Тармақ 1. Хатшылыққа Бас директор мен тұрақты штаб-пәтерде және басқа да құрылған кеңселерде жұмыс істейтін ресми персонал кіреді. Бас директор Ұйым қызметкерлерінің ресми тізімін айқындайды. 2. Бас директорды Бас Ассамблея мерзімін бір рет ұзартуымен төрт жылдық кезеңге тағайындайды. Бас директор мүше мемлекеттер ұсынған кандидаттар арасынан барлық мүше мемлекеттер үшін тең мүмкіндік қағидатына сәйкес тиісінше біліктілігі, әдептілігі және тәжірибесі ескеріле отырып тағайындалады. 3. Бас директор Атқарушы Кеңестің және Бас Ассамблеяның алдында есеп беруге тиіс және оның Хатшылықтың барлық қызметкерлеріне басшылық етуге тікелей өкілеттігі бар. 4. Егер Бас директордың лауазымы оның өкілеттігінің мерзімі аяқталғанға дейін тоқсан (90) күннен артық кезеңде бос болған жағдайда Бас Ассамблея қалған мерзімге оның орнына мирасқорын тағайындауға тиіс.