Тармақ 1. Мемлекеттердің шекара өкілдері мен Тараптардың уәкілетті органдары қысқа мерзімде шекара бұзушыға қатысты тексеру жүргізеді, оның тұлғалығын, шекара бұзудың мән-жайы мен себебін анықтайды және ұстау сәтінен бастап жеті күн ішінде оны екінші мемлекеттің шекара өкілдеріне немесе екінші Тараптың уәкілетті органдарына береді. Белгіленген мерзімде бұзушыларды беру немесе қабылдау мүмкін болмаған жағдайда, бұзу және оны уақытылы беру немесе қабылдау мүмкін болмаған себептері туралы мәліметті мемлекеттік шекара өкілдеріне немесе екінші Тараптың уәкілетті органдарына беруі тиіс. 2. Егер шекараны бұзушы оны ұстаған Тарап мемлекетінің азаматы болып табылса, егер халықаралық шарттарда белгіленбесе, бір мезгілде қатысушы Тарап мемлекеті болып табылса, онда ол берілуге жатпайды. 3. Егер тұлға шекараны бұзудан басқа, мемлекеттің ұстау аумағында өзге қылмыстық әрекет жасаса, онда ұстаған Тараптың уәкілетті органдары өз мемлекетінің ұлттық заңнамасына сәйкес оны тексеру үшін қажетті кезеңде қамауда ұстауы және жауапкершілікке тартуы мүмкін. Мұндай жағдайда мемлекеттердің шекара өкілдері немесе ұстаған Тараптың уәкілетті органдары шекара бұзушы, ол жасаған қылмыстарының жай-күйі, оған қатысты қабылданған шаралар мен тексеру нәтижелері туралы мәліметтерді мемлекеттің шекара өкілдері мен екінші Тараптың уәкілетті органдарына хабарлайды. 4. Шекара бұзушыны тапсыру кезінде мемлекеттердің шекара өкілдері немесе ұстаған Тараптың уәкілетті органдары мемлекеттің шекара өкілдері немесе қабылдаған Тараптың уәкілетті органдарына тұлғаның шекараны бұзу кезінде пайдаланған көлік құралын және қабылдаған Тараптың аумағынан алып өткен мүлкін дәлел ретінде береді.