Тармақ 1. Мемлекеттік шекара режимін, осы Келісімдерде көрсетілген шекаралық оқыс оқиғалардың дер кезінде алдын алу және реттеуді қамтамасыз ету жөніндегі мәселелерді шешу мүдделерінде Тараптар шекараның тиісті учаскелеріне мемлекеттің шекара өкілдері мен олардың орынбасарларын дербес тағайындайды, сондай-ақ шекаралық кездесулер мен келіссөздерге арналған орындарды бекітеді. Тараптар мемлекеттің шекара өкілдері мен олардың орынбасарларын тағайындау туралы бірін-бірі хабардар етеді. Мемлекеттер шекара өкілдерінің жауапты учаскелері мен кездесу орындары осы Келісімнің 7-қосымшасында айқындалған. 2. Мемлекеттердің шекара өкілдері жұмысты өз мемлекетінің ұлттық заңнамаларына және осы Келісімге сәйкес жүзеге асырады. 3. Мемлекеттің шекара өкілінің болмау уақытында оның міндеттерін орындау үшін оның орынбасарларынан біреуі уәкілдік етеді. 4. Мемлекеттердің шекара өкілдері жұмыс істеуге ыңғайлы болу үшін көмекшілерін және басқа да жұмысшыларын (хатшыларын, аудармашыларын, сарапшыларын, байланыс бойынша уәкілдерін және солар сияқты) тағайындайды.