Бап 4 О гражданской защите

Тармақ 1. Азаматтық қорғаудың мемлекеттік жүйесі аумақтық және салалық кіші жүйелерден тұрады.

Тармақ 2. Азаматтық қорғаудың мемлекеттік жүйесінің үш деңгейі бар: республикалық, аумақтық және объектілік.

Тармақ 3. Азаматтық қорғаудың мемлекеттік жүйесіне басшылықты:

• 1) республикалық деңгейде – Қазақстан Республикасының Үкіметі;
• 2) аумақтық деңгейде – тиісті әкімшілік-аумақтық бірліктердің әкімдері;
• 3) объектілік деңгейде – ұйымдардың басшылары;
• 4) салалық кіші жүйелерде – орталық атқарушы органдардың және Қазақстан Республикасының Президентіне тікелей бағынатын және есеп беретін мемлекеттік органдардың басшылары жүзеге асырады.

Тармақ 4. Азаматтық қорғаудың басқару органдары:

• 1) республикалық деңгейде:
• 2) уәкілетті орган;
• 3) салалық кіші жүйелерде орталық атқарушы органдар және Қазақстан Республикасының Президентіне тікелей бағынатын және есеп беретін мемлекеттік органдар;
• 2) аумақтық деңгейде:
• 5) жергілікті атқарушы органдар;
• 6) уәкілетті органның аумақтық органдары;
• 7) салалық кіші жүйелерде орталық атқарушы органдардың және Қазақстан Республикасының Президентіне тікелей бағынатын және есеп беретін мемлекеттік органдардың аумақтық бөлімшелері;
• 3) объектілік деңгейде – ұйым басшылары болып табылады.

Тармақ 5. Азаматтық қорғау жүйесінде мемлекеттік басқару азаматтық қорғаудың мемлекеттік жүйесінің барлық деңгейлерін тарту арқылы жүзеге асырылады.

• 1) күнделікті қызмет режимі – төтенше жағдайлардың туындау қатерінің болмауымен сипатталатын, ведомстволық бағынысты аумақта азаматтық қорғаудың мемлекеттік жүйесінің, оның аумақтық және салалық кіші жүйелерінің жұмыс істеу тәртібі.
• 2) жоғары әзірлік режимі – төтенше жағдайлардың туындау қатері төнген кезде енгізілетін азаматтық қорғаудың мемлекеттік жүйесінің, оның жекелеген кіші жүйелерінің жұмыс істеу тәртібі.
• 3) төтенше жағдай режимі – төтенше жағдай туындаған кезде және оны жою кезінде енгізілетін, азаматтық қорғаудың мемлекеттік жүйесінің, оның жекелеген кіші жүйелерінің жұмыс істеу тәртібі.