Тармақ 1. Сұрау салынатын Мемлекет Сұрау салушы Мемлекетке жалпы қолжетімді материалдардың көшірмелерін, оның ішінде Сұрау салынатын Мемлекеттің мемлекеттік мекемелері мен ведомстволары иелік ететін кез келген нысандағы құжаттарды немесе ақпаратты береді.
Тармақ 2. Сұрау салынатын Мемлекет сол Мемлекеттің мемлекеттік мекемелері мен ведомстволары иелік ететін, жұртшылыққа қолжетімді емес кез келген құжаттардың көшірмелерін, материалдарды немесе ақпаратты оның өз құқық қорғау немесе сот органдарына осы көшірмелер қолжетімді болатын шамада және жағдайларда бере алады. Осы тармақтың негізінде Сұрау салынатын Мемлекет өз қалауы бойынша сұрау салуды толықтай немесе ішінара қабылдамауға құқылы.
Тармақ 3. Осы баптың ережелеріне сәйкес берілген ресми материалдарды осы Шартқа қоса берілетін В нысанының көмегімен ресми тұлға растауы мүмкін. Ешқандай қосымша куәландыру талап етілмейді. Осы тармаққа сәйкес расталған құжаттар Сұрау салушы Мемлекетте дәлелдемелер ретінде жарамды болады.