Тармақ 1. Тараптар немесе оның уәкілетті органдары әуе кемесі екінші Тарап мемлекетінің әуе кеңістігі арқылы олардың мемлекетінің шекарасынан заңсыз өткендігін куәландырғаннан кейін шекараны бұзушы әуе кемесінің ықтимал түрі, сонымен қатар шекараны бұзу уақыты, жері (географиялық координаттары), биіктігі және ұшу бағыты (әуе жолы) туралы дереу екінші Тарапқа немесе оның уәкілетті органдарына хабарлайды. Шекараны әуе кемесімен заңсыз кесіп өтуі туралы хабар алғаннан кейін әуе кемесімен мемлекеттің әуе кеңістігінің шекарасын бұзған Тарап немесе оның уәкілетті органдары шекараны заңсыз бұзу фактісі бойынша дереу тексеру жүргізеді және екінші Тараптың немесе оның уәкілетті органдарына шекарадан заңсыз өту себептері туралы хабарлайды. Егер әуе кемесімен әуе кеңістігінен шекараны бұзған Тарап немесе оның уәкілетті органдарының әуе кемесіне қатысты ақпараттары болмаса, олар бұл туралы екінші Тарапқа хабарлайды және оны іздеу шараларын ұйымдастырады. Тараптар немесе олардың уәкілетті органдары әуе кемесінің шекарадан заңсыз өту себептерін бірлесіп тексереді. 2. Шекарадан заңсыз өткен әуе кемесі туралы ақпараттар алмасу тәртібі Тараптармен немесе олардың уәкілетті органдарының тиісті келісімдеріне сәйкес шешіледі.