Тармақ 1. Шекара бұзушының құқығы мен мүддесі тараптар мемлекеттерінің ұлттық заңнамаларына және бір мезгілде Тараптар мемлекеттері қатысушы болып табылатын халықаралық шарттарға сәйкес қамтамасыз етіледі. Тараптардың уәкілетті органдары шекараны бұзушыға қатысты адамгершілікке жатпайтын шараларға және дөрекі нысандарға жол бермейді. 2. Егер шекара бұзушы Тараптар мемлекеттері азаматтарының өмірі мен қауіпсіздігіне қауіп төндірмесе, оған қатысты қару қолдануға тыйым салынады. Шекара персоналы шекараны бұзушыға қарсы қару қолданар алдында қару қолдану ниеті туралы оған анық ескерту жасайды және ескерту оғын атады. Шекараны бұзушыға қатысты қаруды қолдану басқа қабылданған шаралар оң нәтижелер бермегенде, аса қажет болған жағдайда ғана рұқсат етіледі. Қару қолдану шекара арқылы тек қана заңсыз іс-әрекеттердің тиімді жолын кесу мақсатында қолданылады. Ұстау кезінде жарақат алған шекараны бұзушыға шұғыл медициналық көмек көрсетіледі.