. Жеке басты куәландыратын құжаттар мынадай деректерді:

• 1) тегін, атын, әкесінің атын (ол болған жағдайда);
• 2) туған күнін, айын, жылын және жерін;
• 3) туу туралы куәлікті қоспағанда, жынысын;
• 4) қай ұлтқа жататынын – осы Заңның 6-бабы 1-тармағының 1), 2), 5) және 6) тармақшаларында көрсетілген жеке басты куәландыратын құжаттарда иесінің қалауы бойынша;
• 5) туу туралы куәлікті қоспағанда, азаматтығын;
• 6) туу туралы куәлікті қоспағанда, фотосуретін;
• 7) құжатты берген органның атауын;
• 8) туу туралы куәлікті қоспағанда, құжаттың берілген күнін, айын, жылын, нөмірін, қолданылу мерзімін;
• 9) туу туралы куәлікті қоспағанда, құжаттар иесінің қойылған қолын қамтиды.

Тармақ 2. Осы Заңның 6-бабы 1-тармағының 1), 2), 3), 4), 5), 6), 11) және 12) тармақшаларында көрсетілген жеке басты куәландыратын құжаттар жеке сәйкестендіру нөмірін қамтиды.

Тармақ 2-1. Осы Заңның 6-бабы 1-тармағының 1) – 4), 7) және 8) тармақшаларында көрсетілген жеке басты куәландыратын құжаттар "Дактилоскопиялық және геномдық тіркеу туралы" Қазақстан Республикасының Заңында белгіленген жағдайларда құжат иесінің қол саусақтарының іздерін қамтиды.

Тармақ 3. Жеке басты куәландыратын құжаттарды уәкілетті мемлекеттік орган қазақ тілінде немесе иесінің қалауы бойынша орыс тілінде толтырады.